1 1 I beh duhi Yeso pur iyo lahm ka she ning ku kun mu'uru maganai. 2 Wu zam wu bapina a yo kam murya karngyi, yi ma ka bor bum ka'angoro sau mu'uru ning i wu bapina a chila ku mur nsai. 3 Ka chew wa gir bwana i lo'o ma swarmai ne ba kom komo puru shen nda bel ngya'a belle. 4 I wo mur bel be ngya belle ma, wu gamuri kwa ku kang shere, wu gamuri wu ngyiling yo ro'oso li. 5 Wu gamuri kwa ku sa'a tah ba ngya'ansa do bwana sa. muni-muni a wo gah yiwa, chew ba ngya'ansah do ku murya bwana sa. 6 Missa na tah ma, ai yumu chew bah a doi i me'ele ya do bwara ngya'ansah ma limi sa. 7 Wu gamuri ai kwa ku yir wu zuwe. Wu zuwe a na gulama ai swa'aha pa'a biwa. 8 Wu gamuri ngya'a belle ai kwa ku mur ngya'a nsah ma shima, ai pur i mur yah i pah lili bwana, wu gamuri ngya'ali mo'ona i bil ngya'ali bene lum mgba'a lum, lum tangsah wu gina lum tarung. 9 Yi bah i bumburi i wo'o. 10 Wu muna ye'ele shen bii a mwe Yeso ne, I lan a lo'ona wa be zam wu bapina i swarmai? 11 Yi ma Yeso ka chew wa ne, wun a pa'anawun she'ele gir ma swarmai ma lah ku kalang, ya a do panawa sa. 12 Ba nai yi, a wo ngi ma pi maginai bwana. Ba na do iyi sa, beh ba nai yi ma a wo bunuyere ya'a yo wo bii. 13 Yi bah luanawa ku swarmai ne ya a mur sunu, a do ngina sun-ban sa; a mur wo'o, a do ngina wo'o lo'o ke she'ele gir sa. 14 Ku baya sun duwa ma Ishaya rusama, ba chiwa ne, Ana mur wo'o, wo wo'o, wo o ngi she'ele sa; A na mur sunu, wu sunu, wo do ngi sunu she'ele sa. 15 Beh wu bapina mani nchimya nongna tolong, bumburya lu'ura ku wo'o lo'o, ngya'a mishya kusa a ho do ngi sun ban i ngya'a mishya sa,ke,a ho lo'o i bumbury, ke a she'ele gir i nchimya, yi ba ai pirwi bunyere, mo zus wa ko'ongo ya so'oto'o. 16 Gir shima yi ngya'a misso chew bah a mur sun ban, i bumburwun ba a mur wo'o lo'o. 17 Ma ngichewe mumur chew wun ne, wu ba sun duwa i wu ba pa'a girshima ai njel ne a sun gir ba wu mur sunu, a do ngina sunya sa. Ai njel ne da wo'o gir bah wu mur wo'o, a do ngina wo'o sa. 18 Wu shi wo'o lo'o i swarmai mani, ma ba komo bah biila ngya'a belle ku swai. 19 Bwara bah na wa'ana lo'o ma chew kalang ka do shi'ila sa, wu ba pa'a girbiwa a ho yo ra'asq mani yi ngya'a belle bah kwana ku kang ngishere. 20 Ngya'a belle bah a bila ku sa'atah yi wassa bapina ba ii wo'oh lo'o Baku muni muni i ya'a i bwong chimi. 21 Chew ba i do i me'eli ku chimi sa, i do ning mgbang sa. lulu i chiri na yuama chew lo'o Baku, ko ka'a ngya'aha mgbi'i puru kwa 22 Be ngya'a belle bah awo billa ku yir zuwe ma, yi wassa bapina bah ii wo'o lo'o Baku ii njel gir ma ramman i lere ma lili, ii tumu ku nchim wu bapina sa. 23 Beh ngya'a belle bah a wu billa ku ngya'ansah ma shimai, yi wassa bapina bah i wo'o lo'o Baku, i she'ele. I ning belle ma shimai ba i bil wu muni bene lum mgba'a lum ku mur ngya'a belle bah a wu bila, wu gamuri a wo kum bene lum mgba'a tangsa, wu gamuri lum mgba'a tarung. 24 Yeso ka bass lo'o wa i swarmai ka chew wa ne, be lah ma kalang i bene bapina ba billa belle ma shimai ku swai. 25 Wu bapina a na nwangara tolong bapina ba pa'a giorbiwa i yo bell to'o a biwai ku yir ngya'a Alkama, ka i kwansherei. 26 Beh Alkama na tah ma, na ka tah buhi ma pur i muri, be to'o ma biwai ko pur i muri kpana. 27 Beh korom ba nsah yo bi ka chewui ne, "Bwajeh, mi ne a wu billa ngya'a belle ma shimai ku ho swau? I lan ka to'o ma biwai yi pi'iri purah? 28 Ka chew wa ne, Ba pa'a girbiwa yi ni pa'ana gir mani." Be korom ma ka chewai ne, "A njila ne su wu'uhu ya so'o to'o iya? 29 Beh bah nsah ka chew ne, "Wii. wuna ne wu wu'uhu ma biwai so'oto'o iyi, wo dudung wuk Alkama ma i wu beh to'o. 30 Wu ji'ingi ya bwa'aya ne a gulu sanah mashen missa ba a wo yum ya. Ku duk missa yumu, mo chew wa ba yumu me, "Wushi wuk be to'o ma biwai ma ku'uru ya ne a tonya i bissa; na Alkama wu wara sa so'o ku durung.'' 31 Yeso ka bassa chew wa, gir mom chi'i sai bgai, ka, chew ne, ''beh olah ma kalang i bene ngya'a belle ma chigee ba bapina sa bila ku swai. 32 Beh ngya'a belle bil, ma ngichewe yi shiea ku chiri wu ngya'a belle. Na gullama, i moro gan wu mpumpuhi i ning bene nguni ba wu ngyiling ai yo ba'a laya ku gbari. 33 Yeso ka bassa chew wa lo'o ma swarmai ne, "Beh lah ma kalang i bene yeast ba ba-maam yiwi suana ku mur muhu filawa mudu tarung ka gwa'anaya buhaya a mo'oro la'ahun." 34 Wu gir mani bwang, Yeso ka chew wa wu bah zam i swarmai, do bassa chew wa gima ba do luana ku i swarmai sa. 35 Mani ka ning na bene bah a chiwa iyo bah sunduwa ne, mo'o fah kunam lo'o i swarmai, mo chew gir bah i wu ku swarmai ku yo chik ta'a tah ramman." 36 Yeso la'ahun nji'ingi wu bah zam ka bor mashen ciri lah. Wu muna ye'ele yo bii a chewui ne, "Rumsu i swarmai ma to'o ma biwai ku swa." 37 Yeso yer wa ne, bah na billa ngya'a belle ma shimai yi wasa mun bapina. 38 Beh swa yi yi wassa taramman, wu ngya'a belle ma shimai, wassa ya muna lah ma kalang, Beh to'oh ma biwai ma ya muna bah pa'a girbiwa. 39 Beh biwa bapina bah billa ya, yi ba kila ma. wu bah kau lili ya nzeeh ma marsai, wu ba yum billa ya wu ma leka. 40 Na ningna nah bene bah ai kam mur to'o ma biwai tonoh i bissa, ko ning na ku marsa tah ramman 41 Beh mun bapina ko chur wu maleka a ho yo kam mur gir bah ai ma'a girbiwa so'oto'o i ya i, wu bah ai pa'a girbiwa. 42 A wo kauya so'o ku kal bissa, ku bana ba a wo ningyi nda zolo i lu'ungu ngyirngyi ya. 43 Wu bah pah ngichewe a ho bung ban bene missa, ku lah ma kalang ma Baku; bah nai bumburi, i gishi wo'o. 44 Beh lah ma kalang i bene lili bah swarma ku swa'a. Bapina na kuma, ii gishi swormi. ko bong chimi, ko sa kur iwu gir ba ii yi sa bunyere kur beh swa'a ma. 45 Kpa nku, beh lah ma kalang i bene bapina ba kur i ka'ala, na kura ma ko bunyere kur i ya ka sa pe'e gba'ai ma shimai. 46 Na kuma mo'on ma shimai, ko sa kur i gir ba iya bwang sa kur beh mo'on ma shimai ma. 47 Kpa kuma beh lah ma kalang i bene Lawah bah a ma'ana ku sallah ba ii bol wu nshi, 48 Na rusama,wu beh bah bol nshi ai sung beh lawa pur iyi iyo sallah. A wo ning su'ula ros gir ma shimai so'o ku bum kwa'ajing, wu gir ma biwai a wo so'oto'o iya. 49 Ko ning na ku missa ma marsai wu muna tumu ma Baku a ho yo gau wu bah pa'a girbiwa i wu ba pa'a girshima. 50 A wo kauya so'o ku ciri kalbissa, ku bana ba a wo ningyi olo, a mur lu'ungu ngyirngyi ya. 51 Wu shi'ila beh gir mani bwang?" Beh wu muna ye'elei a chewai ne, "I" 52 Yeso ka chew wa ne, na ningya na wu bah sahsah ma pirham bah a chiwao chew lah ma kalang, i ningya bene bapina ba lah, ko kawa puru i yo durung yi wu piwi lili i wu ya'aya bwa. 53 Ka yo ning ne Yeso malai i lo'oh ma swarmai, ka la'ahun ji'ingi beh banai. 54 Yeso la'ahun shen mashen ram yi, ka sa ningyi sahsah wa bapina ku ka'ana nere Baku A fa'aha kunya, a chew ne, "I yo he beh bura mani ka kuma beh nzor, i gir ma mom chi'i sai? A mwe. 55 Beh sono mani do mun ba ngyaha ngo'oro ma sa? Mi ne ngyi yi Maryamu? Mane wu so'ongi ya Yakubu, Yusufu, Siman I Yahuda? 56 I sa kuma beh wu gir mani ku yo he? 57 Nchim ya ka suhu iyi. Yeso ka chew wa ne, "Ba sun duwa a doi ya'aya ku ramya sa, shee na ku chiri lahya." 58 Wu do pa'a gir ma mom chii sai bwana ho sa chew bah ai do pa'a ngichewe sa."