NGI 21

1 Yeso to mishi yiwa ka sun wu baa lili a mur so'oh baiko ku ba'ana Baku. 2 Ka sun mam mahmoh i mur so'oho kobo baring kpayi. 3 Ka cheu ne; ngichewe mu cheu wunu, mam mahmoh mani pahna girba ga na mau bapina, bwang. 4 Baiko ba a pahna, chigee i yo bwana bwang gir ba i yi ku lah. 5 Wu gamuring a mur lo'oh ku mur ka'ana Baku, ba'a a girsai i wu ta'ah ma shima ya, i baiko ba a mur so'oh, ka cheu ne, 6 Bee gir mani baa wu mur sunu,juk missai wuna ba ta'ah mo'ona wo doo kuni ningngyha ku mur maginai baa a doo lu'asai sa," 7 Aa mwi ne, "Ba'a nsa-nsah, mbayewe gir mani sa ho sunu? Wu man baa suna sunama sa she'ele ne gir mani i yuama?" 8 Yeso yer ne, " Wu ninghyi sunu ta'ara mbana a wo yo i lu'ulau, a wo cheu ne, "Mini mi yi,"Juk missai ta pwer." Wu ma war ta'aya sa. 9 Wu na wa'ah cheu luah-burah i wu pee chewe, wu ma bang nzi'iri sa, wu gir mani ko shi yo wunu, bee marsai ko doo yo mwas-mwas sa." 10 Ka cheu wa ne, "Ram ko la'ahu ku mur ram, kingdom ko la'ahu ku mur kingdom. 11 Nsah ko bili pur i mbissa ma ghanai, ku mbamagina a ho paa nsala i gbashi. Wu gir ma pa'a nzi'iri, i wu nghya'a gir a wo yo iyo kalang. 12 Wu gir mani a naa ne a yo, a wo bwol wun, wo li lulu ku bu ya, a wo war wun mashen ka'ana nere Baku, i wu lah nenye,a wo war chewe wun mashen mbau wu Gom, i wu Hakimai cheu lu'ulam. 13 Ko ning wunu gir ba wo fah kunwun chewe. 14 Na ninggyha naa, wu kurchimwun, wu ma ningnyi re'eshe i girba wu cheu wa sa. 15 Mo pawun kunam i nzor baa wu ba a binawun a wo doo ngi-chele lo'oh i wun sa, ke a chele li nan i wun. 16 Wu Tarwun, i wu so'ongi wun, i wu mu'uruh wun, i wu mwan wun a wo war wun pa waa baa rengchewe, a wo wol wu gamuring wun. 17 Wu zam wu bapina a wo bene wun cheu lu'ulam. 18 Wu woo, ngong murwun mo,ona ko doo paa biwa, ke i paa param sa. 19 Ku nda kurchimwun wa kum chimwun. 20 Wu na suna wu ba lua-bura a naa kar ngyha Urushalima, wu she'ele ne, gir biwa tah pwer ku muri. 21 Wu baa a ku Yahudiya a bang mashen mur gbo'o taah, wu baa a ku chiri ram, a pur mashen nsah ne, a mi yer ne wu baa a yo ram maginai boro sa. 22 Juk missa li-lulu i mani, ne, wu girba a wu ngwa'ala ku rutsu. 23 Koo ning girma chiri ku mbau baa ai bum, i wu baa ai wu munamun ba ashi mur nuh suha missai bili! Lulu ko kwa ku mur ram, i li-chimu ku mur bee wu bapina. 24 Aa ho ko'oro ya so'o su'ula i mbeu-riji, a wo kau ya ma korom mashen ram maginai, wu ba yo ram maginai a wo ta'aha Urushalima paa biwa i ngba'aya, ne juk missa nze'eh Al'ummai rutsu. 25 Ku chiri missah, i zu-ngyha, i wu lewer, a wo sun nya'a gir ku mur ram; Wu bapina a mur suhu chimya, a mur ning i nzi'iri, a mur woo kur-salah ma mwarai, ma mwarai, i burah mu'uru. 26 Wu bapina amur kasa wooho i nzi'iri cheu gir ba a mur kwaaha ku mur tah ramuan (duniya). Ngyharngyha ma kalang ko nziri mban. 27 A wo sun mun bapina wuna ku chiri kuko, i ngyhar-ngyha, i muarah daraja. 28 Wu gir mani a naa yo, wu la'ahu chele, toh murwun yiwa, ne juk ra'atsa buhun tah pwer." 29 Yeso ka wo'oh wa misali magina, ne "Wu shi sunngun-fo, i wu gamuring nguni. 30 A na ka ta puk-ya, wo sun, i ka'a muro she'ele ne mbo'oh ta pwer. 31 I naa, muro she'ele ne mbo'oh ta pwer. 32 Ma ngichewe, mu mur cheu wun, bee nze'eh mani ko doo mbo'olo sa shee wu gir mani a naa yo mbualama. 33 Kalang i nsah a wo mbo'olo, wu nyaa lo'oh yam a wo doo mbo'olasa. 34 Wu ningnyi sun ka'amur wun, ne wu ma ma'a chim wun ku mbana le'ehe-leehe i wu mo'oho- no'oho. baa ko ma'awun paa bwa'ah, i wu gir baa chimu njila; ne juhi bili saa pur weleng bene bapina kwa na ku tamah. 35 Ko yo ku mur ko yan baa nai chimi-ku mur nsah mani. 36 Wu ningnyi ta'arah juk i juk, wu mur nere Baku ne wu ning i ngyhar-ngyha baa wo ghi ta'a puru wa gir ba a wo yo' ne wu ghi chele ku dum mun bapina. 37 Juhi i juhi Yeso ii ningnyi nsa-nsah ku ka'ana nere Baku, i kur-wa ii la'ahu shene sa no ngo pur ngurung ku mur gboo taah baa ai chuuli ne Zaitun. 38 Wu bapina bwang a shene i poljujuhu nda woo loi ku ka'ana nere Baku.