1 Ku missa bili, Hiridus muara bah rengye wo'o lo'o ku mur Yeso. 2 Ka chew wa korom yi ne, "bura mani yi Yohana ba pa'a Baptisma; i bunyere wuh lu'ama.Yi bah wu gir mom chi'i sai, i ngyarngya a mur pa'a tumu ku yiri." 3 Yi Hiridus wo bol Yohana, kuri, ka mi'i ku nengye chew Hirudiya maam so'ongi Filibus. 4 Yi Yohana wu chewui ne, "Do bwangna ne, wu war sari mani ma bamaam sa." 5 Hiridus wu njila ne i wol yi Yohana ka bang ji'iri wu bapina, chew bah a twalai ne yi bah sun duwa. 6 Ku missa duk ba a billa Hiridus, mun bwasari beh mun Hirudiya ka tah ngom ku ciri ya, bong chim Hiridus. 7 Ka fa kuni lo'o, i kanbwa ne, ko man bah na fah kuni muna ku pii. 8 Ngyi ka boro chewui gir bah i mwe tari, mwe beh taro ne, "njila ha, ku bum kwa'anjing mani, ka'amur Yohana ba pa'a baptisma." 9 nchim Gom Hiridus suhu i gir bah muna, Chew ba wo fah kuni kanabwa ku ciri wu bapina bah a yuana baya nda li billa, ma'a ne a pa'a girba beh muni munai. 10 Ma'a a sa yer ka'amur Yohana tolo ku yo ka'ana nengye. 11 A war ka'amuri ku bum kwa'ajing yo pi yi beh musari ma, yi ka wara shene she pi ngyi. 12 Wu muna ye'ele yi ayo toh loi a she lishi, a la'ahun shene chewai Yeso girba kuma bwajeh ya. 13 Yeso wo'o girmani, ka la'ahun ku bum ngo'oro mu'uru yo banai mashen bana swarmai. Wu zam wo'o na, a la'ahun war chi'i kpanah mashen cirio ram. 14 Yeso ka puru yo sun zam wu bapina. sun ciri ya ka zus ko'ongo ya so'oto' wa bwang bwang. 15 Kurwa ka pa'a, wu muna ye'ele yo bii, a chewai ne, "Su ku yumna ban, duhu imur tonoh, ji'ingi beh zam bapina mani ne a kwashereya shene pe'e billa ku ciri ram li i ka'amurya." 16 Kpama Yeso ka chew wa ne, "Do ningna ne a la'ahun shen gigeng sa. Wu pawah gima ne a li." 17 A chewai ne, "Girba wahsa ha basu yi fo'ofo nya'ali tongnung, i wu nshi nya'ali baring." 18 Yeso ka chew wa ne, "Wu waryam wuna." 19 Yeso ma'a wu zam bapina ne ning su'ula wu mur to'o. Ka tol beh fo'ofo nya'ali tongnung i ngya nshi baring, ka sun mashen kalang dong, ka so'onsah pi Baku, ka bo'ongo fo'ofo pawa wu muna ye'elei, wu muna ye'ele a gau wu zam wu bapina. 20 Bwangna yi a li rusu bumya. A kam mur gamuri ba yirai, a kum ka'a koso lum kuni baring. 21 Wu bah a wo li, wu burah ban chihi tongnung, doi i wu maam i wu munamun sa. 22 22 Mani mani yi mana wu bah ye'ele ngyi ne abor nko'oro sau mu'uru ne pur mashen kangyi mah, ka ma'ana wu zam bapina ne a kwashere ya. 23 Ku nsum bah chiwa wa bapina ne a kwanshere, ka yuwana mashen ko'okoro yi ka'amuri nda nere Baku kurwa pa'ana, i ho bani i loi. 24 Be ngo'oro sau mu'uru wo pim i yo nzah, bruah mu'uru ho mur pirwi ya, be gung kpa i mur pewe mashen baya. 25 I bolo yinung ma duhu Yeso i mur yo mayo baya imu shen ku mur mu'uru. 26 Wu muna ye'elei ba a suni i mur shen ku mur mu'uru, ji'iri bwala ya, ane " a suna nzaah,"a zwala i ji'iri. 27 Yima Yeso lo'owa ka chew ya ne, ngyargnya chimwun mii! wu do bang ji'iri sa. 28 Bitrus ka yeryi ne, "Tarsu na we, ma'ane mu shen boo ku be mu'uru. 29 Yeso ka chewei ne,"Yo" Bitrus ka lahun kuyo beh bum ka'ango'oro sau mu'uru pak ma shen ba Yeso ku mur mu'uru. 30 "Bitrus"sun gung, pakma bang ji'iri.zunama imu bor mashen ta'a mu'uru ka ngya kuni imur chewne, "Baku, ya'a buham. 31 Yeso muni muni nara buhi, bol "Biturs",ka Chewyine, "Bitrus," ka chewyi ne, "we bah pa ngichewe ma chigye, mani pa'ana ka a bangna ji'iri?" 32 Ku nzum beli wu Yeso ai Bitrus a shen bwara ku bum ka'ango'oro sau mu'uru, be gung do basa bangna sa. 33 Wu bah Ye'ele ma Yeso a swa'ana nzah panai, "ma ngichewe weni beh mun Baku" 34 A tahlu'ura, a shina nzah "Gennesaret" 35 Wu bapina ma banai a sun Yeso shi'ilai, a tuma mashen beh wu ram ba a karngya ya, a war wu bah ko'ongo yo. 36 A nirai ne a jihi kun twangyi wu ba jiha be kun twanngy bwang a kuma shakap yirya.