NGI 2

1 1 I juk baa kaisar Augustas chum lo'oh ma ngharnghai ne ah mbal wu bapina ma tah ramuan. 2 Bee mani yi wo mbal wu bapina ba a paha pii, ku mba'a baa kiriniyus yi woh baa nsa'ah ku suriya. 3 Bene bili maa wu bapina bwang shen ram yah nda knwo'olo lu'ulu yah. 4 Yi Yusufu la'ahu yo Galili, iyooh chiri ram ma Nazarat shen ma shen Yahudiya mashen Baitalami ram wu Dauda cheu ne nshilih ya i wu Dauda. 5 Shinna bannai nda ngho'olo lu'uli ai Maryamu ba wo tana buhi ma mami, wu ta pwer ma bili. 6 Ban yo dji ba i bil bee mun. 7 Bil muni ma mo'on, mun ba mbura. kah karmi i ka twan ka mi'ih ku kwa'ajing cheu ne ka'ana i ban su'ulu i wo ba biri param. 8 Wu ba ning lele wo ho be nsah bannai, ammur ning lele wu nda'ah ya i djuhu. 9 Mun chumu Baku tapurwa, ka rungdjun Baku puru karnghaya, mwara shi'iri bwol ya. 10 Be mun chumu Baku cheu wah ne "Wuh do'oh bwang nji-ri sa, war lo'o mashimnai ko bwong yir wu bapina bwang." 11 Lina a billa ba ra'asa buhu, ku kristi ma Baku. 12 Gir ba ko rum wun iyi. wo kum banmun a karmai i ka'a twan, ma'anai ku kwandjing. 13 Ane a sunnu, wu muna chumu Baku gbeh a mur lem Baku a mur cheu ne. 14 Malem mashen ba Baku ba mala ban, ningha shima kumu ku chiri wu bapina, ba bwangha yirya. 15 Yo dji ban ba wu malaika la'ahu shingyi ya shen ma kalang, wu ba ning leleh cheu wa yirya. "Su shen mashen Baitalami sa sun girba ba pa'ana ba Baku wo cheu wu su ma." 16 A ka'ara ci'i ci'i mashen bannai, a kun be Maryamu i Yusufu i be bamun ba nwangha kut bum kwandjing. 17 Ba asa sanni, a yar ban i be lo'o ba awu cheu wa ku mur be bamun 18 Mbang ba a wo'o be lo'o fa'ah ka'a kunya i girba wu lele wu nda'ah wu cheu wa. 19 Yi Maryamu war be wu ngha'a gir ku nchimi ka ninghi re'eshe iya. 20 Yah ba ning lele mbunu- yere a mur lem Baku cheu gir ba awu wa'ana, a suna ma bene ba a wu cheu wa. 21 I djuh misa ma yhanga, wu ji masai ba ayeri suhi, a pih lu'uli Yeso. lu'ulu ba malaika wu panai ma a do'o twala bum yi sa. 22 Ban yo ji ba a zus yirya i pirham ma Musa yo malama, Yusufu ai i Maryamu toli mashen Urishelima dapih Baku. 23 (Bene ba a knwa'alah i pirham ma Baku, mun ba burah ba ngi paha bili dwa ai chiya ku gigyenyi yi Baku). 24 Cheu ba a so shilla i yer pirham ma Baku, a war kurtung baring keh gigi baring. 25 Bura magina wu ho Urishelima, nu'uli siman ba pa'a girshima, i ba war ta'ah Baku. I wu ta'ara dangnjimu wu bapina ma Israila. Yi mbilar ma Baku wuku muri. 26 Bee mbilar ma Baku rumi ne ko do'o sun wu sa shee na sunna kristi. 27 Mbilar Baku su'uri ka shen mashen para ka'ana nere Baku. Wu tari a war bee bawun Yeso bwor iyi ne a pa'ayi gir al-ada i pirham maya wu Yahudawa. 28 Siman toh bee ba mun ku bwihi ka lem Baku. 29 A da Baku, bene ba a wu chiwa, ma'a buh koromwo i ningha shima 30 Misam suna ra'asa buhou. 31 Baa a girsa i mis wu bapina 32 Buhban bau fah she'eleh wa gamuring wu bapina. Bah ko ning gir lem i chiri wu muno Israila. 33 Wu tari i ngih fah kunya i mur gir ba a chewa wa ku mur bee bamun. 34 Yi siman chi buhi ma shimei ku murya ka cheu yi Maryamu, lee ngi mun bamun ne, "Bee mun mini a ma'anai ningh ba ko ma'a wu bapina a kwa i la'ahun ku Israila, ko ning wu ngha'agir ba aa do'o lo'o ku muri sah. 35 Awo pur i gir ba i mur shenshene ku njim wu bapina. pye'eu- ridji ko suah njimo puru wo'oroh kpannah. 36 Mam mo'on wu ho ba sun dua, lu'uli Hanatu mun fanuyila ma nshilu wu wo pa'ah djeh. A ningha i milmi ba'a tangnsah-bari nah. 37 Ka ning mam mawo ma ba'ah lum ngyangha i kunni yinung. I do'o puru shinghai ka'ana nere Baku sah, djuhu i misa, i so'o nsah pih Baku, i mur kusu kunni i nere Baku gbenggbigbeng. 38 Kah yo ho baya ku bee karmabon bili ka bwata yi Baku ka lo'o cheu be bamun wa ba awo ningyi ta'ara ra'asa buhu ma Urishelima. 39 Ban bah Yusufu i Maryamu i Maryamu a mal girba pirham ma Baku njila abunuyere mashen galili i ram ya ma Nazarat. 40 Yi bee bamun gulu ka ning i nghargha, wu rusa i nzor i girshima Baku ku muri. 41 Mbaah i mbaah, wu tari i ngih ai shen Ushelima da pur-nving ma tah lu'uru. 42 Yo karma jina ba'ah lum kuni barin, a shen bana pur-nving ma lo'o laya. 43 Be pur-nving yo malla, wu tari mu bunuyere mashen lah, yi be Yeso benne ningh ho Urisherima yawu tari do'o shi'ila sah. 44 Ya mu sun bene ai ya, ashen shene ma misa mo'on. A boro nda pe-eh banai ku chiri wu mu'uri ya iwu mwanya. 45 Dah bah a do'o suni sah, a bunuyere mashen Urishelima nda pe-eh bannai. 46 Dju tarung puru bwo'olo, a kashi ku parah ka'ana Baku, ningha ku chiri wu ba sa-sah i mur wo'oya ka mur mwe'ehe ya lo'o. 47 Wu ba wu'i a fah kunya i she'elei i pa lo'oi. 48 Baah wu tari suni, a fah kunya, ngih ka cheu yi ne "Mun-nam mani pa'ana a pa'ana su benebili? Tarroh i mi su mur pe-eh bannau i suhu njimu." 49 "Mani pa'ana wa mur pe-eh banam? Ka mwe ya. Wu do'o shi'ila ne ningha kper ne mu ningh ku lah taram sah?" 50 Ya a do'o she'ede gir ba mur cheu wa sah. 51 Ka shen mashen Nazaret i yah ka nnong wa i muri su'ula. Ngi ka bwol bee gir mini bwang ku njimi. 52 Yi be Yeso bwan i nzor i gulu ma yiri i njele ma Baku i wu bapina.