1 A wu ku mba'a ma lum kuni tongnung ma mulki Tiberayus Kaiser, Bilatus Babunti yini Gomna ma yahudiya, Hirudus yi wo Hakimi ma Galili, soonghi Filibus yi Hakimi ma nsaah Ituriya i Tiarakunitis, i Lisaniya yi Hakimi ma Abilene. 2 Wu mwara baa nsa-nsah Annas i kaifa-looh ma Baku ka yo mbaa Yohanna mun Zakariya ku chiri gba'a toh. 3 Ka ki kang mal-bwang ku muna ram ba a wu nongho karngha tsalla ma Urdon i mur paa wa bapina wa'azi baptisma ma zhingghi paa girbiwa mashen raatsa buhu ku yo girbiwa. 4 A ngwa'ala ku bunzeme ma nyaa looh ma Ishaya baa sun-dwa ne, "Zhing mo'on, i mur chu'ulu i yo chiri toh, wu girshi shere chili yi baanjeh, wu gir shi shere i ning dong. 5 Wu baa-bol a ho kau nyaansah rutsu ya bwang. Wu mur gboo i wu koh kono a ho su'ulu iya ne a ning para mban i shere baa naa yugwana a ho nari ne i ning yuli kakah. Wu mban baa a doo kakah sa a wo girshi ne a ning wu ngishere. 6 Wu bapina bwang a ho sun ra;atsa buhu ma Baku. 7 Yohanna ka cheu wa wu zam ba a mur yo bii nda paa baptisma ne, " Ka'a wu muna wassang! Yan chiwa wun ne wu mbangli chim Baku baa i wuna ku dwa? 8 Na ningha naa wu yo i wu muna mun baa anjina ku pee shere nzhinghi gir biwa ya, wu mun baa a ho doo ning nda cheu ku yir ya ne sui Ibrahim ma Tarsu; mu mur cheu ne Baku ko ghi ma pa wu muna mun yi Ibrahim ku yoo wu tah mini. 9 A war piwi ma'ana ku ta'a wu nguni, nguni baa na doo bila wu muni ma shimai sa, a ho yere bu su'ula to ni ku bissa" 10 Wu bee zam ninghi nda mwe hi, cheu ne, "man baa su paa?" 11 Ka yere cheu wa ne baa nai twan ma yis ku yiri baring i sa to mo'on pi baa i doo i yi sa, baa nai billa ku li, i sa paa bene bili bwa. 12 Wu baa yaa bolo nsaah bwa yo ne a paa wa baptisma, a cheu yi Yohanna ne, Baa nsa-nsah, baa ningha su kper ne su paa?" 13 Ka cheu wa ne, " wu ma yaa 14 Wu baa tah mwarang bwa a mwi cheu ne, "su kpa? man baa su paa? ka cheu wa ne, wu ma yaa nyaa bolo ko yo mbaa bwara ma kiri sa, wu ma reng yi bwara ma lilim sa. Na ma wu kurnjim wun i nya'abol zunghi wun. 15 Zam wu bapina a ninghi ta'ara lele ne Kristi wuna, bwang ya a mur reshe ku njim ya ku mur Yohanna ne ke nayi be Kristi. 16 Yohanna yere ka cheu wa bwang ya ne, "ku mbam, mi pa'a wun baptisma i mu'uru, bwara wuna ba'a nghar-ngha gana mi, do njina ma mu sor yi nguri nku-gbi'i sa, ko pa'a wunu bee baptisma i mbilar ma shimai i bissa bwa. 17 I wara chuchuh wo buhi ba'a ko nya'ala kau wu mwe'e bwang. Ka kahim mur nya'a billa ma so'o ku juring. ko ton bee ka'a mwei ma i bissa ba'a a ho doo ghi sa." 18 Yohanna ka lo'oh- lo'oh bwana i sung bumuru wa bapina ku nda pa'a gir biwa. 19 Hirudus makaddas. ba'a Yohanna she'eh chew muri ku mur Hirudiya mam soonghi ba'a yi Hirudus warai ma bamam, i wu gamuring girbiwa ba yi Hirudus pa'ana. 20 Hirudus bassa ma'ana gir mini ku murya bwang. Yi bol Yohanna kpangha ku lah nenghe. 21 Ka yo ning baa a paa wa bapina bwang baptisma, i shi wu ho mur nere Baku kalang ka fah. 22 Mbilar ma shimai ka su'ulu yo ning ku muri, i wu bene gigi, zhi nghu ka pur i yo kalang ne, " we munam mun ba bwara, ba'a njila. I mur bong njimam i we." 23 Yeso i ka'amuri pak nsa-nsah yi mba'ai wu bene lum tarung. Yi wu mun (bene ba'a a wo sunu) Yusuf, mun Heli. 24 Mun Maatthat, mun lawi, mun maki mun Yanna. 25 Mun Yusufu, mun Mattiya, mun Amos, mun Nahoma, mun Hasi, mun Naijaya. 26 mun Maathat, mun Mattatiya, mun Shimli mun Yuseta,mun Joda. 27 Mun Yohanna, mun Risa, mun Zarubabila, mun sha'athila, mun Niri. 28 Mun malki, mun Addi, mun kusama, mun Amodama, mun Uri. 29 Mun Yosi, mun Alazara, mun Yorima mun Mattat, mun Lawi. 30 Lawi wo mun Siman, mun Yahuda, mun Yusufu mun Yohanna, mun Alyakima. 31 Mun Meliya, mun Dauda. 32 mun Jesse, mun Obed, mun boaz, mun salmon, mun Nashon. 33 Nahshon wo mun Amminadab, mun Admin, mun Hezron, mun perez, mun Yahuda. 34 mun Yakubu, mun Ishaku, mun I brahim, mun Terah, mun Nahor. 35 mun Serug, mun Reu, mun Peleg, mun Elber, mun Shelah. 36 Shelah wo mun Karinan, mun Afahazat, mun Shem, mun Nuhu, mun Lamech. 37 mun Metuselah, mun Enoch, mun Jaredi mun Mahalaleel, mun Kainan. 38 Mun Enos, mun Seth, mun Adamu, mun Baku.