1 A wo ho naa Yeso pak shenshene ku mwa'ara ram i wo muna ram, i mur paa wa'azi cheu lah ma kalang ma Baku, wu muna yeele-yeelei lum kuni baring a wo ho i yi. I wo wu man magina baa a puru wa i wu kila i kongho langha-langha. Maryamu baa ai chu'uli ne (Magdaliya) baa a purai wu kila tang-za baring ku yiri. 3 Yuwanna mam kuza baa sun mur gir kula Hirudus, i Suzana, i wu gamur ya bwana, i yoo gir baa ai yi a para ne a paa chumu iyi. 4 Zam wu bapina a wo mur tof murya. wu bapina a mur yo ba Yeso i yo ram langha-langha, ka cheu wa lo'oh ma swarmai. 5 Ba kom komo shen nda bel nyaa billa. Wu ho mur bele, wu ghina kwa ku kang shere, a ndanggar i mbu'u, wu njiling ma kalang yo li. 6 A gina kwa ku mur tah, a na mur sa'a puru, ai bere paa biwa cheu ne, doo mur lingha ku yiri sa. 7 Wu gina a kwa'aha ku chiri wu zwe, bee wu zwe la'ahu gulu i wu beee ngha bila pang ya. 8 Wu gina a kwa ku nza'ah ma shimai ka bil bila lum gba,a lum bwa na. ngun lum ngba'a lum. "Bee Yeso mal bee lo'o mani, ka chew ne, yi bwara baa nai bun muri ma wo'o lo'o, i wo'o." 9 Wu muna yeele-yeelei mwi ne, bee lo'oh ma swar mai mani ne man? 10 Ka cheu ne, she'ele ma girma swarmai ku mur lah ma kalang ma Baku a pa'ana wunu, mau gina mii looh wu looh ma swarmai, baa a sunu, a doo mur sun sa, a mur woo, a doo mur sheele sa. 11 Mani yi ni bee looh ma swarmai, bee nyaa billa yini looh ma Baku. 12 Wu baa kwana ku kang shere ya wu baa wa'ana, satan ka yo lere ya wuk bee lo'oh ku yo chim ya ne a doo ghi pa ngi chewe sa, a ho doo ngi taa puru sa. 13 Wu baa kwana ku mur tah yaa wu baa wa'ana bee lo'oh, a yaa nai paa ngichewe ma mu chige mban ku missa ma maa-sunu ai kwa su'ulu ku nsah. 14 Nyaa billa baa a kwana ku chiri wu zwe, yaa wu bapina ba a wa'ana bee looh, ku chiri shen shene ya mban selme i ya cheu njel lili, i bong yiru bee nyaa billa ya ko doo gul sa, a doo li dua sa. 15 Be wu nyaa billa baa a kwana ku nsa'ah ma shimai, yaa wu baa ana wa'ana bee lo'oh i chimu ma ngi chewe ma shimai, ai mur bil wu mun ya. 16 Ba bwara baa ko ngha bissa chihi ku gir bung-mbang, kaa kushi i kore ke, ku ta'a mban no ngho. Ko chihi ku girba ko bung-mban ne, bwara ba naa baro ku sun bunya mban. 17 B gir ba i swarmai baa a ho doo she'ela sa, ke nsah sa. 18 Wu gish, wo'o chee, baa nai yi a ho bassa pi bwana, baa na doo i yi sa, ko gir ba nai yi a ho yaa ku yoo mbi. 19 Wu ngi i wu son'ongi a yo ho mbi, a do'o nghi shen pwer i yi sa cheu yi ne, wu ngo, i wu so'ongo a chila ho nzah i njila sun o. 21 Yeso yer wa ne, wu noo, i wu swa na ya wu ba ai wo'o looh Baku pa'a chumu i yi. 22 Ah juk mo'on Yeso ka bor bum jirgi mu'uru i wu muna yeele chumu ka cheu ne su tah lu'uru bee mu'uru mashen jin ma hano. Aa laahu kwanshere ya. 23 A ho mu shene, talong ka toli. kpa'a mwara yung ka su'ulu ho be mur mu'uru be jirgi ya wu ho mur rusu i mu'uru a wu ku chiri mahat. 24 Be wu muna ye'ele chumui a lo'oshi ku talong a mur cheu ne " ba sa-ah bo sa-sah su tah pwer su wu," ka la'a hun tabura i be mur gunibe bura mu'uru a chelle ban kaa ning kiring. 25 Ka cheu wa ne " be pa ngi chewe wun ku heh? A bong zhi'iri a ho mu bang zhi'iri a fah kunya amwe yirya ne ya yeni be mini ba i tan bura ku mur gung i mu'uru ka a mur wo'o kuni? 26 A ha sa dji ram maa Garasawa ba i ku zam njin ma iyo Galili. 27 Yeso mu puru. chele ku nsoh, bura magina ba i wu killa ka par. I ningha mbang param yish twan ku yiri, sa i do'o ning ku la sa, shee ku ban lishi wu bapina. 28 Ba sun Yeso, ka ngha kun, kwa ho nsah ku djui i mwara zhinghi chew ne mani bina i weh Yeso mun Baku ma Baku ma kalong? mumu niro do'o su'uram suhu sa 29 Yeso wu ma'ana mbilar ma biwai ne i pur yo be yir bura bili. Wu su'urai, ngba'a gbe'e. A wu kurai i nenghe a mur ningh lelei, be wu killa ai mi'i ku bu'ungu be nenghe ma bwihi la'ahun shen mashen to'oh. 30 Yeso mwi ne " lu'ul yen? ka cheu yi ne "gbee" wu killa bwana bwara yiri. 31 I ninghi nda ne i mi churya mashen lim mpuru sa. 32 Wu djumu wu ho ba nai bwana a mu li bila ku kang gbo. Bu wu killa a nneri ne i zji'iri ya ne a bwor be yir wu djumu, ka yer wa. 33 Bu wu killa. a pur ku yo yir bura ma shen bor yir be wu djumu, bwang ya a bangha su'ulu ma su'ulu sa bor mu'uru ka gbol ya, 34 Wu ba a wu mur ningh lele be wa djumu sun gir ba pa'ama, a bangha sa cheu ku chiri ram i karnghai. 35 Wu bapina puru shen nda sungir ba pa'ama, a yo ba Yeso yo kum be bura ba wu killa pura ku yiri. Wu ningha o ku gbo'o Yeso yisa twan, ningha bapina ma shimai; a bang zhi'iri. Wu ba wu suna be gir cheu wa i mur be bura ba wu killa wu bwara yiri malma bwanghai. 37 Wu bapina ma bana Garasawa anere Yeso ne i la'ahum zhinghi ya, cheu ne mwara zhi'iri wu bwala ya. Ka bwor be bum jirgi mu'uru ba bunu yere nshere. 38 Be bura ba wu killa pura ku yiri ka neri ne i war chi'i, Yeso benme ka chewei ne. 39 "Bunuyere shen lawun achew bwang girba Baku palana wo" Be bura bila ka kwa nsherei i mur cheu ku be ram bwang gir ba Yeso pa'anai. 40 Ba Yeso buhu yirama, zam wu bapina yi'i, awu ningha mu ta'ari. 41 Bura magina ba lu'uli wu Yairus i wu chiri wu dje ma ka'ana Baku yo kwa ku gba'a Yeso ka neri ne iyo lii. 42 Cheu ne muni mo'ona basari, ba'ai wubene lum kuni baring wo mur pe'eh ne i wu. ningh ba Yeso wu saana, zam wu bapina a wu mur chu'uri. 43 Mam magina wu ho ba shi'lai mur chu i yiri ba ba'a. lum kuni baring wala bwoloi bwang, do'o kuma bwara ba i chelle i be chu shila sah. 44 Yo chelle ku nsum Yeso ka dji gigyeng gul twan yi, muni be chu shilai chelle. 45 Yeso ka cheu ne "Yeni djiha mi? "Bwang ya a chum kunya, Bitrus ka cheu ne ba'adje, wu bapina i zam ya karngha we ma'ana ku chiri a mur dong yirya ku mo. 46 Yeso cheu. ne bwara djiha mi, mi shi'ila ne nghargha pura ku yiram. 47 Yi be mam ma sun ne ko do'o nghi sormo sa, ka yo mu bin yiri, ka kw su'ula ku dwi. ku dum wu zam wu bapina, cheu gir ba ma'ana ka djihai, kassah ma yiri bwnghai muni muni. 48 Ka cheu yi ne, munam, pa ngichewe wo ma'a we a kuma yiro kwa nshere i njimo mo'on. 49 I shiho mur lo'o magina pur ku yo la badje ma la Baku i mur cheu ne "muno ma sari wa'ama, bi do'o makun be ba sa-sah mini sah," 50 Yeso wo'o ka cheu yi yairus ne do'o bang zhi'iri sa, pa nghi chewe, yir muno ko bwang yi. 51 A shen be lah, do'o yer ne bwara. bwor i yi sa she'e wu Bitrus i Yohanna i Yakubu, i be tar bamun, i ngih. 52 Bwangya a wu mu zolo ngha'aha kwa'aya cheu be bamuni yi ka cheu ne wu do'o zolsa; i do'o wuna sa, i mur nong tolang. 53 A wolo, shenshi cheu ba a shi'ila ne i wuna. 54 Ka bwol bwihi chu'ulu, cheu ne musari, la'ahun. 55 Mbilar yi buhu yere yoyi kah la'ahun muni muni. Yeso ma'a ya ne a pe'eh gima pih ne i li. Wu tari fa kunya yi ka cheu wa ne ami do'o cheu yi bwara gir ba pa'ana sa.