NGI 17

1 Yeso cheu wa muna yeele-yeelei ne, " Gir baa ii ma wu bapina ai paa girbiwa a ham bwana, a ho yoo. Gir ma chiri ku mba bwara baa a ho yo ku yoo bii. 2 Bongho gahna ne, buhi ku lim tsala" baa i maa mo'on ku chiri wu munamun mani ne i paa gir biwa. 3 Wu ningny sun ka'amurwun, " so'ongo na pa'ana gir biwa, sa cheu muri; na wassa nkuii ma paa, a wari mayo mba'alo.(zusu so'o yi to'o) 4 Na pa'ana wo girbiwa gba'a tangnsa baring ku missa mo'on, ka bunuyer yuana bwo gba'a tangnsa baring ne, " wassa nkuam ma pau girbiwa," nzu'usu so'oyi too. 5 Wu manzani a cheu yi baa njeh ne, "ma'a ne ngi chewe su bwan." 6 Ka yer wa ne, "A nai ngi chewe baa i chigee bene nyaa lutsu, wo ngi cheu yi muara nguni ne, la'ahu wukka'amuro nsa bele ku muara tsala, ko woo kuno. 7 Mahe ku chiri wun baa nai korom yi, ba i mur komo, i mur ning-lele wu nzur, ko cheu yi bee korom yi ba yuai yo swa ne, "Yoo ning su'ula li billa. 8 Ke ko cheu yi ne, " Lamam billa ba mo li; girshi yiro chele nsunam ne mishili billa, i nuh mu'uru, ka a ninghyi li ma bwo i sum. 9 Ke ko so'sonsa pi yi korom yi ne, i pa'ana girba a chiwei ne paa sa? 10 Wun kpaya wun, wuna paa bwang girba a ma'an wun ne wu paa, wu cheu ne,"Su doo njina ningnwu korom sa, su pa'ana girba ningngha chumu su." 11 Wo ku ngishere mashen Urushalima, kaa gahna mashen chiri Samariya i Galili. 12 I borai ku mu-ram magina, wu bapina lum, baa ye'ere mangam, aa pari. A chele pim. 13 A chu'ulu i mor nzing-ya ne,"Yeso, Baajeh, sun-chiri su!" 14 Kaa sunya, ka cheu ne, "wu shene sa rum ka'amur wun ku mba baa sun-dwa." A shene, yirya bunuyere ning bene ma -kirei (Mangam ma paa param). 15 Mo'on ku chiri ya, ka sun maa a zus ye'ere mangam yi so'ato, ka bunuyeri, ning ku nda so'on nsa pi Baku yi muara nzinyi. 17 Yeso ka mwe ne, mine a wo lum baa zus bee ye'ere mangam suana too i yi? wu gamuring tang shing a yaa be? 18 A doo kuma bapina mo'on ku chiriya baa bunuyira yo suana nsa yi Baku sa, shee ba mbiri mani?" 19 K a cheu yi ne, "la'ahu shene, ngichewe wu ra'atsa we. 20 Wu Farisawa a mwi, juk missa baa lah ma kalang ma Baku ko yo, Yeso doo yo bene baa wu mur taa'ra Baku ko doo yo bene baa wu mur ta'ara sa. 21 Ke, wu bapina a wo cheu ne, " I nini, ke i nono, bee lah ma kalang ma Baku i ho ku yirwun." 22 Ka cheu wa muna yeele-yeelei ne, "Juhi wuna baa wo njel ne wu sun juk missai mo'on ma mun-bapina, a ma wo doo ghi sunu sa. 23 Wu bapina a wo cheu wun ne, "Wu suni nono," ke wu suni nini." Wu ma ba nya war ta'aya wara. 23 24 Bene baa nzemeh ii li ku kalang ka bung-bang ku ghi-ngeng kalang, Inna mun-bapina ko ning bene bili ku missai. 25 Ko shi li lulu dwa, ku mur gir bwara, wu nzeeh mani a wo beni. 26 Bene baa wu ning ku nzeeh mau Nuhu, ko ning naa ku nze'eh ma mun-bapina. 27 Wu bapina a wo mur li, a mur nuh, a wo mur war wu mam, a mur war wu ma'am pa ma reme mashen juk baa Nuhu bor bum Jirgi. Mu'uru ka yawa kusu mban suhu ya bwang. 28 I wu ning naa ku nze'eh mau lutu; wu bapina a wu mur li, i nuh, a mur kuhruh bunuyer kur i yi, a mur be'ele nghya'a billa, a mur ba'ah wu lah. 29 Juk baa lutu nzinyi sodom, kal-bissa i mwarang yo kalang suhu ya bwang. 30 Ko ning naa ku juk missai baa mun-bapina ko puru. 31 A juk missa bili bwara ba na mur ka'an i wu ka'alai wo bum li' i doo su'ulu ne i yo kau bee ka'alai wara. Ba na ku swa i doo bunuyere mashen lah nda toh gima wara. 32 Wu re'eshe i mam Lutu! Ba naa ningngha ne, i ra'ahsa chimi ko doo kum bee chimi wara. Ba na pa'ana chimi ko kuni. 34 Mu mur cheu wun, ku juhi bili i juhu, wu bapina baring a wo nong ku mban nongo, a wo to mo'on ya nzinyi mo'on ya. 35 Wu ma'am baring a wo ning ku ngooh misah bwa'aya, a wo toh mo'on ku chiri ya, a wo nzinyi mo'on. 36 Wu bapina baring a ku swa, a wo toh mo'on ya, anzinyi mo'on. 37 "Kuhe, Baanjeh," a mwi. "Ka yer wa ne, mbang baa loh ngham na ho, wo sun wu nyil-chiwi kahma murya ho mbanai.