¹ Ngi chewe, ma ngichewe mu mur chew wunu, bah na do wara kun ka'ana bwara ntah wu zur sa, ka bwara yo gigieng, beh bura bili yi bah nshiwi, i bah gir biwa. ² Bah na wara iyo kun ka'ana, yi bah ning lele wu nzur. ³ Yi bah kun ka'ana i fah wa, wu beh nzur ai wo jimi she'ele; i tu'ulu beh wu nzur i lu'ulu ya pur i ya mashen nzah. ⁴ Na purai ya mashen nzah, i kwa ku duwa, wu beh nzur ai war chi'i chew bah a shi'ila jimi. ⁵ A ho do war ta'a bah biri sa, a ho bangyi hew bah a do shi'ila jim beh bah biri sa. ⁶ Lo'o ma swarmai mani, Yeso wu lo'o wa, a ma a do she'ele beh gir bah i mur lo'o wa ku muri sa. ⁷ Yeso ka bassa chew wa ne, ngichewe ma ngichewe mu mur chew wun, mi ni mi beh kun ka'ana wu nzur. ⁸ Wu bah a na yuana duwa i mki, ya wu bah nshiwi, i wu bah pa'a gir biwa, wu beh nzur a ho do wo'o chu'ulu ya sa. ⁹ Mi yi beh kun ka'ana, bapina bah na bwara i yo bam, ko taa puru, ko boro, ka basa puru, i kum bana ba i li, i nuh. ¹⁰ Bah nshiwi i yo nda pa'a nshiwi, nda wolo, i nda ya'a gir gas; mi yuana ne a kum chimya, a kumi ku chiri mu'uru pwala bwana. ¹¹ Mi bah ning lele ma shimai; bah ning lele ma shimai i toh nchimi pa chew wu nzur yi. ¹² Bah pah tumu ne a ho pikuru mgbi'i, do bah ning lele sa, neh wu nzur do ma bii sa, na suna mu piri wuna, ko bangya ji'ingyi wu nzur ma, mu piri ko yo bwol ya, ko tah kpassang ya. ¹³ Beh bah tum kur gbu'u ma ko bangya, chew ne yi bah tumu ne a ho pi kuru mgbi'i, i do ngi ning lele wu beh nzur sa. ¹⁴ Mini mi bah ning lele ma shimai, shi'ila wu ma bam, wu ma bam a shi'ila mi. ¹⁵ Bene bah Dah shi'ila mi, mi ma shi'ila yi Dah, mi toh nchimam pah chew wu beh nzur. ¹⁶ Mii wu nzur maginai, bah a do ha ciri wu bah mi ya sa, i ningya yam mgba'a ne mu war ya yo a ho wo'o lo'o yam ning ha ku ciri bah mi i ya ku ban mo'ona, i bah ning lele mo'ona. ¹⁷ chew mini yi Dah njila mi, ne mii toh nchimam pah chew bah mo bunyere bwara do njina ma i ra'atsa yo ban sa, i ka'amuram mii toh pa. mi ngyarngya bah mu toh pa, mii ngyarngya bah mu bassa bunuyere tolo. Ya'ana beh chew mani i yo ku ba Dah. ¹⁹ Wu beh Yahudawa ningyi su'uru yirya, i gau murya ku mur lo'o bah Yeso lua'ama. ²⁰ Wu gamurya chew ne, i wu kila ku muri, i mur bangmyi bwa; Man pa'ana wa shi mur wo'o lo'oi? ²¹ Wu gamurya chew ne, beh lo'o yi mani do bah ii wu kila ku muri sa, Wu kila ai ngyarngya bah a ho fah ngya'amis bah tawa? ²² Wo duk missa kam muru wu Yahudawa ku cirio Urushalima ²³ Yeso wu mur shene kikang ku ka'ama nere Baku, ku bum shirai ma Solomon. ²⁴ Wu Yahudawa a karngyi ma'a ku ciri ya, a chew yi ne, ba'a lan bah sa ningyi so'omis su? Na we yi beh Kristi, chew su i mani. ²⁵ Yeso yer wa ka chew ne, chiwa wunu, wu do pa'ana ngichewe sa, wu gir bah mu mur pa'a ku ciri lu'ulu Dah, ya na a mur pa she'ele ku muram. ²⁶ Wun wu do pa'an ngichewe sa, chew bah wu do ningya wu nzur yam sa. ²⁷ Wu nzur yam ai wo'o kunam, mi shi'ila ya, ai war ta'am. ²⁸ Mi pawa nchimu ma hueng; a ho do pa biwa sa. bah bwara bah ko ra'atsa ya ko yo bah buham. ²⁹ Yi Dah bah pana ya yam, i gana wu bapina bwang, bwara do jina ma i ra'atsa ya i yo buk Dah sa. ³⁰ Mi, i Dah su mo'ona. ³¹ Beh wu Yahudawa a bassa kau wu tah ne a bu'uhi. ³² Yeso ka yere chew wa ne, wu gir ma shimaya bah pa'ana, rumawun i ya, bah a yo ba Dah; tumu mahe bah pa'ana, wa mur ne wu bu'uham i wu tah" ³³ Wu be Yahudawa yer yi, a chew ne, do chew tumu ma shimaya bah a pa'ana sa, chew bah we bapina wu mur toh ka'amuro ne we Baku. ³⁴ Yeso yer wa ne, mi ma a ngwa'ala ku Kukut wun ne, chiwa ne, wun wu baku? ³⁵ Na tu'ula ya ne wu baku, wu bah lo'o Baku yuana baya, yi mpuknsheme ko do lo'o lilim sa. ³⁶ Wui chew yi mani, bah yi Tari zusai ka tumai mayo ciri taraman, wu mur lo'o lilim ku mur Baku, chew bah chiwa ne, mi mun Baku? ³⁷ Na do mur pa'a tumu ma Dah sa, wu ma pahngichewe i mi sa. ³⁸ Na mur pa'a, wu na do mur pangichewe i mi sa, wu pa ngi chewe i tumu bah wu suna, wu shi'ila ne Dah i ha i mi, mi wo iyi Dah. ³⁹ A bassa pe'e nshere ne a boli, a ma do ngi sa, kah tah puru i yo bukya. ⁴⁰ Ka bunyere shen mashen zamjin salla ma Urdun bana bah Yohana ba pa'a baptisma wo pak pa'a baptisma ho banai ka sa ningyi ning ho giri. ⁴¹ Wu bapina bwana a shen ho bi, a chew ne, ngichew Yohana wo do pa'a wu ngya'a gir masahai i chi'i sa. wu gir ba Yohanna luana ku mur bura mani, ningya ma ngichewe. ⁴² Wu bapina bwana a pah ngichewe ku muri ho banai.