1 Yeso mal ghir bah wo mur cheu wa bapina ku mbunmurya ne a woo, ka la'ahu shen mashen kafanahum. 2 Bee forong ei korom yi ba njilai bene njimi, wu kwahnghya yiri bene ku wuh. 3 Yi bee forong woo lo'oh ku mur Yeso, ka chim wu jeh mau Y ahudawa ne asa chewei ne iyo li yo toh ko'ongo korom yi pur iyi yo yiri. 4 Bee wu njeh ma Farisawa a sa par Yeso, aa neeri, ne, "Forong njina bapina ba wo ghi ma kumi i gir ba'a njila i yo bwoh." 5 Yi forong njila ramsu, yi loi ba'anasu ka'ana nere Baku." 6 Yeso ka bu'uru shere iya. A ta'a pwer i bee lah, yi forong ka chum wu mwani mashen bi ne a chewui ne, we ba'anjeh, ami li lulusa, doo njina ba wu yo bor chiri lahm sa. 7 Ku ta'a gir mani doo twala ka'amuram ne njina ma shen mbwo sa, cheu nya'a lo'oh mo'ona bee korom yam ko mbo-ngoi yiri. 8 Mi kpayam, mbapina ba'anjeh, i wu ba lu'ah-mbura ku ta'am. mo chewei mo'on ne, shene' ko la'ahu yo, yi korom yam, mo chewui ne pa'a girmani, ko la'ahu sa paa girba chiwai. 9 Yeso woo lo'oh mani, ka fakuni i bee Forong ka pirwi mashen mbau zam wu mbapina ba a wara nchii, ka chiri Israila doo suna bwara ba ii ngichewe ma sohno mani sa." 10 Wu baa be forong chumaya a bunu yere mashen lah, a yo kum bee maa yiri su'i polo (yiri bwangyhai). 11 Doo ning mbang sa, Yeso kaa la'ahu shen mashen ram baa ai chu'ulu ne nayin, wu muna yeele-yeelei i wu zam wu mbapina war chii mashen woo. 12 I tah pwer ma bor bee ram, ka sum a twala loh mbura magina mashen nda liski. Yi mun-bahmbura loi ku mbum ngi (ngi yi mam-moh). zam wu mbapina wara ta'a mam-moh i bee loh mani. 13 Yeso sun bee mam-moh, chimi la'ahu ka sun-chiri yi, kaa chewui ne, "Aminzol sa. 14 Yeso shen pwer iya kasa njik bee ngo'oro baa a twala bee loh mbapina woo, wu ba a twalai ma a chele kiring. Ka cheu ne, "Musono, mumur chiwau ne, la'ahu yiwa." 15 Bee loh mbapina ma'a la'ahu ning yi chi ka bor nda lo'oh, Yeso ka wari sa pi ngih. 16 Nzi'iri ka bol zam wu mbapina, a bor nda lilem Baku ne, "A muara ba'a sun- dwa ku chiri ya," yi "Baku" yo suna wu mbwapinai. 17 Girba Yeso paa, a lo'oh tah-karngyha iyi ku Yahudiya i wu ram ba a karngyhai. 18 Wu muna ye'ele-ye'ele ma Yohanna aa chewui gir ba a mur shen-shene. 19 Yohanna chu'ulu wu muna ye'ele ye'elai baring ka chum ya mashen baa Yeso ne a mwi ne, "We baa su ningnyi ta'ara ko yo, ke su soo mis-su ku mur maginai?" 20 Wu muna ye'ele-ye'ele ma Yohanna aa yo pwer baa, a cheu ne, Yohanna baa Baptisma chuma su mayo mbo ne su mwo ne, "we baa su ningnyi ta'ara ko yo, ke su soo mis-su ku mur maginai?" 21 Ku missai bili wu'uhu girbiwa pur iyo yir wu mbapina baa a mwangha ko'ongo, iwu nza'ah mau kila, wu mbapina bwana baa a wu tahwah a buhuyere mur sun mban. 2 Yeso yerwa ka cheu ne, "wu na bunuyira ma, wu chewui Yohanna girba wu suna i nya'a miswun, gir ba wu wa'ana, wu baa tahwah a mur sun-mban, wu baa yi'ira mangam, yirya buhuyere ningnyho bene makirei, wu baa mbumurya ndangara a mur bunuyere la'ahu i chim ya, wu bapina baa a doi gir-mbuyasa a mur paa wa wa'azi bishara. 23 Bapina baa na doo wasa-nkii yi ku paa ngi-chewe i gir ba mu mur paa sa, naa ma gir ma shimai war chi'i. 24 Wu manzani (wu muna yeele-yeele) ma Yohanna a kwanshere, Yeso ka bor i nda lo'oh wa zam wu bapina ku mur Yohanna, "Wui shen mashen" nkpa'atoo nda sun man-bili? Kikah ba'a i yung i mur nzi'iri? 25 Wui puru shen nda sun man? Mbapina baa yisa twan ma nguli? "Wu sunu, wu baa ai yish twan ma nya'abolo, i wu baa njel ningngyha ku panah mashimai a yoo lahw u Gom. 26 Wui puru shen nda sun mani? baa sun-dwa? Inna, mu mur cheu wunu, i yana baa sun dwa. 27 Yi mani, yi baa angwa, la ku muri ne, sunu, mu mur chum wunu mun ma lahmmashen mbawn, yi ko girshi wunu shere wun. 28 Mu mur cheu wun, chiri wu baa ba mam billaya, bwara doo njinai Yohanna sa. ngi lo'oh yi, baa, na shiwa ku chiri mulki Baku yi ghanai." 29 Wu bapina bwang a woo gir mani, i wu baa yaa nghya'ah bal-nzha. A woo Yeso ne, shere Baku kaka baa a panaanawa baptisma ku yoo buk Yohanna baa paa baptisma. 30 Wu farisawa i wu baa she'ele. Attaura a cheu ne Yohanna do'o paanawa baptisma sa. 31 Yaa man, baa aa ben bee nzhee wu bapina mani iyi? A yaa bane wu man? 32 A bene wu muna mu ba a mur ta-ndala ku pali kur i ka'ala. Ai ningnyi chu'ulu yirya a mur cheu ne, "su twanghya wunu feh, wu bina tah-nghem. Su twala ta'a shel-leh wu bina ma nzolo. 33 Yi yohanna baa paa baptisma yuana i doo mur li fo'ofo (bread) sa, i doo mur nnuh yangyha mu'uru sa, wune i wu ngung ku muri." 34 Mun mbapina yuana i mur li, i mur nnuh, wune, "Wu sunu, yi baa li ma-biwai i baa nno'oh, mwan wu baa yaa ngyha'a bol-nzha, i wu baa paa girbiwa." 35 Nzor ningngyha gir-shima baa wu muna mun bwang awo yaa wara. 36 Bapina mo'on iyo chiri wu bee Farisawa lah Yeso mashen li. Yeso sa bor lah bee mbura Farisawa, ka sa ning su'sula ku mbana li billa. 37 Mam magina ba paa girbiwa iyo chiri ram sah-chupuru. Ka she'ele ne Yeso ningnyha wo mbana li billa ku lah mbura Farisawa ma. Wu wara pus muru alabastar ma shimai baa ai wooh ku yiru. 38 Ka sa chele ku swi pwer (i nkpi) ku mur nzolo. Mirim mishi bo'olo ningnyi nda soo ku sum ngba'a Yeso, mam maa sun naa ka tah nyong muri ye'eshe bee miriin mishi ku yo ngba'a Yeso ka wool bee muru alabastar wo mur nkpi'i. 39 Bee mbura Farisawa ba la'ahna Yeso maa, ka sun girba sari ma i mur paa, ka re'eshe ku chimi ne, mbura mani naa yi baa sun-dwa, ko she'ele ne mba-mam ba'a i mur njihi mam mani baa paa girbiwa. 40 Yeso yere ka chewei ne, "Siman, mii ghir baa njila cheu wo. "ka cheu ne chewe baa nsa-nsah." 41 Yeso ka ne, Baa kop wa bapina i ngya'a-bolo i wu bapina baring baa a lina tangnah ku yo i bi. ma mo'on ya,ana naira lum ngba'a lum tonnung, ma baring ya'a ma-mbi lum ngba'a tongnung. 42 A doo ghi bunuyere tal bee tahngyha baa a ya'ana sa, yi sun naa ka zus bee tahngyha ya so'oto, ka cheu wa ne, a mi mbassa tali sa. Na ningyha naa, mahe ku chiriya ko njeli bwana. 43 Siman yere ka cheu ne, "Mumur sunu bee baa nya'a bolo yi bwanagana ma. Yeso ks chewei ne, "A kassa bee chewe mani ka'aka. 44 Yeso ka pirwi mashen baa mammaah ka chewui Siman, a sunu mammaah ka chewai Siman a sunu mam-mani; bwara chiri leu, a doo panam mu'uru ne mu ud gba'am iyi sa. Yi zussa gba'am i mirim misshi, kaa yi'isa i ngong ka'amuri. 45 A doo nu nah kunam ke yiram sa,tan ba'a yi bwara doo wassa nkuii i ka'agah gba'am sa. 46 A doo wa'anam muru ku muramsa, yi nari mani wa'anam muru ma shamai ku muram i gba'am. 47 Na ningyha naa mu mur cheu wun ne, girbiwai baa wu bwana, nzusu su'ato yi bwang cheu baa njele yi bwana. baa a na zus girbiwa yi chigee." 48 ka chewei bee sarimah ne, "girbiwan nzussu swata wo iyi." 49 Wu baa a wu ningyha wo iyo, aa ningnyi cheu waa yirya ne, "Yan i yi baa ku cheu ne i zus gir biwa suato iyi?" 50 Yeso ka chewai sarima ne, "ngi chewe wo ra'asa mbuho. la'ah shen shima."