NGI 23

1 Wu bapina-ya la'ahu bwang i zam-ya a war Yeso shen ku dum Bilatus. 2 Aa ning ku nda ye'ere chewe ku muri ne,"Su kuma mbura mani, i mur ya'a wu bapina su suhu, i mur pirya ne a mi tal nghya'abol nsah yi kaisar sa, i mur cheu ne, yi, i kaa muri yi kristi, yi Gom." 3 Bilatus ka mwi, ne "We bee Gom mau Yahudawa?" Yeso ka yeri yi ne, "Ii i bene baa a chiwa ma." 4 Bilatus ka cheu baanjeh mau baa nsa-nsah, i zam wu bapina ne,"doo kuma mbura mani i gir biwa sa." 5 A ning ne, "I mur su'uru wu bapina suhu, i mur nsa-nsah ku chiri Yahudiya, i yoo Galili ma yo ha pahri." 6 Bilatus wooo gir mani, ka mwe ne, bee mbura mani i yoo Galili. 7 Kaa she'ele ne i yo mbana baa Hirusdus yi mor kamah, ka chur Yeso mashen bii, yi Hirudus wu bili. 8 Hirudus sun Yeso, ka bing chimi, cheu baa i ningngha gbang, i mur pee njelne, suni. Cheu ba wu wa'ana nyaa lo'oh ku muri; ka ma'ana chimi bwa ne ko sun wu gir ma nzor ku yoo baa Yeso. 9 Hirudus mwe Yeso gba'a gbee, yi Yeso bene ma yerii. 10 Wu njeh ma nsa-nsah i wu baa nghyo'olo- nghyo'olo la'ahu i kiri ku bumya. 11 Hirudus i wu baa lua-burai aa nsagha Yeso a ningnyi nda woli. A yiishi yi twa ma shimai aa bunu yere churi mashen ba Bilatus. 12 Wu Hirudus i Bilatus a ning mwan yirya missa bili (a woi lua bura i yirya). 13 Bilatus ka chu'ulu wu ba nsa-nsah, i wu baa reng-chewe, i wu zam bapina. 14 Ka cheu wa ne, "Wu war mbura mani yuanam bene yi baaa nsa wa bapina ne a paa gir biwa, sunai, muahai ha ku nya'a miswun, doo kumai i gir ma biwai bene baa wu chiwa ku muri sa. 15 Ke Hirudus, yi bunuyere churai ma yo ha mbassu, wu sunu, doo paana gir ba a mii ku nenye, ke a woli sa. 16 Na ningngha naa mo nyi i ghang, maa buhi ne i kwan sherei." 17 Ningngha kper ne Bilatus ku ma'a buk korom mo'on wa Yahudawa juk missa idi. 18 Bwang-ya a la'ahu looh i kun ya mo'ona ne, "A war mbura mani shen i yi, a ma'a buk Barnabbas su." 19 Barnabas bapina baa a ma'anai ku lah nenye cheu baa paana kiri ku chiri ram, i wol bapina. 20 A nya'anha kunya ne, "A nge'erih, a nge'erih." 22 Ka cheu wa ma gba'a tarung ne,"Man, gir biwa mam baa mbura mani pa'a na? do'o kumai i gir ba ko ma'a ne a woli sa. Na ningngha naa mo nyi i gbong ma'a buhu." 23 A ning naaa kper i kunya mo'ona ne a nge'eri. kunya ma'a Bilatus ka yer wa. 24 Bilatus ka paa wa girba a njila. 25 Ka tah-buk baa a ne, i tah buhi, bapina baa a kurai ku lah nenye cheu kiri, i wol bapina. Ka pah Yeso bene baa a njila. 26 A war Yeso kwn shere, a bol magina lu'uli siman Ba krai ka ba purai yo ram magani, a mii ne to giciye ma war ta'a Yeso. 27 Wu zam bapina i wu maam baa chimya suhu, a mur nzo'olo war chi'i. 28 Yeso ka pirwi sun ya ka cheu wane, wu saah Urushalima, wu ma nzol cheu mi sa, wu nzolo cheu ka'a murwun, i wu munwun. 29 Juk missai wuna ba a wo cheu ne, gir shima (ke wu baa lili) mashen mbau wu maam ba a ningngha kweme, bumya doo wara bamun sa, a doo nuaha suha ya sa. 30 Juk missai wuna ba a ho cheu yi gboo taah ne, "Kwa ku mursu," "I mur gboo ne "Kusu mur su." 31 Wu bapin a na mur paa gir mini ne paa naa ningngha yumai?" 32 Wu baa paa girbiwa baring a warya ben i Yeso mashen nda nyeere ya. 33 Aa war ya sa nji mba magina ba ai ne kor muru (kwalluwa)(skull) ho mbanai a nge'erei. Wu baa paa girbiwa maa, moon ku ghawi ma musum, mo'on-ya ku ghawi ma li. 34 Yeso ka cheu ne, "Aa Dah, a mi reng waa sa, a doo shi'ila gir ba mur paa sa." A ningnyi nda pa'a kuria i yirya ku mbana gau twan yi. 35 Wu bapina che'ele ningnyi nda suni, wu ba'a reng chewe bwa ningnyi nda woli. Aa cheu ne, wei raatsa buk wu bapina: a shi raatsa ka'amuro ne, na we kristi ma Baku, ma ka'abuhi. 36 Wu baa lua-bura a yo ningnyi nda wooli, a kikang yo pwer ne a pii. 37 A mur cheu ne, "Na we Gom mau Yahudawa raatsa ka'amuro. 38 A wu ngwa'ala nghyo'olo kpana wo kishmuri, ne, "Gom mau Yahudawa yi mani." 39 Mo'on i yo chiri wu baa paa girbiwa ba a ghi'ira ya ma, ka lo'oh looh-biwa ne,"doo we kristi sa? raatsa ka'amuro i su bwa. 40 Bee, moon ma ka sheecheu muri ne, bang nzi'iri Baku, reng chewe wo i mo'ona i mabii 41 Ku bassu i koka ba su mur li chiri cheu gir biwa baa su paanai yi mbura mani doo paana gir biwa sa. 42 cheu ne, "Yeso re'eshe i mi a naa bwara bee lah ma kalang wo. 43 Yeso ka yer yi ne, "Mu mur cheu wo ngichewe, lina mani wo ning i mi ku chiri so'o polo mban (Paradise). 44 A hoo bolo tang-nsa ma kurwa ji, juhu kaa bor ku tono har mashen bolo tangshing. 45 Missa wo chilama ku bung mban, bee twa ma kusu mban ku ka'ana nere Baku, sana pur baring ku chi-chiri. 46 Yeso ya'anakuni chu'ulu i nzhi'nyi ma muarai ne, "A Dah, ku buho zhingha yi mbilar yahm." Cheu girmani, kaa ma'ah muri su'sul wus ma marsai. 47 Bee forong maa sun i ya'a mishi wu gir baa a paana, kaa so'onsa pi Baku, ka cheu ne, "Mina mbura mani baa paa ngichewe. 48 Wu zam baa a yo ka'amah murya ku sum gir mani, sun gir ba a pa'ama, a bunuyere nda nya'aha kwa'ayah, kwashere ya. 49 Wu baa a wu shi'ila yi Yeso, i wu maam baa wara chii i yo Galili, a wo chele pim, a mur sun gir bili. 50 Mbura magina lu'uli Yusufu, yi ku chiri wu baa reng chewe, bapin ma shimai i paa ngichewe; 51 Wu doo bor nda regee-regee i wu chumu ma biwai, ba laya paana sa. Yi i yoo mba magina baa ai chu'ulu ne, Ari Mathaya ku nsah Yahudiya. Wu ningnyi ta'ara yoo lah ma kalang ma Baku. 52 Mbura maa ka shen baa Bilatus, sa neri ne i pi loh Yeso. 53 Ka toli su'ulu i yi ka bohmi i twan ma shimai, ka sa mii ku bum shi'ilah ma-taah ba a doo taba lisa bwarah wo so. 54 Wo juk missa girshi yiru i mban, cheu baa mban na mur fa i ning ngha missa ning ku lah nere Baku. 55 Wu maam ba a wu war taa Yeso, i yo Galili, a mbassa war taa Yusufu sa sun bee shiila i mbana baa alisai wo.