1 Wu gir a yoo puru bwo'olo, Yeso ka tol wu bapina lum gba'a tangnsa baring i kuni baring ka chu'uru ya baring-baring mashen wu ram, i wu muna-ram, i wu mbana baa ko njeh shen ha mbanai. 2 Ka cheu wa ne, "Yum nyaa billa i bwana, wu baa yumu a chige. Mwe bee baanjeh ma yum ngha'a billa ne, na ningha naa, i chur wu baa chumu mashen swa yi. 3 Wu shene! mi mu mur chum wun mashen nsaa bene wu muna a zur ku chiri wu 4 Wu ma tol ka'azagba, ke ka'a shen ke kaa khu ngbu'u wu ma za'ara bwara ku ngishere sa. 5 Wuna murbor chiri lah, ma mo'on wu cheu ne, Gir shima mayo mur lah mani. 6 Bwara baa gir shima na ho bee chiri lah, gir shima wun ko kwa ning ku muri, na doo naa sa, gir shima wun ko bunuyere yo mbaa wun. 7 Wu ning hoo bee lah, wu li, wu nuh gir baa a na paana wun, baa chumu njina baa a pi kuru ngbi'i. 8 Wuna bwara chiri ram a na ya'ana wun, wu li gir baa a na pa'a na wun. 9 Wu wu'uhu knwongho yir ya kau wa bwang. wu che wane, lah ma kalang ma Baku yua pwer i wun. 10 Wu na bwara chiri ram a na doo ya'ana wun sa, wu pur mashen ngishere ya, wa cheu ne, 11 Puh chung baa kawa ku gba'a su ku bee ram mani su yeeshe sua su'ulu ku mur wun! wu sheele gir mani, lah ma kalang ma Baku i yua pwer. 12 Mi mu mur cheu wunu ne, ku juk missa reng chewe lulu baa ko kum sodom ko shewe gan lulu baa ko kum bee ram baa a bina wun. 13 Gir ma chiri we korasinu, gir ma chiri we Baitsaida, ku chiri sur, i sidon a pa'ana wu chumu ma nghar-ngha, waa nzingha pa'a gir biwa ma dwai, wu shi ningha i ka'a twan i wu kala ku yir wun. Ku juk missa reng chewe, lulu baa ko kum sur i sidon ko shewe gam lulu baa ko kumo; 15 We kafarnuhum a ri'insa ne a ho to lu'ulo yiwo mashen kalang? wi, a ho waro yo su'ulu ku Hades. 16 Baa na wa 'ana kuno ko woo kunam, ba na bina we, binnami baa na bina mi bina ba yi chuma mi." 17 Bee wu lum gba'a tangnsa baring ma aa buhuyere i bong bum ya a chew ne, "Ba'anjeh, wu kila paana su murya ku chiri lu'ulo." Yeso ka cheu wa ne, "Wu ningha mu mur sun satan i mur kwa i yoo kalang bene li nzeme. 19 Wu sunu, paa wun nghar-ngha ne, wu ndangar wu yo'oh, i wu nzenghe i wu mur nghar-ngha bwang mau baa a bina wun, baa gir ba ku gas wun. 20 Cheu gir mini, wu ma kau yir wu gbira ne wu mbilar pa'ana murya wun, wu kau yir wun bwana cheu baa lu'ulu wun a nghwola ma ku kalang." 21 Ku chiri missa bili wu bong yiri ku yoo baa mbilar ma shimai, ka cheu ne "la lem wo, Baku, baanjeh ma kalang i ma nsaah, cheu baa a swarma gir mani i yo bau baa zor i wu baa she'ele, a puru i yi wa baa a doo baala kunya sa, bene wu munamun. Inna, Baku, i wu bwangh. ku jumo." 22 Wu gir bwang anzhingha yahm ku buham i yo mba'a Taram; i bwara doo shi'ila bee muni sa, shee yi bee Tari, bwara doo shi'ila bee muni twanla ne apur iyi ne a sheeli. 23 Ka pirwi mashen mbau muna yeele-yeelei ka cheu wa ku swarmai ne, Gir shima wa baa a sunu gir ba wun mu suna. 24 Mu mur cheu wunu ne, wu baa sumdwa bwana,i wu Gom a njeh sun wu gir baa wu suns, a doo ghi sun ya sa, ne a woo wu gir baa wu wa'a na, a doo ghi woo ya sa," 25 Ba nsa-nsah Ahaura mau Yahudawa ka la'ahu chele yi wa ne i mah yi Yeso, ka cheu ne "Baa nsa-nsah, man baa mu paa ne, mu bor lah ma kalang?" 26 Yeso ka cheu yi ne, "Man baa a ngwo'ala ho. ku chiri dokoki Musa? Ilan a nji lai? 27 Ka yere cheu ne, Na ma a njel yi Bwanjeh, Baku wo i chima bwang, i (mind/Azanchi) mbwang i wu baa a nwangha pwer i we bene ka'a muro." 28 Yeso ka cheu yi ne, "A yira kahkah. sa paa bee wu gir, wo kum chimo. 29 Yi cheu baa i njila sheele gir ma ka'amuri cheu yi Yeso ne, " Yan yi neigh bor yahm?" 30 Yeso ka ne, yi ka-cheu ne, Mbura magani i yoo Ureshalima i mur shen mashen Jericho. ka sa kwa ku mur wu baashiwi, a ra'atsu wu kalai bwang, a nya'ahi nzinghi kasa wuhna. 31 Baa shere nsa-nsah magina wu wara bee shere bili, kasuni, ka bwoolo ku kanghi kwansherai. 32 Ka ning naa mbura lawi magina kpayi, ka yo nji ho mbanai, ka sum bee sonoma, yi ma'a bwo'olo ku kanhi kwan sherai. 33 Mbura Samariya magina ka yo nji mbana sono ma nwangha ho nsa'ah; ka suni, (He was moved with compassion.) 34 Ka shen pwer iyi, ka yeshei yiri ka bwol wu penghe maryiri ku'uru so'o yi muru i ghar masara wo pwer wu penghe ma. Ka toli chihi ku mur burshi wari shen lah magina ninghi suni. 35 Mban ka puru fah ka toj