NGI 14

1 Juhi magina, ka sa lah mo'on baanjeh mau Farisawa juk missa nere Baku nda li bila, aa ningnyi soo nya'a mishya ku muri. 2 Mbura magina chila wo dui, ba'a ko'ongo mor yiru. 3 Yeso ka mwe wu farisawa, i wu baa she'eleh Attaura ne, i bwa ngnyha ne a pirham i tol ko'ongo yiru soota juk missa nere Baku, ke a mi pirham sa?" 4 A ning kpache che. Yeso toliyiwa, ka zus ko'ongo yi sooto, ka cheu yi ne, i kwam-sheree. 5 Yeso ka cheu wa ne, "Yan ku chiriwun baa muni ke npili yi nakwana ku puhu juk missa nere Baku, ko doo bor bee puhu nsa toli sa?" 6 A doo ghi fa kunya cheu ne gi mah sa. 7 Yeso paa misali i wu bapina baa a la'ana ya, ka ningnyi sun ya a sa ning gir ku mban ningnyha mau njeh. 8 A na la'ana we mashen juk missa chik mam piwi, a mi sa ning ku mbana ba agirsa wa njeh sa, bwara baa gana we, ko ghi yoo. 9 Bee bah la'ana-wun bwang wun na yuama, ko cheu wo ne " La'ahu pah mban-ningngyha yi sono mane," wo la'ahu shen mban-ningngyha mau muna mun i nzo'on. 10 A na la'ana we,sa ning ku mban ningngyha wu munamun, bee bah la'ana we, sa ning ku mban ninggyha wu munamun, bee bah la'ana we na yuama. Ko cheu wone, "Mwanam la'ahu sa ning ku mban ning ngyha wu njeh." wo mbanai, wo ning mwarah bapina ku dum wu zam. 11 Ba na twala ka'amuri yiwa a wo wari yo su'ula, ba na ma'ana muri su'ula a yo su'ula, ba na ma'ana muri su'ula a wo toli yiwa. 12 Yeso ka cheu yi ba la'anai ne, A na maachu'ula wu bapina cheu buki, a mi chu'ulu wu mohno, ke wu soongo, ke wu mu'uro, ke wu baa lilih sa, ya ma awo ghi bunuyere ma'achu'ulo, ningngyha bene a bunuyira tala we. 13 Ana maa-chu'ulu wu bapina nda buki ku, leu, chu'ulu wu ba gul- buyah shiwa, i wu ba'a ngba'aya mbu'ungha, i wu baa nzo'o so yiru, i wu baa tahwah. 14 We maa wo kum gir ma shimai, cheu bah a wo doo ghi bunuyere tahlo sa. A wo tah lo ku missa juk yo Baku. 15 Mo'on ya baa wo ningnyha ku mban li billa i Yeso, wooh gir mani, ka cheu ne," gir shima ku mbaa baa ko li fo'ofo kulah ma kalang i Baku." 16 Yeso ka lah cheu yi ne, mbura magina lam-billa ka maachu'ulu wu bapina bwana. 17 A lam billa bwana a girshi mban, ka chum wu korom yi mashen baa wu bapina ba wu maachu'ula ya ne," Wuyo, a rege girsa mban. 18 A bene yir ya bwan ya, kun ya ning mo'ona a war nyaa lo'oh yo iyi. Ma mo'on ne kwahrah swa piwi, mo shi shene sa sunu. Nira we nzhinyam ne mu shene. 19 Ma baring nee, kurah wu nda'ah baring, baring ngba'a tong nung (lum), njila sa mah ya sunu. nira we nzhi nyam ne mu shene. 20 Ma tarung nee, " shi warah mam piwi, na ningngha naa mo doo ghi shene sa." 21 Be korom bunuyere sa cheu yi Ba'anjeh ma lih gir mani, chim bee Baanjeh ma lah suhu, ka cheu yi korom yi ne, "shen chiri ram, i wu ngishere, sa war wu baa gul-buyah shiwa, i wu baa ngba,aya biwa, i wu baa nzoo so yiru, i wu baa tahwah." 22 Yi korom ka cheu ne, "Baanjeh, girba a ma'ami ne mu paa rege paama ngu, mban shi yirai ham. 23 Bee baanjeh ma lah cheu yi korom yi ne, " shen mashen nsa ku chiri muara ngi-shere, i wu ko'ori, maah wu bapina ma khiri ne a yo ne lam rutsu. 24 Mu mur cheu wunu, wu baa a wu ma'achu'ula ya, mo'on ya ko doo kum billa yam lih sa." 25 Zam wu bapina a mur war chii, ka pirwi cheu wa ne. 26 Baa na yuana mbam, na doo bina wu Tahri, Ngi, mahmi wuni wun soongi, wu nsa'angi, ke njim muri sa, ko doo ning wun yeele yeele yam sa. 27 Ba na doo twala ngun-geere mi warah ta'am iyi sa, ko doo ning mun ye'ele-ye'ele yam sa. 28 Mahe ku chiri wun baa njila ba'ah lah kalang, ko doo shi ning su'ula balla sunu, ke ii bee nya'abolo ba ko ghi ba'ah bee lah kalang mala? 29 Ke na chiha ta'ah ka'ana, ka doo ghi baah bee keena malsa, wu baa a na bo'olo suna a wo ning ku nda woli. 30 Ne, mbura mani chiha ta'ah ka'ana, doo ghina ba'ah malla sa." 31 Gom baa na shen nda luah mbuhra i wu ram maginai, ko doo ning su'ula re'eshe i mwe-mwe ku mbau baa nzor ne wu bapinai lum ngba'a lum, ngba'a lum ngba'a lum, ngba'a lum gba'a lum(10'000) a wo ghi luah mbuhra i wu bapina baa a lum ngba'a lum ngba'a lum ngba'a lum baring (20'000)? 32 A na wo doo ghi sa, ko ghichum wu muna wahruh ne a sa par Gom ma ne a looh cheu ningngyha shima ma'a wu baa luah mburah ya a shi pim-pim. 33 Na ningngyha naa, ku chiri wun baa na wo doo ghi nzinyi girba ii yi sa, ko doo ghi ning mun seele-yeele yam sa. 34 muha bwangha, bee luhroh muha na paa param, ko mbassa ning muha kpah? 35 Chumui mala, ko doo paa chumu ku nsah, ke i ning bene chiwi nda'ah, ke ma pili sa. A wo sooto i yi. Baanai mbumuri ma woo looh i wo'o."