1 Wu yo juk missai mo'on, Yeso wo mur nsa-nsah wa bapina ku ka'ana nere Bahu, i mur paa waazi ku mur bishara, wu njeh ma nsa-nsah i wu baa ngoolo-ngoolo yo bor wo bii i wu njeh mau bapina. 2 A lo'oh, cheu yi ne, "cheu su, i nzor (Iko) mahe baa wu mur paa wu girmani? ke yan yi panau bee nzor? 3 Ka yere cheu wa ne " Mi ma mo shi mwe wun. Wu chi wam; 4 Bee baptisma ma Yohanna, wo yo kalang, ke wo yo mbau bapina? 5 A ning ku nda re'egeh i yirya ne, suna ne, "I yo kalang," ko cheu ne, i lan wu doo paa ngi chwewe i yi sa?" 6 Suna ne, "I yo mbau bapina," wu bapina a wo bu'uhu su i ta'ah, a pa'ana ngi-chewe, i chimya mo'on ne, Yohanna wo yi baa sun-dwa." 7 A yer ne, a doo shi'ila mbang baa yuanai yi wo sa. 8 Yeso ka cheu wa ne, "Mi mo doo cheu wunu ne, i nzor ma-yan ngyha mur paa girmani." 9 Ka cheu wa bapina misali ne, "Mbura magina ka bel anab ku swayi. Ka nzinyi swa anab, shen-shene mashen ram maginai ka sa ning wo gbang. 10 Juk missa chu bee anab kaa ji, ka chum korom yi mashen mbau baa komo ma ne, a pi chigee i yo girba a kuma wo swai. Wu wah a bol bee korom mbura ma nghya'ahi to, chi'i piri i baa buhi gbira. 11 Ka mbassa chum mo'on korom yi mashen mbaya, a mbassa nghya'ahi, mii ning gir nzo'on ku dum wu bapina. Yi ma bunuyere i mbaa buhi gbirah. 12 Ka mbassa chum ma tarung, yi ma a nghya'ahi toli buh pura i wu penye ku yiri. 13 Bee baa swa cheu ne, "man baa mu paa? Mo shi chum munam baa njilai. A na sunai a wo pi Girma cheu ne yi munam." 14 Wu wa ma suni, a ningnyi re nye ku chiri ya ne, "Mun mani yi mun baa swa; su woli, ne bee swa ning ma mbassu." 15 A toli pur yo wo swa sa woli. Man baa yi bah swa ko paa wa? 16 Bee baa swa ko yo gbolya buwan-ya, ka'a to bee swa pawah magina." A woo naa a cheu ne, "Baku ma'a ne i doo ning naa sa." 17 Yeso sun ya, ka cheu ne, man yi bili baa a ngwa'ala ne, " Taah ba wu baa ba'a-lah a binai yini ko ning ku kang ka'ana," 18 Bwara ba na kwa,ana wo bee mur taah ko buguh ning mban mo'ona bee taah na kwaana ku mur bwara ko ya'ari bissa-bissa." 19 Wu bee baa nghyo'olo-nghyo'olo i wu njeh ma nsa-nsah a pee shere ne a ma'a buya hu muri missa bili, cheu ba a she'ele ne misali baa luana i ku murya. A wo bang nzi'iri wu bapina. 20 A ningnyi tahmi, a chur wu muna waruh (spies) baa a lere ning bene wu baa paa ngichewe, ne, ke a kum lo'oh gima ma biwai ba ku pur yo kuni, ana kuma a wari sa baa reng chewe. A mwe Yeso ne, "We ba nsa-nsah, su shi'ila ne wei chewe i nsa-nsah kahkah; " Bapina ko doo ma ne, wo paa gir baa chimo do yirei yisa, weo nsa gir baa chimo do yirei yisa, wei nsa gir ma ngi chewe ku mur shere Baku. 22 I bwangha ne su tal nghya'abol nza yi kaisar, ke wii?" 23 Yeso sheele ku chimi gir biwa ya ka cheu wa ne, wu njila mahm sunu? 24 "Wu rumam i nghya'abolo. Lilim yan, i lu'ulu yan, wo muri?" anee kaisar. 25 Ka cheu wa ne, " Wu pi kaisar girba ningngyha ma kaisar, ma Baku, wu pa girba ningngyha ma Baku, wu pa girba ningngyha ma Baku." 26 A doo kum looh biwa baa pur yo kuni wo dum wu bapina sa, a fa'aha kun ya, a doo ghi mbassa lo'oh sa. 27 Wu magina yoo sadukiyawa yo ba Yeso, wu baa a do pana ngichewe i la'ahu iyo wuh sa." 28 A mwe Yeso ne, "We baa nsa-nsah, Musa nghyo'ola su ne, "Mba bura na wuhnah, anaa doo kuma mbamun i mani sa, naa ne, i bil bamun maa yi moh-so'ongi. 29 Wu bapina tangnsa-baring, yaa soongi yirya. Mo'on war bamam, ka wuh doo kum bamun sa; 30 Ma baring kpahnaa. 31 Ma tarung war bee mam-moh, yi ma ka wuh; bwang ya tangnsa-baring ma wo'oho, a doo kum munbamun ma'a yi magina-ya sa. 32 Bee mam mahmoh, yi ma yo wuh kpayii. 33 Ku juk missa la'ahu i yo wuh, ko ning mam mahe ku chiri ya? "Wu muna mbura tangnsa-baring maa a warei ma mam." 34 Yeso ka cheu wa'a ne, wu bapina ma ramuan (duniya) ai reme, ai war-ya pa ma reme bwa. Wu baa a twala ne a njina ba a wo sa nji bee baa a ls'shu i yo wuh, wo doo reme, ke a pa buya ma reme sa. 36 Ya a wo doo bassa wuh sa, a ningngyha bene malaiku, yaa wasa wu muna Baku, wu muna la'ahu i yo wuh. 37 Cheu wuh i la'ahu, Musa chiwa girba wu sun ku to'oh, ne wu ba a wa'aha a wo la'ahu; baa ka chu'ulu yi Baanjeh (Lord) ne Baku ma Ibrahim, i Baku ma Ishaku, i Baku ma Yakubu. 38 Mani i doo ningngyha Baku mau baa wuh sa, yi mau baa ai chimya, ku bii bwanya ai chimya." 39 Wu gamuring ba nghyo'olo-nghyo'ol a yere, a cheu ne, "Baa nsa-nsah, a chiwa kahkah." 40 A doi ngyhar-ngyha chimya baa a bassa mwi chewe maginai sa. 41 Yeso cheu wa ne, " I pa'alan a cheu ne kristi yi mun Dauda? 42 Yi Dauda i ka'amuri chiwa ku zabura ne, Yi ba,anjeh (Lord) cheu yi baanejh yam (my Lord),Ning ku mba buham ma lih. 43 . Mo maa wu baa a bina we gir chi'ili gbo'oh. Wo ning naa yi baa Dauda chu'ulu Kristi ne "Baanjeh," na naa i lan ka ning mun Dauda." 45 Wu bapina bwan a wu ho wooh, ka cheu wa wu muna yeele-yeelei. 46 Wu ning i miswun fahna i wu ba nghyo'olo- nghyo'olo ai njel kikang i wu gul-twan, ai njel za'arah ma shimai ku mban kurkuru, ai njel ning ku muara mban ningngyha wu njel, ku ka'ana nere Baku, i wu mbana baa a mur nuh, i wu leehe-lehe billa. Ai sa kawa li ku lahw ma'amoh, yi baa ai ning gbong ku nere Baku, ne a sun bene yana ya. A wo reng wa chewe ma ghanai."