¹ Yeso wo mur bo'olo ka sun bwara magina bah tawa mishi, a bilai i yi yoo bamun yi. ² Wu muna ye'ele chumui mwi ne, bwajeh, yen yi pa'ana girbiwa, yi beh sono mani, ke wu Tari, bah a bilai i tawa mishi? ³ Yeso ka yer wa ne, yi do pa'ana girbiwa sa, ke wu Tari, mani ningya nah ne, a sun tumu Baku ku yo yiri. ⁴ I ningya gba'a ne mu pa'a tumu yibah tumami chew ne missa shi ham, duhu na twana ma yen ko ngi ma pah tumu. ⁵ Na shi ha ku ciri Taraman. mani mi bung ban ma Taraman. ⁶ Ku nsum ba Yeso lo'o beh gir mani. Ka tah titar ku nsah, ngyawang ning che'e, i, beh titar ma ka wo'oi beh che'e ku ngya'amish bura bah tawa ma. ⁷ Ka chew yi ne, shene, sa zus yiro ku mu'uru ma siloham (A tumai) ka la'ahun shene sa zus yiri ho mu'uru ma, bunyere yo imur sun ban. ⁸ Wu ba lah pwer i wu bah a shi'ilai ma dwai ne, yi bah nere, a chew ne, mine yi bah tawa bah i ningyi nere mani sa? ⁹ Wu gamur bapina a chew ne, yi wu gamurya achew ne, wi, i bene pura beh bah tawa ma. Ka chew wa ne, mi yi ba wu tawa ma. ¹⁰ chew yi ne, yen yi fanau ngya'a misso a mur sun ban iyi? ¹¹ Ka yer wa ne bura magina bah ai ne yi Yeso yi ngya-wa-ngya che'e wa'anam ku bee missam, ka chiwa ne, mu shene sa zus yiram ku Siloham, nga la'ahun shene sa zus yiram bene ba wo chiwam, wu ngya'amisam a fa'aha. ¹² A mwi ne, beh bura bili i ya he? ka chew wa ne, do shi'ila bana bah i ham sa. ¹³ A wari yo ku bau Farisawa, yi beh bah wo tawa ma. ¹⁴ Wo duk missa ningyi nere Baku bah yi Yeso ngyawangya che'e wo ku beh ngyamis sono ma, mishi ka fah. ¹⁵ Wu beh Farisawa a basa mwi ne i pa'ana lan a kuma sun ban, ka chew wa ne, wo wo'o che'e ku ngya'a misam, nga ssa zussu i mu'uru, yi bah kuma sun ban. ¹⁶ Wu gamurya iyo ho ciri wu beh Farisawa chew ne, bura mani i do yo ba Baku sa, i do wara taa kukut ma duk missa nere Baku sa. Wu gamurya a chew ne, bapina ba na mur pa'a girbiwa ko ngi pa'a gir bene mani? ku cirio ya, a ya'anga yirya. ¹⁷ Ku ta'a gir mani a bassa mwe yi bah wu tawa ma ne, we kpa, a twalai ne yi wassa yen ku bwo, bene bah yi fau ngya'a misso? ka chew wa ne, yi wassa bah sun duwa ku bam. ¹⁸ Wu Yahudawa a do yer ne, yi beh sono ba wo tawa ma kira'ai ma yi ni kuma sun ban sa, a pe'e tu'uu wu Tar beh bah wo tawa ma ne a she'ele ¹⁹ A mwe ya, a chew ne, mun-wun i mani, bah a wo bilai tawai? I lan ka mur sun ban i mani? ²⁰ Wu Tari a yer wa ne, su shi'ila ne yi munsu, su wu bilai tawai. ²¹ Bah kuma sun ban mani, su do shi'ila sa, ke, bura bah fa'aha yi beh ngya'amishi, wu mwi, i jina bapina, ko ngi lo'o i ka'amuri. ²² Beh wu Tari lo'o naa chew bah a mur bang ji'iri wu Yahudawa. Ya beh wu Yahudawa a ningya ma i yirya ne bah na pana she'ele ne yi wo Kristi bah wu fah beh ngya'a mishi, a ho to chi'i piri ko yo ka'ana nere Baku. ²³ Na ningya naa, wu mwi, i nda bapina ma ka'amuri, wu Tari a chew wa wu beh Yahudawa. ²⁴ A bunyere tu'ulu yi sono bah wo tawa ma, chew yi ne, so'o nzah pi Baku, su shi'ila ne bura bah fahnau misso yi bah pa'a gir biwa. ²⁵ Ka yerwa cheu ne, naa yi bah pa'a girbiwa, ke nai do pa'a sa, mi mo do ngi she'ele sa; gir mo'on bah shi'ila yi ni ne, wu bah tawa, mani mu mur sun ban (ngya'a missam fahma). ²⁶ A bassa bunuyere chew yi ne, wu pa'au lan, ka fah wo beh ngya'a misso?" ²⁷ Ka yer wa ne, mine chiwa wun, ne wu do wa'ana sa, man i pa'ana wa njila bassa wo'o kpa? ke wu njila ne wu ning wu muna ye'ele tumui? ²⁸ A sa'angi, a chew yi ne, wuni we mun ye'elei, su, su muna ye'ele ma Musa, ²⁹ Su shi'ila ne Baku luana i Musa, yi sono mini, su do shi'ila bana bah pura i yo ham sa. ³⁰ Bura bah wu tawai ma yer wa, chew wa ne, beh gir mani ningya gir ma fah kunu bah wu do shi'ila bana bah purai yo ham sa, yi yo fah yam wu ngya'amisam. ³¹ Su shi'ila ne Baku i do wo'o wu bah pa'a girbiwa sa. a ma bura bah nai so'o nzah pi Baku, i pa'a gir bah Baku njila, yi bah Baku ko wo'o kuni ³² I yo chikchik, a do wa'a ku gigeng ne, bwara wu fah ngya'a mis bapina bah a bilai i mishi tawa. ³³ Bura mani ka do i yo bah Baku sa, ko do ngi pa'a gir mani sa. ³⁴ A yere yi chew ne, we bah a bila we ku ciri girbiwa, yi bah wu mur ne wu sah su? A to chi'i piri mashen nzah. ³⁵ Yeso wo ne, a toh chi'i pira, ka yo kumi, ka chew yi ne, a pa'ana ngichewe ku mur mun Baku? ³⁶ Ka yere chew ne, bwajeh, yam yi bili bah mo pa'a ngihewe yi? ³⁷ Yeso ka chew yi ne, a sunai, yi bah i mur lo'o i we mani. ³⁸ Ka chew ne, bwajeh, pana ngichewe. ka ningyi so'o nzah pi. ³⁹ Yeso chew ne, chew rengchew ngya'a yuana ha chiri Taraman, ne wu bah a na do ngina sun ban sa, ne a sunu, wu bah sun ban sa, ne a ning wu bah tahwa. ⁴⁰ Wu Farisawa bah a wu ho i yi, wo beh lo'o a chew yi ne, su ma su ningya wu bah tawa? ⁴¹ Yeso ka chew wa ne, na wun bah tawa, wo do pa'a gir biwa sa, mani wune, wu mur sun ban, na ningya naa gir biwa wun ning wunu.