NGI 4

1 Yi Yeso ma lusa i mbilar ma Baku bunyereh yoh sa urdun, mbilar ka wari shen chiri ngba'a to'oh. 2 Shaitan ma kunni ma nnongnwo lum yinung, ku chiri be djuh, do'o li gimma sa ku be wu djuk. Nsalla ka woli. 3 shaitan chewei ne na we mun Baku, ma'atah mini ne i pi'ir fo'ofo'o. 4 Yeso kas ne a nkwa'alah, do'oh i billa nna ka bapina ko ning i njimi sah, mac bwang wu lo'oh ba pura yo kun Baku. 5 Shaitan wari shen mur kwonoh ka remmi i mulkoki be ma ramwan bwang. 6 Shaitan chewei ne mo pwo be Gom I wu ban nningya ma ramwan bwang, i wu ka'alai; a wu pa nam, mima mwo ngi pih bwara ba njila. 7 Ma ana ku'uru h so'oh nsah pa'nam, be wu gyir bwang ko ning mwo, 8 Yeso kasai ne, la'ahun mashen noh! A knwa'alah ne ku'uruh so nsah pih Bakuoh i mumu'ih na" 9 Shaitan war Yeso shen Urshelima, ku kanuring mur ka'anah Baku. ka chewei ne na we mun Baku "kwa su'ulah yo bari; 10 A knwa'allah ne a ma'a wu mailaka ne chiho ya'a 11 A waroh ku buhuya che'e, a do'oh yer ne ngha ngbo'o ku mur tah sa. 12 Yeso kassa, ka chewei ne a chiwa, wo do'oh makun Baku wo sah. 13 Ning ne Shaitan mal makun Yeso, ka yeri zhingni ma dju gyinai. 14 Yeso bunuyere mashen Galili i chiri nghargha mbilar, lo'oi ka yarban ku wu ram ma banai. 15 Ka sasah ku bum ka'anah Baku yah, wu bapinah bwang a lo'o shima ku muri. 16 Yo Nazarat ban bah a tawai; bwor ka'anah Baku yah i dju assabar benne ba i ninghi da boroh, la'ahun chelle ndah bal bungnjeme. 17 A pih bungnsheme ba sun dua Ishaya. Fah be bungnjeme ka sun ban a knwa'allah ne. 18 Mbilar Bwaje i ku muram, cheu ba'a swa'ana muru ku muram ne, mu lo'oh cheu ma shimai wa wu ba'a gul-buhya shiwa, chumami ne, mu ya ra'atsa bwuhu wu ba'a ku nenye, i fah mis wu ba'a tagwa, i ra'atsa wu ba'a a ndangha raya. 19 I ma'a kunu ba'ah welleng ma Baku. 20 Karma be bungjeme bunuyere pi ba pa'a chumu ka ningsu'ula. Wu ba a ho banai bwang ya ninghi so'o misya ku muri. 21 Ka bwor lo'oh wa ne, " Linna mini wu mur woo i bumurwun bee nya'a lo'oh ma ningha naa (rutsama). 22 Bwanya ku mur be wu ngha'a lo'o ba murpur ku kuni a mwe ne, "mini do'o mun Yusufu sa?" 23 Ka cheu wa ne " shi'ila wo lo'oh ma swarmai yahm ne, " we ba'a pa'a Ta'awaru, puri bee ko'ongo mayiro giro. Wu gir ba'a su wa,ana ne a pa'ana ku kafarnahum, pa'a ya ha ramwo kpana" 24 Mucheu wunu ngi chewe, a do'i yer i ba'a sun-dwa ma Baku ku chiri ramyi sa. 25 Ma ngichewe mu mur cheu wunu ne, wu ma'a mah moh a wu ha'a nsa'ah Israila bwana ku missai ba'a Iliya wu ham, kalang wu kusu pulu doo yo sa ma mba'ah tarung i nzungha tang nsa, mor nsallah ka'a bwor mur wu ramuan bwang. 26 A wa doo chum Iliya mashen mo'on bee sa she'e mu-ram baa ai chu'uli ne Zerefatu loi, ku ba'a mam mahmoh mo'on ba ram. 27 Ku chiri wu djuk ma Iliya ba sundua, wu ba yi'ira mangam wu bwana ku nsah Israila, a do'o sus mangam maginaya so'oto sa shee yi nu'aman burah suriyi loi. 28 Bwang ya kube ka'anah Baku wo'o be lo'oma a lewa li burah. 29 A la'awun toli pir yo be ram, a wari shen kang gbo'oh ba be ramya ho muri, ku gyeng mwara gyereng, ne a churi buh i ma muri. 30 Kasama war ho chiriya kwan nsherei. 31 Ka shen mashen kafarnahum ram magina ma Galili I mur sah wa ku djuk misa Asabat ningni nere Baku. 32 A fakunya ai be sa-sai cheune be lo'o mini ngharngha ma ngichewe. 33 Ku be ka'anah Baku, bura magina wu ho, killa bwara bwui, mbilar ma biwai. Ngha kunni gbarara ne. 34 Ha! a njilla man i su, Yeso ma Nazarat? A yuanna da kpingsu? Shi'ila weh dos dos, weh mai-tsarki ma Baku. 35 "Ning kiring" Yeso fah mishi yi, "pur yuo bui!" be killa mayiri ka toli bwusu'ulah ku dumyah ka pur yuo yiri kiring. 36 Be wu bapina bwang a chelle fah kunya, a lo'o i yirya ne " be lo'o mini lan? Tah bwura ku mur wu killa a bangha pura yuo yiri" 37 Be lo'o ku muri ka yarban mal nsah bannai bwang. 38 Yeso jingni lah Baku ka bwor lah siman. Kas shell siman ma mam nwangha ko'ongo, yiri tana bisa biwai, a nneri Yeso nei kumni. 39 Ka do'oh ku muri, ta bwurah i mur be ko'ongo, kaasa ma be ko'ongo yiri ehinghi. La'ahun muni pa'awah wu gir ba a li i knuh. 40 Bah kurba misa, mu kwah wu bapinah war wu ba ko'ongo langha-langha yo, ka ma'a bwihi ku murya mo'on mo'on, yirya ka so'opolo waa. 41 Wu killa pur kuyo yir wu ba ko'ongo, a mur ngha kunya ne "weh mun Baku" yi ka taburah murya, pirya i lo'o, chew ne be wu killa shi'ila ne yi mun Baku. 42 Da ban fah, Yeso puru shen mban ba wu bapina param. A ningyi pishi. Kassah ma a chupur ku muri, a chewei ne imi njingni ya sah. 43 Ka chew wahne, "ningha yam ngbeng ne mi mu toh be lo'o Baku sa cheu wa wu bapinah ku wu ram kpanah, cheu be lo'o Baku a chumma mi." 44 Kah ninghi ndah lo'o lo'o Baku ku be tsangbang ma Baku ku juda.