NGYI 15

1 Wu Farisawa i wo ba she'ele a yuwana bah Yeso ku "Urushalima," a chiwai ne, 2 mani pa'ana ka wu ye'ele a bi'ina pa'a tum ngila mau jey? A doi zus bukya kja a libila sa. 3 Ka yer wa ka chew ne, mani ma'ana ka wumur be'ene lo'o Baku chew ngila wun? 4 Baku chiwa ne, ma'a muro yi taro i ngoo, bana luana gir biwa ku mur tari ke ngi kowuh. 5 Wu ne bwara ba na chiwa yi tari ke ngi ne "girbah ngaho ta'a wun yini ta'a bah tolo pana yi Baku." 6 Be bapina bili do'o njila ma'a muri yi tari sa i ku be njere mani i twala lo'o Baku benedo gima sa chew tum ngila. 7 Wu ba lere! yini bah "Ishaya" wo luana ku murwun ne, 8 wu bapina mani a limna mi i ngu kunya, nchimya piim i mi. 9 A lemna mima palai, chew ba ai rum wu bapina i kukut i rengchewe mawu bapina." 10 Ka tu'ula wu bapina mashen bi ka chew wa ne, " Wu wo'o ne wu she'ele 11 Gir bah na bwara ku kun bapina, yini do'o tuwo'o beh bapina sa. Gir ba i pura kuyo kun bapina yini tuwo'oi." 12 Wu ba ye'ele ma Yeso a chewai ne, "A shi'ila ne wu Farisiyawa ma ram a do bwanga yirya sa ibe lo'ou?" 13 Yeso yira ka chewne, "Gir bah Dah ma kalang na do bila sa ako wuhi ho. 14 Ji'ingni ya giraya ba lelban bahtawa, bahtawa namu war bapina bahtawa bwangya a kwa ku mpuhu." 15 Bitrus ka lo'o ka chewyi Yeso ne, "gishi chew su be ka'amur lo'o mani." 16 Yeso chew wa ne, wu shi do shi'ila sah? 17 Wu do suna ne gir ba ina bwara iyo kunu i bo'olo bor mashen bummu ka i bo'olo mashen ban so'o chiwi sa? 18 Wu gir bah a pur ku yo kunu i pur kuyo nchimu.Ya wu be gir bah ai chuwo'o bapina. 19 Ku yo nchimu ma wugir biwa ai purho, bene wu bah wol wu bapina,piswu maam iwa piswu burah, nong iwa wu maam, wubah nshiwi, wu bah rengkunu ma lilim i wu ba tuhu'o lu'ulu wu bapina. 20 Wu gir mani yini tuwu'o bapina sa." 21 Yeso luana ku banai shina mashen kangyi ma "Taya i Sidon." 22 Ashi sunu Maam "Ka'ana mo'on ku yo be kangyi banai. ngya kuni bwana ka chiwa ne, sun chiriyam, Dah Mun "Dauda!" munam masari nwangna bwana yi ko'ongo gung." 23 Yeso do fana kuni sa. Wu ba ye'ele tumui a yo nirai, a chiwayi, "chewyine i kwasherai, imu ngaha kuni ku nzumsu." 24 Yeso ka yere ka chewne, a do tura mi mashen ba bwara sa, a tura mi mashen bo wu nzur ba a bwarsa wu ma lah Isarila." 25 Pura yo ku'ura ku duwi, ka chiwai ne, Yeso kumam," 26 Ka yirayi chiwai ne, " I do bwangna ne a tol bila mawu muna ngya'ali a buk wa muna mfah sa." 27 Ka chew ne, " I Baku, wubah muna mfah magina ai lih kuyo ngya'a billa ba na swangna ku yo mur gir libila." 28 Yeso yira kachiwa yi ne, "Ba maam, pah ngichewe bwana; I ningwo bene ba anjila." kube bolo bili be muni masari kuma Shakap yir ku yo ko'ongoi. 29 Yeso ji'inga be banai shina pwer i bwaah Galilee. ka yeu mashe Konoh ka ning ku banai. 30 Wu bapina bwana yuana bih. A wara wubah shen biwa, wu batawa,wu gbing, i wu bah ngba'aya bu'unga, iwu gamur ba ko'ongo. A swa'ana ya ku dum Yeso ka a kuma shakap yir ya. 31 Wu bah zam bapina bah aku banai be gir wa gir fakunu ma a suna bah nging amu lo'o, wubah mgba'aya bu'unga a mu shenshene, wu bah a shina bi'iwa amu shen kahkah, i wu batawa misya fana. A lemna be Baku ma Israila. 32 Yeso tu'ula wu muna ye'ele tumui mashen bih ka chewne, i mur pa'am chiri i wu zam bapina mani, A ningna imi haku bari duk tarung a do kumna bila linna sa. Do njila chewya ne a kwanshere param li bila sa, aho kasawu ku nshere." 33 Wu bah Ye'ele tumui chiwai ne, so kum fo'ofoh kuhe ha ku mgba'a to'o mani bah koji wuba zam bapina mani?" 34 Yeso ka chewa ne, "Wui fo'ofoh shihe? a chiwai ne "Tangza baring i njih Chigee." 35 Yeso ka pawa be wu zam bapina kunu ne a ning su'ula ku nsah. 36 Ka tol be fo'ofoh tangza baring i be njih, iku nsum ba nira Baku, ka bwanga be fo'ofoh panawa wu muna Ye'elei,Be wu muna ye'elai pana wa zam bapina. 37 Wu bah bapina mbwang li rusa. A kamna muri ba yirai koso tangsa baring rusai. 38 Wu bah lina wu bura awo banchihi yinung a do bala wu maam iwa munamun sa. 39 Yeso ka chew wa wu bah zam bapina ne a kwanjere ya ka shen bwara ka'ango'oro sau mur'uru mashen buhi ma Magadan.