1 Wu ningh ne Yeso wu mur nere Baku ku ba magina mo'on ku chiri wu muna ye'ele chumui ka cheu yi ne, "Badjeh, sah su i nere Baku bene baa Yohanna wu sah wa muna yeele chumu yi. 2 Yeso kah cheu wa ne, "Wuna nere wu cheu ne, Tarsu su twala lu'ulo yiwa. ngir kubao ah mur pa'a hoh leu eh kalang, yoh wus-suh iyi hah nza mani. 3 Pah suh ngir mah lee mah juhi ah juhi. 4 Nsus wusu cheu mbehe su mbwen- ne mbwa suh nsus eh yirsu. Do'o warsu mashen cheu mbehe sah. 5 Yeso kah cheu-wa ne "Mahe wun ii mwani ba ko shen bii i jim-djuhu cheu yi ne mwanam, " kwop yam fo'ofoh tarung bwomi tarung. 6 Mwanam yua ham ku yo'o shen shene, mi do'o i gir ba mu pih ne ili sah. 7 Be ba wu ho bwi yeryi ne, A mi makunam sah, su kphangha kun ka'ana. Mi i wu munam su knwangha ma mo do'o nghi la'ahun po be fo'ofo sah." 8 Mu mur cheu wunu, na doh la'ahun sa fanai beh fo'ofo ne yi mweni sah, cheu ba ningha ku makuni, koh la'alahun sa pih bene ba i njila. 9 Mi bwa mu mur cheu wunu ne wu mwe apa wunu, wu pe'eh, wo kunu, wu ngha kun ban, aho fa wunu. 10 Ko yen ba na muna, i ya'a, ba na pi'ina, i kumu, ba na nghana kun ban, a ho fa yi. 11 Tar yen ku chiri wun ba mwini na munai nshi ko pih yo'oh ku bana nshi? 12 Keh bana muna kwa'ala wo to nshenye pih? 13 Na ningh na wun ba pa'a gir biwa wu ngina pa gir shima w mun wun, Ilan tar wun ma kalang ko do'o pa mbilar yi wa bah a munai sa? 14 Yeso wo wu pur i killa magina yo ba bwara ba do'o ngina lo'o sah. Be killa ma ka puru, yi ba wu do'o ngina lo'olo'o sa ka lo'o. zam wu bapina a fa'aha. 15 Wu ga muring wu bapina cheu ne, "yibe Ba'alazabuba gom wu killa panayi nghi pur i wu killa. 16 Wu ginah a mii ne i rum ya i gir sunu she'ele yo kalang. 17 Yeso she'ele gir ba a mur re'eshe ka cheu wa ne " Ram ba ana do'o yira i yirya sa ke yo ningh ka'alah, i lah ba ana gawa yirya be lah ko kwa. 18 Shetan (killa) na gawa ka'amuri, mulki yi ko che-leh lan? Wu mur cheu ne pura i wu killa i ngharngha ma Baalazabuba. 19 Na mur pur i wu killa i ngharngha ma Baalazabuba, wu ba war ta'awun ai pirya pur iy lan? Cheu mini, a ho ningh wu ba reng wunu chewe. 20 Na mu pur i wu killa i mun buhu ma Baku, mulki ma Baku yua wunu. 21 Bura ba i ngharngha, i wu ka'ala bura, na ningha lele li, wu ka'aali a ningh shima. 22 Ba na ngharngha ga nai, ko ra'asa ka'ala bura yi, ko kau be ka'ala so noh ma. 23 Bwara ba na do'o i mi sa biina me, ba nado'o i kammur gir i misa, i fassang. 24 Mbilar ma biwai na pura i yuo yir bapina, i wura puru ku bana ba mu'uru param i mur pe'eh bana ba i knos. Na do'o kuma sa ko cheu ne mishi bunu yere mashen lam bana ba pura yuo ham. 25 Na bunu yira ko sa be lah a yeshe girsai. Ko bunu yere yo i wu mbilar ma biwai tangnsah-baring, ba a gannai i pa'a gir biwa, a ho yo bwang ya yo ningh ho. be yir bura ma ko pa'a biwa gan makirei." 27 Ka ning ba cheu wu gir mini, mama magina fa zhingyi ku chiri wu zam ka cheu yi ne " girshima mashen bum ba billa we i suha ba a nuuna." 28 Ka cheu ne "" girshima mashen bau ba ai wo'o lo'o Baku wari. 29 Be zam wu bapina iwu mu bwan, Yeso pak chewe ne, "Be zhe'e mini yawu zhe'e ma biwa. A mur pe'eh girma sunu' a do'o pawa gir sunu she'ele sah shee gir sunu, a do'o pawa gir sunu she'ele sah she gir sunu she'ele ma Yunana." 30 Bene ba Yunana ningh gir sunu she'ele wa Nineviyawa, inna be mun bapina ko ning gir sunu she'ele wa zhe'e mani. 31 Mam-Gom i yooo ghaari-magina ko la'ahu chele ku missa reng chewe i wu bapina ma nzeeh mani, kaa ho gbol ya cheu ba'a purai yo nsah ma marsai nda wo'o nzor ma Solomon; wu sunu, bwara ba yana yi Solomon ha nini. 32 Wu Nineviyawa a ho la'ahu chele ku missa reng chewe i wu nzeeh mani, a ho gbol ya cheu baa a zhingha paa gir biwa i waazi ba Yunana ha nini. 33 Ba bwara baa ko chik bisa ne i bung-ban sa sormo ke i chi ku ta'a koso, shee a chi ku ban koyen na bwara i sun bung-ban. 34 Misso yi mis yiru. misso na'a shima, yiro bwang ku bung-bam. Misso na biwa, yiro ko rusu i tah djuhu. 35 Na nigha na, ma'ane be bung-ban ma yiro i mi ning djuhu sa. 36 Yiro bwang naa rusa i bung-ban, gigyen mo'on na do'o ku djuhu sa, be yiro bwang ko ning bene bisa ba a ma'an ne i bung-ban bwang. 37 I ho mur lo'o shee bura farisawa magina mwi ne i yo li bila kulii. Yeso bor ho li ka sa ning su'ula ku nda li be billa. 38 Be bura farisa fa kunni ba Yeso do'o zusa yiri ka lina be billa sa. 39 Be bahdje ka cheu yi ne wun Farisawa wui zus nzum wu girfeng i wu koro, amma bum wun rusa i gir biwa. 40 Ka'a wu ngbuchuk do'o be ba pa'ana nzhui yi pa'ana bwi sah? 41 Pawa ba gul buhya shiwa gir ba i ku bwi, ka ma gir bwang ko bwong wunu. 42 Gir ma chiri ku mur wun wu farisawa wu ngina pa mo'on to chiri lum, i yo chiri ka'ala wu bunbuhu yuo suwa wun, wu yer zhingha lo'o ngichewe i njele ma Baku zhingha. Ningha kpyer ne wu pa'a gir ma ngichewe i njel Baku, i wu gamuring gir bwa. 43 Gir ma chiri ku mur wun wu farisawa, wui njel ban ningha ku dwa ku ka'ana nere Baku, i wu za'ara ku ban nzam wu bapina. 44 Gir chiri ku murwun, wu bene mur shi'ila ba wu bapina a mur shen ku murwu a do'o shi'ila sah. 45 Mo'on ku. chiri wu ba sa-sah wu mur sa'anga su kpana i be wu lo'o mini. 46 Yeso cheu ne "Gir chiri mashen ba wun wu ba sa-sah dokoki ataurat, mwi ma'a wu bapina a to ka'ala ba lu'uru gana ba wu gira wu wu ko do'o ngi dji be ka'ala i wu mun buhu wun sah. 47 Gir chiri ku mur wun, cheu baa wu ba'ah ban lishi wu ba sun dwa, wu ka'awun ya wu gbo'olo ya. 48 Wu ningha ba pa she'ele ku gir ba wu ka'awun pa'ana, a gba'alah ya, ka wun wu. ba'ana mur shi'ila ya. 49 Ku cheu mini Baku ku nzor yi ka lo'o ne mo churwa wu ba sundwa i wu manzani, a pawa chiri, a wol wu gamurya. 50 Wu zhe'e mini a bwol ya ku mur wu shila mau ba dwa ba a su'ana iyo na kirei. 51 I yo shila Habila mashen shila zakariya ba a wu woli ku tsakani bagadi i ban ma tsarki. 52 Gir chiri mashen ba wun, wu ba sa-sah. ataurat ma Yahudawa cheu ba wu twala knha'a kulik ma she'ele, wu do'o bwara bwi i ka'a murwun sa, wu lil kun wu ba anjila boro. 53 Yeso la'ahun zhinghi banai, wu ba knwo,olo knwo'olo i wu farisawa a do'o yer i yi sa a nighi linan i yi ku mur wu gir bwana, 54 A mu ninhi tami pe'eh nshere ne a bwoli i gir ba i pur kuni ma bwiwai.