NGI 13

1 Ku missa wu bapina a wu ho a lo'oh yi yeso ku mur wu Galilawa baa Bilatus binnah shilla-ya, i ma mbaya, ku mbina so'oh shilla. 2 Yeso ka yer wa ne, wu suna k njimwun bene bee wu Gali lawa mani ya baa paa girbiwai ma biwai gahna wu gamuring Galilawa, cheu ba a laa lulu ku shere mani? 3 Mu mur cheu wun ne, wi, wu na doo nzingha paa girbiwa wun sa, wo kikang wah ma wueng. 4 Ke wu mur sun bene wu bapina lum kuni tang nsa baa gul-lah kalang ma siloam kwaa gbol-yah, wu mur sun bene a paa girbiwa gahna wu baa a ha ku Urushalima? 5 Mu mur cheu wun ne, Wi, wu naa doo nzingyha paa girbiwa wun nsa, wo kikang wa ma weng. 6 Ka cheu wa misali ne, Mbura mo'on ma'a a bel ngun bil-nzue ku swa yi, juhi mo'on ka shen nda pee bil-nzue doo kum bili wara. 7 Ka cheu yi baa ii ningnyi sun bee swa ne, mbaah tarung i mani mu mur yo nda pee bee bil nzue, mi doo kum bili wara kori buk too, kumu lila mban. 8 Ba ningnyi sun bee swa ka cheu ne, Ba'anjeh, nzinyi nguni mani ma mbaah mo'on kpaa, moshi kor chi karnya, soo yi chiwi pili ke chiwi nda'ah. 9 Naa bila wu muni mbaah ba wuna ko bwon; na doo bila wu muni sa, a koro sooto i yi. 10 Jukmissa ning ku lah, Yeso wu mur nsa-nsah ku ka'ana nere Baku magina; 11 Mba mam magina wu ho, baa wu gung bwara yiri, a mur mah-kunin ma mbaah lum kuni yaangyha, ii doo ghi la'ahu chele nera yiri sa. 12 Yeso ka suni, ka chu'uli pur pura cheu yi ne,"Mban mam, tah, bu ho i ya lulu mau yung baa ku yiro. 13 Ka maa buhi ku muri; muni-muni laahu chele nara yiri kaa lem, i so'onsa pi Baku. 14 Bee baanjeh ma ka'ana nere Baku, li chimi, cheu baa Yeso wuk ko'ongo sarima twalla juk missa ningnyi ne re Baku, ka cheu wa bapina ne, no ngo tang nsa yaa missa paa chumu. Na-ma, wu yo ku missa bilya ne a pur, i ko'ongo wun so'oto i yi, doo juk missa ningnyi nere Baku sa. 15 Yeso ka yer yi ne, kaa wu ba lere wu bapina, "ku chiri wun, yam ba i doo mbasah ndaah ke pili wahra sa kuri ko to'oh, ke, pi mu'uru juk missa nere Baku sa?" 16 Mam mani mun Ibrahim ba satan boli kura mbaah lum kuni tangnsa, yi baa wune a mi ra,atsa buhi juk missa nere Baku sa? 17 Ka lo'oh wa bene bili, nzo'on kolya biwa-biwa. Wu bapina baa a wu ho mbanai bwon-bum ya, i muara gir ma shima ba yi mur paa. 18 Yeso ka mwe ne, bee lah ma kalang ma Baku i la nai? A ho beni i mani bili?" 19 I bene nyaa lutsu ba bapina sa mbilah ku swai. Ko la'ahu gulu ning benenguni, wu nyiling a wo sa ning ku bee gbar-nguni nos. 20 Ka mbassa mwe ne man, man ba'a mo beni i lah ma kalang ma Baku? 21 I bene yeast baa mba mam to lo binai i muhu (flower) baa jina mudu yinung ka ning nyi nyawang bwang wo yir muhu ma (dough) 22 Yeso ka ning ku ndansa-nsah ku (birni i wu kauyu ka) i mur shen mashen Urushalima. 23 Mbura magina ka mwi ne, "Baanjeh, wu bapina chigee baa a wa tah-puru ku yo gir biwa ya? 24 Ka cheu wa ne, wu pee shere ba wu bor yo kun-ka'ana ma pangnai, mu mur cheu wun ne, wu bapina bwana, a ho njel ne a boro, a ho doo ghi bor sa. 25 Be baa lah na laahu kpa nya kun ka'ana, wo chele ku nsa, ningnyi nda nyah kun kaana nere ne, baanjeh fam kun ka'ana su, ko cheu wun ne, doo shil'ila wun sa, ke i mwe wun ne wu yuana yo he? 26 Ko cheu ne, su lina billa, su nuhnah i we, a nsana su ku kun shere pwer i lahsu. 27 Ko cheu wa ne, doo shi'ila wun sa, ke wu yuana i yo he, wu nzinyam kiring, wu baa girbiwa." 28 A ho ning ku nda nzolo, i lungu nyirnyi ya, a ho ne, wu na suna Ibrahim, i Ishaku, i Yakubu i wu baa sun-dwa ba a ku lah ma kalang ma Baku: wun i ka'amur wun a purai wun ma yo nsa. 29 Wu bapina a ho yo, i yoo dwam, i yo mbana nswam, iyo mbana buham ma li, i yo m,ba'a i yo mbaa buham ma musum a ho kum mban ningngha ya ku lah ma kalang ma Baku. 30 Ma ngi-chewe' a ho kum wu ba a wu ma marsai, a wo ning ku dwa, wu baa a wu ku dwa a ho bunuyere ning ma marsai. 31 Wu Farisawa yo baa Yeso a cheu yi ne, la'ahu nzinyi mbari shen mashen mbamagina, Hiridus i mur peeu ne , i wolo. 32 Yeso ka cheu wa ne, wu shene sa cheu yi ne, moshi pur i wugung, ghaa wu'uh ko'ongo wu bapina so'oto bwang, lina i liwi, ku missa ma tarung mo sa ji mbana ba njila. 33 Ningngha yahm kper ne mu la'ahu shen shene lina, i liwi, i puru, ma ngi chewe baa sun-dwa ko doo wuh ku gigeng sa, shee ku chiri Urushalima. 34 We! Urshalima, Urushalima, wuni a wala wu baa sun-dwa, a buuha wu baa a chura ya mashen bwo i ta'ah mii nghar-ngha yiram ne, mu kam mur wu muwo mban mo'ona bene, nkuh ba ii kam mur wu muni ku nsaa kikawi, wei doo yer sa. Sunu, a la'ahu nzingha wun lah ningngha bene ka'alah; mu mur cheu wun, wo doo bassa su nam sa, shee wuna chiwa ne, gir shima mashen mba ba ii yo ku chiri lulu baa njeh.