1 Yeso wa mur mbo'olo ku swah juk missa nere Baku, wu muna ye'ele ye'elei aa wo'oro ngya'a billa ku mbaa mbuya a birwi nghya'ali she'eh. 2 Wu ghamuring Farisaw a mwe ne, "Ilan waa mur paa gir biwa mani missa juk nere Baku? 3 Yeso yerwa ne, wu doo balla girba Dauda paa, ai wu bwapina juk baa nzallah wolya sa? 4 Wu bor ka'ana Baku tol fo'ofo li, kaa pah gamuring wa bah a wu boh iyah; girba wu bah gbirai ai doo li sa ai pah wah baa nsa-nsah lohya. 5 Ka cheu wa ne, " mun bwapina yi Tar missa juk nere Baku." 6 Ku juk missa nere Baku kpa'a sa bor lah nere Baku, i mur nsa-nsah mbura magina baa buhi ma li wu nzuasah wu wo. 7 Wu Fasisawa inwu bah nghyo'olo nghyo'olo attaura a tsoo misya ku muri ne asunu, ke ko ma'a buhi bunuyere ning shima, ku juk missa nere Baku , ne a pee shere bilo sa kpang. 8 Yeso she'ele gir ba a mur re'eshe ku njim bumya ka cheu yi baa buhi nzuasah ne, "La'ahu chele ku dum wu bwapina." kah la'ahu chele wo dum-ya. 9 Yeso cheu wa ne, Mishi mwe wun, mahe mbongo gans ku juk missa nere Bahku: Pa'a gir shima, ke pa'a gir biwa, a ra'asa chimu ke a suhu chimu.?" 10 Yeso kah sun mban karnghya ya ka cheu buho yiwa." kah nara bee buhi, buhi bunuyere ning shima bene makirei. 11 chimya kah suhu, a regeeh i yirya girba wo pa'a yi Yesao. 12 Juk mo'on Yeso la'ahu shen mashen kang gbo'o nda nere Baku, ku sa nong wo ku nda nere-nere. 13 Mbanfa i jujuh ka chu'ulu wu muna ye'ele-ye'elei mashen wo bi, kah kau ya lum i kuni baring ku chiri ya ne, yana ning ngyha wu manzani; 14 Siman bah lo'o lu'uli ne Bitrus, i so'ongi Andarawus, i Yakubu, i Yohanna, i filibus, i bartholomew. 15 Mathew i Toma, i Yakubu mun Alphaeus, i Siman bah ai chu'uli ne Zelotes. 16 I Yahuda mun Yakubu, i Yahuda Iskaroti, ba,a yo ning bah li tah bwapina. 17 Ka su'uhu yo wo kang-gboo mayo pah rai i yah. Be'e zam-wu muna ye'ele-ye'elei a wu wo, wu bwapina bwana i yo chiri Yahudiya, i urushalima, i kun teku ma tyre, i sidon; wu bah yuana nda woo chewei, zus wa ko'ongho ya so'oto. 18 Wu ba'a mbilar mau ngung ai makunya, ma'ah bee wu ngung ma pur- bwang ku yo yirya. 19 Bee zam wu bwapina a pee ne a njihi, cheu ne, nghyar -ngyha. (Iko) i pur yo wo yiri, bah i wu'uhu nya'a ko'ongo so'oto. 20 Toh mishi sun wu muna lih, kah cheu ne, gir shima mashen wu bah ngul- buya shiwah, lah ma kalang wasa mabaya. 21 Gir shima mashen wu ba'a nzalah i mur wol-wun imani, mbum-wun ko rushu. Gir shima mashen wu ba'a a wur nzo'oloh i mani, wobuhuyere ning ku nda wolo. 22 Gir shima mashen wu ba'a a binawun, a mur chur-wun mashen kang-mban, a mur nsangha wun, a mur bene lu,uluhum ne wu bah pa'a girbiwa, cheu mun-bwapina. 23 Ku missa bili-chim-wun mi doo suhu sa, wu zuhu-lele i bong-mbumu; Kur- ngba'awun ma ghana wo kalang cheu wun. wu tarya a wo pa'anah wa bah sun-dwa. 24 Kaitonku wu ba'a lilh, wu kuma so'o polo yirwun mawun. 25 Kaitonku, wu ba'a wu lih rutsa ma' nzallah ko wol-wun njuk mo'on. Kaitonku wu ba'a wu mur wolo, chim wun ko shuhu, wo ningnyi nda nzoloh missai magina. 26 Kaiton ku, wun ba'a wu bwapina a lo'oh-lo'oh mashimai ku murwun, wu Tar ya a wo, pa'a wa wu ba'a sun-dwa ma lilim na'a. 27 Mu mur cheu wun, wa'am, wu njel wu bah a binawun, wu pa'a girshima wa ba'a a do'o njila wun sa. 28 Wu pa'a gir shima wah bah a mur ya'a wun suhu, wu nere Baku gbeng-gbi-gbeng. ku murya. 29 bwara na ngyhanawa ku ndasheu ma lih, pir wi yi ma musum. ba'a na twalau twan kusu yiru, a mi giri i twan ba,a i yis ku yiri sa. 30 Na ma a pa wa bwapina ba'a a mur nero. bwara na twala ghi mau, a mi, buhuyere sa ya'a ku yo bi sa. 31 Bene bah a njila ne wu bapina pa'au pa'a wah na kpa yau. 32 A na njila wu bapina ba'a a njila we, ta'arih man bah wo kumu? wu ba'a pa'a girbiwa bwa'a ai njel yirya. 33 A na pa'an gir shima wa baa ai pa'au girshima, ta'arihman baa wo kumu? Wu baa paa girbiwa ai pa'anah. 34 A nai kop wah bah a su na a wo bunuyere yo tah-lih, ta'arih man bah wo kumu? Wu baa paa girbiwa ai kop waa yirya, ne a wo bunuyere ya'ah girba kwapah yi mwani. 35 Njel wu bah a binawe paa wa gir shima. kop wah, ami maa misso ne a wo buhuyere yo po'o sa, kurugbo'oh ko ning ma gana, wo ning wu muna Tarsu ma kalang, Yi i ka'amuri yi ba'a sun (i mishi ma) chiri wu baa ai doo ngi soo-nsa pih sa, i wu bapina baa paa girbiwa. 36 Wu ning wu baa sun chiri bene Tar wun ma kalang, yi baa sun chiri. 37 A mi reng ta'a bwara sa, we ma a wo doo reng che'eu sa. A mi wol bwara sa, we ma a woo doo wolloh sa. Zus girbiwa mau bapina so'oto, we ma a wo zus mo sooto. 38 Fah buho pah, wo kumu. Mudu ma shimai, a ndanghai, a nzi'irai i mur yawa puru, a wo paa wun. I mudu bah a mana i yi, (yi bah) a wo bu nu yere mau iyi. 39 Ka paa wa misali ne, "Ba'a tahwah ko ngi ma war ghara yi baa tahwah?" bwa'aya baring a wo kwah ku puhu. Ke a wu doo kwah wo sa? 40 Ba ye'ele doo ghana ba nsa-nsah sa, bwara baa ana nsanai' naa ngiamah ko ning bene bah nsanai. 41 . Pa,ana lan a mur sun mu-ghara baa i nya'a mis so'ongo, a doo suna bee kpang-guni ba i nya'a misso sa? 42 . I lan baa wo ngi ma cheu yi so'ongo ne, "Swanah mo shi wurmu-ghara ma nya'a misso tol wo," we i ka'a muro a doo suna bee kpang-guni bah i nya'a misso sa? wu baa lo'oh lilim! wuk kpang-guni ma misso tol dwa, kah wo sun mban shima baa wo ngi wuk mu-ghara tolo iyo nyaa mis so'ongo. 43 Wo doo kum guni ma shimai ba ku bil wu muni biwaya sa, ke guni ma bi wai baa ku bil wu muni ma shima ya. 44 Wu guni a shi'ila ya bwang i wu bil munya. ku chiri ngun nzueh wo doo kum bil foh sa, ke ku yo kasagbong (Gha'arah) wo doo kuni bil nzue (anah) sa. Mbapina ma shimai, yo girba chiha ku chimi, i pur i gir ma (gir ma) shimai; Baa nzung (mugun mutum) i chik gir ma biwai ku chim mbuii ii pur i gir biwai yo kuni. 46 Man i paana wai chu'ulam ne "Bajeh, bajeh wui doo paa ke, woo kumam i gir ba mii cheu wunu sa?" 47 Wu bapina baa a na yuana mbam ai wo'o lo'oh yam, ai woo kunam, paa, mu mur cheu wunu bee bah, i bene yi. 48 I bene bapina baa i mur ba'ah ka'ana, ko kor puhu limi mashen nsakah chi bee ta'ah ka'ana ku mur tah ma nghyar- ngyhai. Pullu na yuama, mu'uru ko nong wo puer i bee ka'ana, mu'uru ko doo nzi'irih ke i pa'ai gima sa, cheu bah a chiha bee ta'ah ka'ana shima. 49 Bapina baa na wa'ana lo'oh yam ka doo pa'ana chmu i yi sa, i bene bapina bah ba'ana ka'ana ku mur nya'a-nsa i chik-chi'i param. Mu'uru pullu na yo nuangyha wo ku yir bee ka'ana, bee ka'ana ko kwa-she'eleh, she'ele lah mani ko ning ma ghanai.