NGI 5

1 Juk misai mo'on Yeso wo chila ku geng bwa'a ma Janisarata, zam wu bapina ningnyi karnhai a mur wo'oh lo'oh Baku. 2 Ka sun wu jirgi mu'uru baring chila ho ku kang mu'uru; wu ba bol nshih ya wu puru nzingha-ya ho mbanai, a shen nda zus yirya, i nguri bol nshih maya. 3 Yeso ka bor bum mo'on ka'agwongro mu'uru wu ma Siman, ka neri ne i zuk bee ka'agwongro mu'uru yoo kang mban mashen chiri mu'uru chigeeh. Ka ning su'ula ku kum ka'agwongro mu'uru ningngyi nda nsa-sah wa bapina i yo ho bee ka'agwongro mu'uru. 4 Wo mala lo'oh i wu bapina, ka cheu yi Siman ne "Zuk bee ka'agwongro mu'uru wo mashen limi; wu so'o nguri-bol nshih mashen chiri mu'uru ne wu bol wu nya'a nshih. 5 Siman yer yi ne, "Bwajeh, su lina lulu i juhu su doo bwala gima sa, ku cheu mur looh ho, mu ma'a nguri mini su'ula ha chiri mu'uru. 6 A paa girba chiwa wa, a bol wu nshih bwana, baa nguri bol nshih ya bor ku nde ye'ere. 7 A sun naa a chu'ulu wu mwan ya baa a ku mo'on ka'agwongro mu'uru ma ne a yo kumya. a yokumya kan wu nshih rutsu ba ka'agwongro mu'uru ma bwangya, cheu lu'uru wu nshih, wu ka'agwongro mu'uru ma pee ne a su'ulu mashen ta'a mu'uru. 8 Yi Siman Bitrus, sun na'a ka kwa su'ula ku kulmu Yeso cheu yi ne, "a bwajeh, la'ahu nzi'ngham, mi bapina baa paa gir biwa." 9 Wu ning yi gir fah ka'a kuni, wu baa a wu hoo i ya bwangya, cheu wu nshih ba a bola ya gbee. 10 Wu baa a wu ho mbanai ya wu Yakubu, i Yohanna wu muna Zabadi, wu mwan kikangha ma Siman. Yeso ka cheu yi Siman ne, "A bwang nji'ri sa, i yo lina mashen dwa wo ning ba bol wu bapina." 11 A dpik wu ka'agwongro mu'uru bwaya rutsa i wu be nshih war mashen kang mur nshah, aa nzinghi gir bwang aa war chii. 12 Yeso wo ku chiri ram magina, mbura mo'on ba yi'irah mangam wo ho, ka sum Yeso, ka kwa ku'uru neri, ne, "Bwajeh, a na yira, zus ko'ongho yahm suam too." 13 Yeso ka war buhi sa djihi, ka cheu yi ne, yirama. Yiro bonghau, "muni-muni bee ye'ere mangam pa paramku yoo yiri." 14 Ka sung mbumuri ne i ma cheu yi bwara sa, ka cheu yi ne "kwanjere, sa rum ka'amuro yi ba'a nsa-nsah, sa pa'a gir ma so'o shilla cheu ba a zus ye'ere mangam su'atoh i yi, bene ba'a Musa ma'ana ne, i ning gir pa-she'ele mashen mbaya." 15 . Bee lo'oh ku muri gau mbwan mashen pim,zam wu bwapina bwana aa yo nda woo nsa-nsah, i zus wa ko'ongho ya so'otoh. 16 I nsa swormo ku gbaatoh, ninghi nere Baku. 17 Wu yo missai ku chiri juk magina, i wa mu nsa-nsah wu farisawa i wu ba nsa-nsah pir-ham mau Yahudawa a wu ningha ho, yauna yo wu ram la'ngha langha ku yo nsaah Galili, i Yahudiya, i yo Urushelima bwa. Nghar-ngha Baku wu woo iyi, baa ii zusu, i wu'uhu ko'ongho so'otoh. 18 Wu bwapina a yo, a wo twalla mbura mo'on. ku ka'a vah ba yiri zua-nsa, a pee shere ne a bor i yi mashen buhyi mi'i su'ula ku dum Yeso. 19 A do'o kum shere ba'a wari bor i yi sa, chew wu zam, a sun na'a a yewe puru ku mur ka'ana fa buhsu, a'a wari su'ulu su'ula ho mur vah, mashen chiri wu bwapina, ku dum Yeso. 20 Sun ngichewe ya, Yeso cheu ne mbura mani, zus girbiwa wo suawo toh." 21 Wu baa ngwo'ola i wu farisawa aa bor ku mwe, a mur cheu ne, yan yi mini baa lo'oh lilim? Yan baa ko ghi zus girbiwa so'otoh iyi, shee Baku yi loi?" 22 Yeso she'ele gir ba a mur rengee, ka yerwa, i cheu wa ne, man i pa'ana waa mur mwe wu yir mani ku njim wun? 23 Maheh i bongho ghanah baa a cheu ne, Girbiwa wo a zusu suatoh iyi, ke, la'ahu kwan njere wo? 24 Naa ma wu she'ele ne, mun-bapina i nghar- ngha ha nsa'ah ba ku zus girbiwa so'otoh iyi. Mi mu cheu wo, la'ahu yiwa toh vah ne shen mashen leu." 25 Muni-muni ka la'ahu yiwa ho dum ya toh mban nongho yi baa wu nuangha ho ku muri. Ka shen mashen li, i mur so'o nsa pi Baku. 26 Wu bwapina a faha kaa kun ya, a bor ku nda so'onsa pi Baku. A bang nji'iri ku njim ya, a mur cheu ne, "su suna gir ba gahnah nghar-ngha bwapina lina mini." 27 Wu gir mani yo puru bwolo, Yeso la'ahu pur i yo mbanai ka sun wu baa ya'a nghya'abol nsaah magina ba lu'uli lawi ningha ku bum i ka'aling mau ba yaa nghya'abol nsaah, ka cheu yi ne, "la'ahu war ta'am" 28 Lawi ka war Yeso mashen li, alangha wu billa ninghi li pur-fing. wu ba'a ya'a nghya'abol nsah a wu ho bwana i wu gamuring wu bwapina baa a wu ninghi karngha mban li billa, i mur li billa i ya. 29 Lawi ka war Yeso mashen li, aa langha wu billa ninghi li pur-fing. Wu baa yaa nghya'abol nsah a wu ho bwana i wu gamuring wu bwapina baa a wu ninghi karngha mban li nbilla, i mur li billa i ya. 30 Wu bee farisawa i wu baa ngwoola ngwo'olo ya a war chewe shen bau wu muna ye'ele-yeelei, ne, "I lan wun wai li, i nuh, i wu baa yaa nghya'abol nsah, i wu bwapina baa paa girbiwa?" 31 Yeso yer wa, ne "wu bwapina ba yir ya shima a ho doo njel baa pah ta'a meele sa, wu baa ko'ongho ya a ho njel mo'on." 32 Do'o yuana nda chu'ulu wu bwapina ba'a paa girshima mashen tah buhu sa, yuana nda chu'ulu wu baa paa gir biwa mashen tah buhu." 33 A cheu yi, ne, " Wu muna yeele-yeele ma Yohanna ai bol kun ya i ninghi nere Baku, wu muna yeele-yeele mau farisawa ai paa bene bili bwa. i lan wu muna yeele-yeeleu a mur li, i nuh." 34 Yeso ka cheu wa, ne yan i bili baa ko ghi ma'a mun-chumu juk missa chii mampiwi ne i bol kuni, yi i milim mampiwi i shi ho i ya? 35 Juhi bili i wuna baa yi milim mampiwi a ho toli kwan shere i yo mbaya, juk missai bilya a ho bol kunya. 36 Yeso ka lo'oh waa cheu ma swarmai ne, bwara ko doo nsan kaa twan i yo piwi twan ne, i girshi kaa-yaah twan i yi sa. Na paana naa, ko nsan bee piwi twan bee ka'a twan ba i yoo. Piwi twan ma ko doo ning kah-kah i bee twan ma ya'ai ma sa. 37 Ba bwara baa i so'o piwi mu'uru bil-zue ku yaah pussu. Na paa na gir bili, bee piwi mu'uru bil-zue ko sootoh, pussu ma ko paa biwa. 38 Na ma piwi mu'uru bil-zue a soo ku piwi pussu. 39 Ba bwara baa na nuah ya'ah mu'uru bil-zue ko njel piwii, ko cheu ne, bee ya'ai bongho gahnah."