1 Wu bapina bwara twala i murya ne a knwo'olo kah-kah be wu gir ba wo nisa i chirisu 2 Bene be ba a wo pana su, i yo chi-chi'i, su ningha wu ba pah she'ele i korom ma be knya'alo'o 3 Mima, i bwangham ba pissah chee wu gir ku yo chi-chi'i suns i bwangham kpana ne mu knowo'olo wo wu gir ba wu pa'anah, mwara badje "Thwufilus" 4 Mini i nna ne wu she'ele ngichewe ku mur gir ba a sa'ana wunu. 5 Ku ba'a ba Hiridus yi wu Gom ma Yahudiya ba sa-sah magina lu'uli Zakariya, ku nshilu mau ba sa-sah ma Abigail i mami, Alisabatu, kpanah yo inshilu mau Haruna. 6 Bwa'aya ya wu ba pa'ah girshima, ai pa murya ku dokoki i wu gir ma Baku. 7 Awu do'i wu munamun sa, chew ba Alisabatu wu ningha kwomei; wo bwangya wu pa'a ka'adje. 8 Wu yo ji ba Zakariya wu ku dum Baku, i mur pa'a chum sa-sah. 9 Dju misa chummui kayo bene ba ai pa'ah ku lasu ya mau ba sasah, ne i bor ka'an nere Baku nda ton lele ma shimei. 10 Yo ji ba a ton lele mashimei wu izam wu bapina kamma murya ku nsah, a mur nere Baku. 11 Maleka chupur yi, ka chele ku babu ma li ma bagadi ma ton lele. 12 Zakariya ka suni, yummu chele i zhi'iri. 13 Maleka ka cheu yi ne do'o bang zhi'ir sa, Zakariya, cheu ba Baku wa'a nereu Mawo ko bilau mu babura. Wo chu'uli ne Yohanna. 14 Ko bong yir wun i bumwun, wu bapina bwagha ko bong bumya i misa bilai. 15 Ko ning mwara bapina ku dum Baku. Ko do'o nuh ngari ke girba ko ma'a zhingmisu sa; ko rusu i mbilar Baku kuyo bum ngih. 16 Wu bapina bwana ma Isar'ila aho bunuyere mayo ba tarya Baku cheu yi. 17 Ko shen meshen dum tarsu i mbilar i ngyha-ngyha ma Iliya. ko pa'a girmini ne kun sung njim wu tarya mashen ba munya. Ne wu ba'a ai do'o wo'o chewe sa a ho shen ku shiri nzor wu ba pa'a gir shima, ne a girshi nchene wu bapina yi Baku. 18 Zakariya ka chewui malaika ne, I pa'alan nghaa she'ele? mi pa'a nje mamam yima pa'a ndje kpayi." 19 Be malaika ma yere ka chewui ne, "Mi Gabiel ba i chele ku dum baku. A chumami ne muyo lo'owo ka mu yowo i lo'o ma shimei." 20 Sunu! Wo ning kiring wo do'o ngi lo'oh sah shei gjub misa bilai. Mini ningyhaa na chew ba a do'o pana ngichewe i loamsah, koyp ning ngi chewe ku juk misai. 21 Wu bapina ningyha mur ta'ara Zakariya. A ningyhi fa'aha kunya ne i ningyha ngbang ku be ka'ana nere Baku. 22 Da bayo puruh, do'o ngi lo'oh wa sa, Ayo she'ele ne mishi fahna ma iho chiri ka'ana ne Baku Ningyhi ndah lo'o iya i gbhuhi gbira. 23 Juk misa chummui mala kah la'ahun shen mashen li. 24 Wu misa juk yo bo'olo, Alisabatu yo toh bum ka sormo muri ma nzungyha tongnung. Ka chewne. 25 Mani yi gir Baku pa'ana yam yi suna mi i mishi ma weleng kah twalah nzon yam kuyo mis wu bapina." 26 Kur nzugyha ma tangnsa, Baku ka chum malaika Jibrailu mashen Nazareth ku chiri galilee. 27 Mashen ba musari ba do'o shi'ilah bambura sa, ba mbura magina lu'uli Yusufu wu tana bwihi, I yo nshili wu Dauda, be musari ba do'o shi'ila bamburasa lu'uli maryamu 28 Malika bwor ho mbi ka chewne "mu mur za'aro, we ba weleng kwana i mmuro be tarsu ma kalang ei we" 29 Maryamu momchi'isai ei lo'oi kasaine za'ara man ba mbura mini ka murchiwam. 30 Maleka cheu yi "a mi bang nji'iri sa, Maryamu Baku yira i weh. 31 Sunnuh, wo to bum bil mun baburah. wo chu'ulu lu'uli ne Yeso. 32 Ko ningh mwara bapina, a ho chu'uli ne mun Baku ma kalang. Bee tari Baku ko pih ban ninha Gom ma tari Dauda. 33 Yi ko pa'a mulki ku mur lah Yakubu ma wheng, be mulki yi i doi chi-chi'i sa. 34 Maryamu ka cheu yi be maleka ne, "Ilan girmi ka ningh naa ma do'o shi shi'ila babura sah." 35 Be Maleka yer yi ne, Mbilar ma Baku ko yo ku muro, in nghar-ngha Baku ma kalang ko yo kuso. Be tsarkake ba au bili, a chu'uli ne mun Baku. 36 Sunu, mu'uro Alisabatu kpannah i bum bamun ku djeh yi, yi ba awu ne yi komei i bum zungha tangnsah. 37 Gir ba nghar-ngha ga na Baku param. 38 Maryamu cheu ne, sunnu, mi mu sah korom ma Baku, i pa'a gir ba i njila i mih. Be Maleka la'ahu zhinghi. 39 Ku be wu djuk bili Maryamu girshi kaalai ka ka'ara mashen mu ram ku mur gbo ma yahudiya. 40 Ban ba bor lah zakariya ka zaara Alisabatu. 41 Ka ningh ba Alisabatu wo'o za'ara ma maryamu, be mun bamun ma bwi ka pirwi yiri, Mbilar ma Baku ka rusa Alisabatu. 42 Ka fa zhinghi yiwa i ngharnghai cheu ne, "girshima mashen bwo ku chiri wu mam, i gir shima ba i ho bwo." 43 Ilan ka pa'ana ne ngi badje yam ku yo bam? 44 Ka ningh baa wo'o za'ara iyo bwo bor bumu ram, be bamun ku bwam pirwi yiri i bwong bwi. 45 Gir shima ma shen bi ba panna ngichewe ne wu gir a ho yo ningna (rusu) bene ba yi badje wo cheu yi. 46 Maryamu ka cheu ne "Njimam i mur so'o nsah piyi badje," 47 Bwangha yir mbilar yam i Baku ba ra'asa buham. 48 I suna shewe ma koromyi, I yo ha ni mashen dwa, nzhe wu bapina a ho chu'ulam ne ba gir shima. 49 Be ba i nghargha, pa'a yam mwara gir, lu'uli yi ma shimai. 50 Sun chiri yi i ningh yo zhe wu bapina mashen zhe wu bapina wa ba ai bang zhiri yi. 51 Pa'ana gir yo sunu i nghrgha bwili, ka yo tana kpasang i wu ba toh ka'amurya yiwa, amu rengnyeh ku njim ya 52 Su'ula i wu gom i yo ban nigha ya ka twala wu baa shisaya yiwa. 53 I rusa i wu ba nsala walaya i wu gir ma shima ka to ta'a wu ba lilih piri i baa buhya gbira. 54 Ndjina ta'a wu korom yi Israila ne i re'eshe ku sun chiri ya. 55 (Be ne ba wu cheu wa tarsu) mashen ba Ibrahim i wu nshili ma wheng." 56 Maryamu ka nigh ku ba Alisabatu bene zungha tarung ka bunu yere mashen lih. 57 Ban ko yo ji ma Alisabatu i bil muni, ka bil mun mbabura. 58 Wu ba pwer i yi i wu mu'uri a wo'o ne ba dje sunai i mishi ma chiri, kumi ku pur nvingh. 59 Ku djuk misa ma ya'anga a yo nda yer suh bamun. A wu ne a ma'a lu'uli zakariya, a lu'i i lu'ulu tari. 60 Ngi ka yere cheu wa ne, "wi, a ho chu'uli ne Yahanna. 61 A cheu yi ne, "ba bwara ku chiri wu mu'uru wun ba ai chu'uli i lu'ulu mini." 62 A pa'a buhya yi tari ne lu'ulu mahe ba njila ne a pih be bamun. 63 Ka mwe ne a pi girba i knwo'olo ku muri, ka knwo'olo ne, " lu'uli Yahanna." Bwang ya a fa'ah ka'a kunya ku mur gir mani. 64 Muni muni kuni fah, lashi ka baasa, ka pak lo'olo'o, i so'o nsah pi Baku. 65 Nzhi'ri ka bwol wu bapina ba wu knongho karngha ya. A ninghi yar be lo'o mini ku chiri gbo'o ram ma Yahudiya. 66 Wu ba wo'o bwang a chihi ku njim ya, a mwe ne " Be mun mini ko yo ningh lan?" Be buh badje ku muri. 67 Tari Zakariya wo rusa i mbilar ma shimai, ka ninghi pa she'ele' ka cheu ne. 68 "Lem mashen yi ba dje, Baku ma Israila, ba yuana yo ra,asa buh wu bapina." 69 Yo toh lua'na yiwa feh. ma ra'asa buhu wu su ku lah korom yi Dauda. 70 (be ne ba lu'ana ku yo kun wu ba sun dwa yo kirei) 71 Ko war ra'asa buhu ku yo buh wu ba njim ya pinah i su, i wu ba binah su. 72 Pa'ana gir mini ne kunsun chiri wu tarsu i re'she i konbwa ma bii. 73 Be kanbwa ba i wu lo'o yi Ibrahim tarsu. 74 Wu kanbwa ne ko pasu, su baa ra'asa su kuyo buh wu ba bina su ne su pa'i chumu param i zhi'iri. 75 Ku tsarki i adalchi ku dwi ma wheng. 76 I we bamun a ho chu'ulo ne we ba sun dwa ma bah kalang, wo kwa dwa ku dum ba dje nda girshi nshereh, i girshi wu bapina ba aho yo. 77 Nda pa she'ele i ra'asa buh wu bapina, i zus gir biwa ya. 78 Mani ko ningh nah cheu sun chiri ma Baku su. 79 Ku bung-ban ku mur wu ba a ningha ku djuhu, i ku chiri lilim ma wu. Ko pa'a gir mini ne i rumsu ku chiri nshere ningh shima. 80 Be mun bamun gulu yo ningh i ingharnha i mbilar, wo ninghi waho ku gba'a to'o mashen dju ma a wari puru wa muna Israila.