1 Bee juk missa li fo'ofo ba a do'oi soo-yi yis sa woo taa pwer, baa ai chu'ulu ne paska. 2 Muarah wu ba nsa-nsah i wu ba nghyo'olo- nghyo'olo aa regee i yirya, a mur pee shere ne a woli, nzi'iri wu bapina bol ya a doo ghi pa'ai gima sa. 3 Ba kila ma (satan) ka bor bum Yahuda ba ai chu'uli ne Iskariyoti, yi mo'on ku chiri wu muna yeeleyeelei lum i kuni baring ma. 4 Yahuda ka sa par bee baa njeh mau baa nsa-nsah i wu Forong a ningnyi regee i yirya shere ba ko war (bashe) Yeso pa wa. 5 Gir mani bong bum ya, aa yer ne a wo pi Yahuda nghya'a bolo. 6 Yi Yahuda ka yer kpayi, ka ning ku nda pee shere ba ko war Yeso pa wa, ku mbana ba wu zam bapina doo wo sa. 7 Missa li fo'ofo ba a dooi soo yi yes (muha) sa ka yo, yi missa juk yer bee paska maa. 8 Yeso ka chum wu Bitrus i Yohanna ne, "Wu shene sa girshi su'uh billa ma paska, ne su kumu li." 9 A mwi ne, "Ku bee a njila ne su sagirshi bee mban?" 10 Ka yerwa ne " Wu shi woo, wu naa bwara chiri ram, wo sun mbura magina ko yo par wuni pus mu'uru. Wu war chio mashen lah ba ko bor ho. 11 Wu cheu yi bee baa lah ne, ba nsa-nsah ne su cheu wo ne, "Bee ka'ana mau baa mbiri yi mahe, i mbana baa ko li billa paska i wu muna yeele- yeelei?" 12 Ko rum wun i muara mban ku lah kalang baa a rege girsa. wu girshi su mban wo banai," 13 Aa la'ahu shene, a sa kum banai bene ba ka chiwa wa. Aa girshi bee billa ma paska wo banai. 14 Bee juk missa ka yo, Yeso ka ning i wu muni (manzanni) ku mban li billa. 15 Ka cheu wa ne, "Mo njel li bee billa paska i wun, ka mbassa li lulu (lichili). 16 Mu mur cheu wunu, " Mo doo mbassa li bee billa sa. Shee na nda ana ku lah Baku ma kalang. 17 Yeso ka to koko(cup) kaa so'onsa paa, ka cheu ne "Wu ya'a mani wu gahwa i yriwun. 18 Mu mur cheu wunu, "Mo doo mbassa nuh bee mu'uru bil nzue mani sa, shee juk missa lah Baku ma kalang naa yuama." 19 Ka to fo'ofo, so'onsa pi Baku, ka yinghi gawa, cheu ne, "mani (ningngyha) yiram ba pana cheu wun. Wu ningnyi paa girmani wu mur re'eshe i mi." 20 Ka mbassa to bee koko (cup) ka mbassa paa kpah, i kurwa maa a la billa, ka chen ne,"Bee koko (cup) mani yi wassa piwi alkawali ku shi lam, baa suana to'oh cheu wun. 21 Chim-wun yo mban mo'on, bee baa ma'ah chimi i waram pawa (basheshi) i ha mban li billa i mi. 22 Mun bapina ko shene bene baa i rege ningnyha. Gir biwa mashen baa bapina ba i yo buhi a wo waram kwanshere." 23 Wu muna yeele-yeelei a ning ku regee i yirya ne, nayan ku chiri su baa ko paa girmani. 24 Wu muna yeele-yeelei a la'ahu ku su'uru yir ya ne, mahe ku chiri ya ba ko ning baanjeh ya. 25 Ka cheu wa ne, "Wu Gomai chumreng chewe ku mur ya, wu ba a wo ning ku murya, ya baa ai paa girshima wa wu bpina ya. 26 Na ma i doo ning bene bili i wun sa. Baa na yi baa njeh ku chiri wun i ning yi bamun ku chiri wun, baa nai chewe a woo kuni ku chiri wun i ning bene yi korom baa paa chumu. 27 Yan yi baanjeh; baa ningngyha ku mban li billa, ke ba yi korom? ke doo baa ningngyha ku mur mban li billa sa? Mi ha chiri wun bene korom baa paa chumu. 28 Wu wara ta'am i yo-yo ku chiri bee mah-sunu mabam. 29 Pa wun lah ma kalang, bene baa Dahm pana yam lah ma kalang. 30 Ne wu kumu li, wu kumu nuh, ku mban li billa yam ku lah ma kalang, wo ning ku mban ninggyha wu Gom wu mur reng chewe waa nshilu lum kuni baring mau muna Isarailawa. 31 Siman, Siman sheele ne, satan i mur nere ne, i ku mo yeu gas, i njilakur wun, kaa nghya'ala wun bene ya'a wana. 32 Nira ma ku muro, ne ngichewe wo mi wos chigee sa. A na bunuyira ma, ma'a wu so'ongo ne a kum ngyhar-ngyha chele. 33 Bitru ka cheu yi ne, Baajeh, girsa yiram, su shen i we mashen lah nenye ke su wo'oho bwasu." 34 Yeso ka cheu yi ne, "Mu mur cheu wo Bitrus, ku ko'oro na ne tong lina mani, gbaa tarung wo cheu ne a doo shi'ila mi sa. Yeso ka cheu wa ne, "Wu chumwun, wo doo i ka'azagba ma billa, ke ma nyaa bolo sa, wu wu do i kaa ngugbu'u sa, wo pee gima bohro?" Aa yer ne, "baa gima," su wu doo pee gima bor sa. 36 Ka cheu wa ne, " I mani ba nai ka'aza gba ma nya'abolo i ma billa i toloh. Baa na do i peu-riji sa, i tol gul twan yi kur iyi sa kur mo'on. 37 M mur cheu wunu ne, "Gir ba a nghyo'ala ku muram ko yo mbo'olo. "A wu twalai bene doo gima sa." "Girba a wu chiwa ku muram i mur ning naa (rutsu)." 38 Aa cheu ne, "Baanjeh, sunu! ga wu peu riji baring" ka cheu wa ne, i ning naa." 39 A wu la billa ma kurwa, Yeso ka laahu shen mashen mur gboo taah Zaitun bene ba ii paa, wu muna yeele-yeelei a la'ahu war chii. 40 A ss nda wo, ka cheu wa ne, "wu ningnyi nere ne, wu ma bor chiri mah- sunu sa." 41 Ka la'ahu nzinyi ya wo, mbanai shen mashen mba-maginai kpuroo ka ku'uru su'ula nere Baku. 42 Ne "We Dah, a na yira to bee koko mani i yo bam. doo i yere yam sa, i ning mabwo." 43 . Mun chumu Baku (malaika) i yo kalang ka sa'a-pur yi, pi ngyhar-ngyha. Wu ku chiri lulu, ka mbass maa muri ku nere ma ghanai, limya ka ning ku nda suru yo yiri bene shila i mur so'o su'ula ku nsah. 45 La'ula yoo mbana ba wu mur nere Baku, shen mashen mbau muna yeele-yeelei sa kumya a mur nong tolong cheu baa chim ya suha. 46 Ka mwe ya, " Man i paa na wa mur nong to long? wu laahu nere ne wu ma bor chiri mah sunu sa." 47 Wu shi wo lo'oh, wu zam wu bapina yo i Yahuda Iskayiyoti mo'on ku chiri wu muna yeele-yeelei lum kuni baring ma, yi kwana wa ku dwa. ka yo pwer ku baa Yeso ko nuh kuni, 48 Yeso ka cheu yi ne, "Yahuda wu mur war mun bapina paa i nuh kunu?" 49 Wu baa a wu wo pwer i Yeso sun girba i mur shen-shene a mwe ne, "Baanjeh, su pur peu riji ko'oro ya?" 50 Mo'on ku chiri ya kor bumur korom baa nsa-nsah ma mbabuk li to lo. 51 Yeso ka cheu ne, "I ning naa" Ka njik bunur korom ma, "Bee bumuri bunuyere ning bene ma kirei. 52 Yeso ka cheu yi bee baa njeh mau ba nsa-nsah i Forong ma ka'ana nere Baku, i wu njeh baa ayuana nda boli, wu yuana nda bol baashiwi wa yuana i wu pue riji, i wu ngar bolo? 53 Miha i wun gbeng ku ka'ana nere Baku, wu doo twala buhu yi missa wun, wu baa paa chum juhu. 54 A boli, a shen i yi mashen lah baajeh. ma nsa-nsah. Bitrus ka war taa ya i yo pim. 55 A lu'uru mbissa wo chiri lah aningngyha a mur woo bee bissa yi Bitrus yo ning wo chiri ya. 56 Musari magina ka sun Bitrus ningnyha wo gene bissa ka soo mishi ku muri ka ne mbura mani ai bee Yeso ma." 57 Bitrus ka chum kun ne, " mbamam mi doo shi'ilai sa." 58 Ka ning-gbang magina mbassa suni ka cheu ne, "We ku chiri ya kpanaa Bitrus cheu ne, "Mbura mani, mi doo ku chiri ya sa." 59 Ning gbang mbura magina chele i nghar-ngyhai ne, "Ma ngichewe Bitrus bwa wo chiri ba war ta'a Yeso yi i yoGalilee." 60 Bitrus ne, " Mbura mani, doo shi'ila gir ba wu mur chewe sa." Muni- muni i shi wo mur lo'oh, ku kooro ka to ngoh. 61 Yeso ka pirwi sun Bitrus, Bitrus ka re'eshe i looh ba Yeso wu cheu yi ne, ku ko'oro na twanya lina mani, wo cheu ne a doo shilla mi sa gba'a tarung. 62 Bitrus la'ahu shen mashen nsa ka ningnyi nda nzolo biwa-biwa. 63 Wu baa ningngyha lele Yeso ma a ning nda nghya yi a mur woli. 64 A kusuh ka'a muri i mishi, aa mwi ne, baa sun-dwa cheu su yan ku chiri su ba nghya'ana we? 65 A lo'oh wu ya'a looh ma biwai ku mur Yeso. 66 Mban ka puru fa, wu njeh mau bapina a yo kam murya, wu ba nsa-nsah i wu ba nghyo'olo- nghyo'olo. A wari mashen ka'ana reng chewe. 67 Aa ne, "Na we bee Kristi cheu su." Ka cheu wa ne, "Na chiwa wun wo doo paa ngichewe sa. 68 Na muna wun, wo doo yere lo'oh sa. 69 I mani mashen dwa, mun bapina ko ning ku mbabuk buhu ma li i ngyhar-ngyha ma Baku." 70 Bwang ya a cheu ne, we mun Baku? Yeso ka, cheu wa ne, "wu chiwa ne mi muni." 71 Aa cheu ne, su mbassa njila bwara ba i paa kuni ku muri kpah? i ka'amursu su waa iyo kuni;