1 Yeso ka cheu wa muna yeele-yeelei misali baa ko nsa wa ne a nere Baku gbeng-gbeng a mi wos gana sa. 2 Ka ne, ku ram magina, a wo kum baa reng-chewe ba ii doo bang nzi'iri Baku sa, ii doo sun-chiri wu bapina sa. 3 Mam mahmoh wo ho bee chiri ram; kai shen mba baa reng-chewe neri ne, i rengchewe waa baa a mur mah kuni. 4 Ning gbang, i mur bene; kaa ningnyi re'eshe ku chimi ne,"mii doo bang nzi'iri Baku sa ke mu sun-chiri wu bapina; 5 Cheu mam-moh mani, i mur mah kunam moshi reng yi chewe ne, chimam so'o polo. 6 Baanjeh ka cheu ne, "Wushi woo baa reng chewe ma biwa mani luama. 7 Baku ii doo bunuyere paa girbiwa wa muni baa i rege ra'atsa buya sa, wu baa ana mur war nzo'olo yo bii i missa, i juhu? ko ningnyi nda bene ya? 8 Mu mur cheu wun, ko sun ne, a renyaa wa chewe ya mwas-mwas, I wu gir mani, mun-bapina na bunuyere yuana, ko yo kum wu ba'a ngichwewa ha nsa'ah?" 9 Ka mbassa paa wa misali ku mur wu baa ai yer i ka'amurya ne ya wu baa paa girshima; ai sun gamuring wu bapina bebe wu ka'a gbujuk. 10 Wu bapina baring shen mashen ka'ana nere Baku nda nere; mo'on ku chiri ya mbura farisawa, mo'on yi baa yaa nghya'abolo-nsah. 11 Yi mbura Farisawa la'ahu chele, i mur nere ma ka'amuri ne, a Baku mu mur so'onsa poo ne mi doo bene gamuring wu bapina sa; wu baa nshiwi, wu baa paa girbiwa, i wu baa pongo wu maa bapina, ke bene baa yaa nghya'abol-nsah mani. 12 Mi bol kunam juk baring, ku juk missa tang nsa baring, mii paa mo'on ku chiri lum i gir baa na kuma." 13 Mbura baa yaa nghya'abol-nsah, chele mi pim doo sun mban mashen kalang sa, kaa ngyha kuii cheu ne, " A Baku, sunchiri yam, mi baa paa girbiwa. 14 Mu mur cheu wun ne, Mbura mani ka shen mashen li i cheu ngi chewe ku dum Baku. "Mbura baa na twala ka'amuri yiwa a wo su'ulu su'ula i yi, baa na su'ula i ka'amuri a wo toli yiwa." 15 Wu bapina a wo mur war wu munamun yo baa Yeso ne i ma'a buhi ku murya. Wu muna ye'ele- ye'elei sun girmani, she'eh-chewe waa bapina. 16 Yeso ka chu'ulu bee wu munamun mashen bii, cheu ne, " Wu nzinyi wu munamun ne a yo mbam, wu ma pirya sa, bee lah ma kalang kalang ma Baku wassa ma mbaya. 17 Mu mur cheu wunu ngichewe, bwara ba na ho doo yaa lah ma kalang ma Baku bene bamun ma nyeen sa, ko doo kum shere bor lah ma kalang sa." 18 Mbura magina ba reng chewe ka mwe ne, "Baa nsa-nsah ma shimai, man ba mo pa'a ne mu kum chimu ma wueng?" 19 Man i paana a chu'ula mi ne, ma shimai." Yeso ka yerei ne, "Ba bwara baa i shimai shee yi Baku loi. 20 Wu shi'ila bee pir-ham (Dokoki) ma Baku. "A mi po ngo mam bwara sa, a mi wol bwara sa, a mi paa nshiwi ka'ala bwara sa, ka girmama wu Taro i ngooh." 21 Wu gir bili bwang-ya, mii doo paa ya sa, baa wushi musono yam. 22 Yeso woo gir mani ka chewe ne, a doo shi kuma gir mo'on sa, sa kur i gir ba wei yi bwang a sa pawa wu baa-buya shiwa wo kum lili ku kalang. ka a yo war ta'am," 23 Ka wo lo'oh mani, chimi suhu biwa-biwa, cheu baa yi bapina ba lili gbee. 24 Yeso ka tami dong ka cheu ne, ko ning i lulu ne baa lili ku bor lah ma kalang ma Baku. 25 Ko ning bene mu'uru puala, baa burshi ku bor nyaa mis alura nda baa lili ku bor lah ma kalang ma Baku. 26 Wu baa wo lo'oh mani a mwe ne, "Yan baa ko ghi tahgana?" 27 Yeso bunuyere yer wa ne, "Gir ba wu bapina a na doo ghi paa sa, yi Baku ko ghi pii," 28 Bitrus ka cheu yi ne, "Su nzingha gir ba suiyi bwang nda war che'eu!" 29 Mu mur cheu wung ngichewe, "Yeso ka cheu wa ne, bwara baa na nzingha li ke mami, ke wu so'onghi, ke wu Tari, ke wu muni cheu lah ma kalang ma Baku. Ko doo kum gba'a-gbee ha nze'eh mani sa, ko kumu yoo nzeeh ba'a wuna, chimu ma wueng." 31 Yeso ka war wu lum kuni baring maa mashen kahnyi ka wa ne, su shen mashen Urushalima, wu gir ba wu baa sun-dwa a ngwa'ala ku mur mun-bapina ko sa ning naa (rutsu). 32 A woo wari pi wa gentles, Al'ummai A woo ningnyi nda woli a wo lo'oh-lo'oh biwa ku muri, a wo ta'aha chitar ku yiri, a wo nghya'ahi i gbang, a wo woli. 33 Ku juk missa ma nongo tarung ko bunuyere la'ahu." 34 Wu muna yeele-yeelei a doo she'ele gima ku chiri bee gir sa. she'ele lo'oh bili wu ningngha wa ku swarmai, A doo she'ele girba i wa mur lo'oh ku muri wara. 35 Yeso wo tah pwer ma i bor chiri Jericho, baa tahwah wu ningngha ho kang ngishere i mur nere. 36 Ka woo kuru ngbaa wu zam a mur po'olo, ka mwe ne, man i mur paa," 37 A cheu yi ne, "Yeso Banazarat i mur po'olo ha pwer." 38 Ka fah kuni chu'ulu ne, "Yeso, mun Dauda, sun-chiri yahm. 39 Wu baa a ku dwa a sheeh chewe ne i kusu kuni ning kiring. ka fah kuni chuuli ma gahna, Yeso mu Dauda sun chiri yahm." 40 Yeso chele ka ma'a ne a war bee baa tahwah yo pi. Baa tahwah yua pwer, Yeso ka mwi ne; 41 Man ba a njila ne mu pa'au?" "Bajeh, njila sun mba," ka bunu yerei. 42 Yeso ka cheu yi ne, ya'a nya'a miso ngichewe-muni kum mishi, ka la'ahu war ta'a Yeso i mur ma'alem yi Baku. Wu bapina a suni, a bor ku ma'alem i soonsa pi Baku.