1 Yeso boro ka mur mbo'olo ku chiri Jericho. 2 Mbura magani wo lu'uli Zakka; Baajeh ma ya'a nya'a bol-nsah, yi baa lili bwa. 3 I wu mur ngyhar-ngyha yiri ne sun ne, yan yi Yeso, ka doo kum shere ma suni sa cheu wu zam; guli wo tama shiwa bwa. 4 Ka bangyha mashen dwa sa yeu guni ta'ara ne ke i suni, Yeso ko bo'olo wo shere mbanai. Yeso yo chele wo ta'a guni maa ka sun mban yiwa ka cheu yi ne, "Zakka, su'ulu-suala chichi, lina mani mo su'ulu ning ku leu." 6 Ka'a ka'ara su'ulu-sula, ka yii i bwon-chimi. 7 Wu bapina sun girmani, a bor nda pa'a gunaguni ne, "I shen nda bor lah bapina baa paa girbiwa. 8 Zakka la'ahu yiwa cheu yi Yeso ne, "Sunu, baajeh, lili yam mo yere pur baring, mo paa gigeng wa baa buya gulu-shiwa. Naa ra'atsa hima ku baa bwara mo bubu yere pi gba'a yinung ku mur bee bah wu ra'atsa ku bii. 9 Yeso cheu yi ne," Lina mani ra'atsa buhu yua lehw cheu ne, we a ningngyha mun Ibrahim. 10 Mun bapina yana nda pe'eh i ra'atsa wu bapina baa a bor sa." 11 A woo gir mani, ka mbassa cheu wa misali gba'ai, a wo tah pwer i Urushalima, a ningnyi nda re'eshe ku chim ya ne, yo Baku taa pwer 12 Ka cheu ne, i wu ning naa, Mbura mo'onba i yo lah rengchewe shen ram gba'ai pim-pim nda ra'atsa Gom ma ram ya kaa ku bunuyere. 13 Chu'ulu wu lum ku yoo chiri wu korm yi, kaa pahwa mban chihii lum. "Cheu waa ne, wu paa chumu i nya'a bolo mani, mashen juk missa baa mo bunuyere. 14 Wu bapina ma ram yi doo njilei sa, aa chum wu magana war chi'i, ne, su doo yira ne mbura mani ning baanjeh ku mursu sa. 15 Yo nji juk baa bunuyere, i wo rege ra'atsa bee ram, ka'a ma'a ne a sa chu'ulu wu korom yi baa pahnah wa nghya'abolo ne, i she'ele ke ana kuma ta'ari ku mur nghya'abolo ba nzingha wa. 16 Ma mo'on yo chele wo dwi, cheu ne, "Banjeh, mban chihii mo'on ba a pana yam yo kuhma ta'ari mban chihii lum ku muri; 17 Ka naara gau bee korom yi, ka cheu yi ne, " we fahm ma shimai; A njina ma a yer i weh ku gir ma chigee ning baajeh ku mur ram lum. 18 Ma baring yo, cheu ne, " Baa njeh mban chihi mo'on ba a panayam, yo kuhma ta,ari mban chihii tongnung ku muri." 19 Mbura ba reng chewe ma cheu yi ne, "Ning baajeh ku mur ram tongnung." 20 Mo'on ya yo cheu ne, "Baajeh, gaa bee mba chihii mo'on baa a wo pana yam, wu swarmai vyeng-vyeng. 21 Wu mur bang nzi'iri wo, cheu chimo i bene bissa. Wei sa yum girba a doo billa sa. 22 Ka cheu yi, "Ku yo lo'oh ma kuno, mo reng wo chewe, we korom ma biwai. A shi'ila ne chimam bene bissa, myi to gir baa doo chilha sa. Myi yum gir ba doo bils sa. 23 I lam kaa a doo shuana bee nghya'abolo yam ku lah chik nghya'abolo ne, na bunuyere yuama, mu kum ta'ari ku muri sa." 24 Ka cheu wa baa a chilla wo pwer ne, wu yaa bee mban chihii mo'on ma ku yo bii, pa yi baa ii mban chihii lum ma," 26 Mu mur cheu munu, baa na njila paa chumu, a wo pi bwana, baa kolong ba ii yi a wo bunuyere yaa yo bii. 27 Wu baa a doo njila mi sa, baa adoo njila ne mu ning baajeh ku murya sa, wu war ya wunu dummam ne a gbolya." 28 Kaa mal cheu giemani, la'ahu shen mashen dwa, mashen Urushalima. 29 I wu ta pwer mashen Baitfaji i baitani ku mbana murta'ah ba aluanai ne Zaitun, ka chum wu muna ye'ele-yeelei baring, 30 Ka cheu ne, "wu bor mashen chiri ram, wuna bwarama, wo sun mun burshi ba a doo yiwai sa. Wu sai waram wuna. 31 Bwara na munawun ne, "I lan wa mur sori? wu cheu ne "Baanjeh yi ne i njilai." 32 Wu baa a wu chuma ya a shene sa kum bee mun burshi bene ba Yeso wo cheu wa. 33 A wo mur sor bee mun burshi, wu buaya a cheu waa ne, " I lan waa mur mbazah bee mun burshi?" 34 A cheu ne, "Baanjeh yi ne i njilai." 35 A wara yo pi Yeso, a kau wu gu'ulu twan ma yirya gam ku mur munburshi ma, ato Yeso chi wo muri. 36 Ka la'ahu i mur shene, aa wu'uwu twan ya soo ku mur ngi-shere. 37 Wo ta pwer i mbana baa taah ma Zaitun pura yo wo, zam wu muna yeele yeelei bor ku pur-vwing, i li lem yi Baku, i muarah nzingya, cheu muarah chum gir shima baa Yeso paana, ku ta'a mis ya. 38 Aa cheu ne, "Gir shima mashen baa Gom ba yuana ku chiri lu'ulu Baa njeh! "Ning-shima ku kalang, i paraja ku yiwai. 39 Wu gamuring Farisawa baa a wo chiri wu zam cheu yi ne, "B nsa-nsah sung bunmur wu muna yeele-yeele wo." 40 Yeso ka yer wa ne, "Mu cheu wun, wu muna wani a naa ning-ngyha kiring wu tah a wo la'ahu li lem." 41 Yeso i mur ta pwer i bee Urushalima ka yis kuni nzolo, ku muri. 42 Ka cheu ne, waashi'ila ne, ku juk misasai mani, girba ko war ningngyha shima yo wun i yi, swarmai i yo nya'a miswun. 43 Missai wuna mur wun, wu baa, a doo yirai i wun sa, a wo baah mwara ko'oka'ana karngyha wun, ma'a ku chiri kusu wun bwang. 44 A wo ngyha wun so's su'ula i wu munamun ku ko'ol lahwun. A wo doo nginyi taah ku mur maginai sa, cheu baa wu doo ri'insa i jik missa yo Baku ma yo mbawun sa." 45 Yeso bor ka'ana nere Baku, kaa pir wu baa kur i kuru pur i ya mashen nsa. 46 I mur cheu wa ne, " A ngwa'ala ne, "Lahm ko ning lah ma nere- nere;" wu pirwi ma'ai ning ngyha mbam sor mo wu baa shiwi." 47 Yeso ning nda nsa-nsah juk i juk woka'ana nere Baku. Bee baanjeh mau baa nsa-nsah, wu baa ngo'olo ngo'olo, i wu njeh mau bapina njel ne a wahi, 48 A doo kum shere ma woli sa, wu bapina bwan a wu pa'ana bumurya a mur woo girba wo mur nsa waa.