¹ Yeso ka yeu mur gbo'o ma zaitun. ² I pol duduhu ka bunuyere shen mashen ka'ana nere Baku kpa, wu bapina bwana a yo, ka ning su'ula. ka bor ku nda sahsah wa. ³ Wu bah ngwo'olo, i wu Farisawa a war bamaam magina yo iyi bah a bwalai ku mur pa'a (Zina). A wari yo chihi ku chichiri wu bapina. ⁴ A chew yi ne, "Bah sahsah, su bwala maam mani i mur pa'a zina. ⁵ Ku bum Kukut, Musa ne su bu'uhu beh wu bapina bili i tah, man bah wo chewe ku muri?" ⁶ A wu chew gir mani ne, a mah Yeso sunu, ne a kum bana bah a boli, Yeso doh su'ula ningyi nda ngywo'olo i wu muna buhi ku nsah. ⁷ A ningyi mo'ohi i wu lo'o, ka la'ahu chele chew wa ne, "Mo'on ku ciri wun ba wo do0 pa'a girbiwa sa, pak buhi i tah ku mur maam mani." ⁸ Ka basa do'o su'ula, ningyi nda ngwo'olo i wu mu7na buhi ho nsah. ⁹ A wo'o gir bah Yeso chewe, a la'ahun mo'on mo'on gauban bwang ya. Bwajeh yi yi pak la'ahun, wu gamurya a war chi'i. Ku marsai a la'ahun ji'ingi Yeso loi, i maam ma ba wo ningya ku chichiri ya ma. ¹⁰ Yeso ka la'ahun yiwa chew yi maam ma ne, bamaam, wu ba war cheweu yuana a shuna he? A do wala we sa?" ¹¹ Maam ma chew ne, "Ba bwara, bwajeh." Yeso chew ne, mi ma mu do wolo sa. Kwanshere a mi bassa pa'a girbiwa sa." ¹² Yeso bassa lo'o wam chew ne, mi ni mi bung ban ma taraman, bah na wara ta'am ko do shen ku ciri duhu sa,ko kum bung ban ma nchimu." ¹³ Wu Farisawa a chew yi ne, A pah she'ele yi ka'amuro, pa she'eleu do ngichewe sa." ¹⁴ Yeso yer wa ja chew ne, Na pana pah she'ele yi ka'am,uram, pah she'ele ma ngichewe, shi'ila bana bah yuana yo ho, i bana bah mo shen mashen ho, wun wu do shi'ila bana bah myuanai yo ho, i bana bah wo sheb mashen ho sa. ¹⁵ Wui rengchewe wun mau bapina, mi do reng yi bwara sa. ¹⁶ Na ringya chewe, reng chewe ii ning ma ngichewe chew ne mi do luwam sa, sui beh Dah ba tuma mi. ¹⁷ Ku ciri kukut ma bah wun a ngwa'ala ne, pahshe'ele mau bapina baring nigya ngichewe. ¹⁸ Mi bah pashe'ele yi ka'amuram, Dah bah tuma mi ii pashe'ele ku muram." ¹⁹ Amwi ne, "Beh Taro i yahe?" Yeso ka yer wa ne, Wu do sh'ila mi sa, ke yi Dah, waa shi'ila mi, wo she'ele yi Dah kpana." ²⁰ Wu chew beh lo'o mani ku bana chik ngya'abolo, i wu mur sahsah ku ka'ana nere Baku, bwara wo do jihi ke boli sa chew ne missai do jiya ma sa. ²¹ Ka bassa chew wa ne, kwanshere yam; wo pe'am boro, wo wo'oho ku gir biwa wun. Bana bah mu shen mahen ham wo do ngi shen ho sa. ²² Wu Yahudawa a chew ne, "Ke ko wol ka'amuri? yi bah ka mur chew ne, bana bah mu shen ham wo do ngi shen sa?" ²³ Yeso ka chew ya ne wu yo ha nzah, mi yo kalang. wun wu ma tahraman, mi do ma taraman sa. ²⁴ Na ningya naa, mu mur chew wunu ne we wo wuh ku chiri girbiwa wun. shee wuna pahna ngichewe ne mi ni mi wo wuh ku chiri girbiwa wun. ²⁵ A hew ne, na ningya baa, "We yen bili? Yeso ka chew wa ne, "Gir bah chiwa wun i yo chikchi'i. ²⁶ Mi gir bwana ba mu lo'o, i rengye ku mur wun. Na naa, yi bah tuma mi yi bah ngichewe; girba na wa'ana ku yo bi, ya gir bah mu mur chew yi taraman." ²⁷ A do she'ele ne wo mur lo'o wa ku mur Tari ma kalang sa. ²⁸ Yeso chew ne, wu na twala yi mun bapina yiwa, waa ho she'ele ne, mini mi yi mii do pa'a gir ma ka'amuram sa. Bene bah yi Dah sahnayam, yi bah mii lo'o beh gir. ²⁹ Yi bah tuma mui, i ha i mi, yi do ji'inga mi loam sa, chew bah mi pa'a gbeng gbi gbeng gir bai bong nchimu." ³⁰ Yeso wu mur chew wu gir mani wu bapina bwana a pah ngichewe ku muri. ³¹ Yeso ka chew wa Yahudawa bah pah ngichewe ku muri ne, "Wuna wara lo'o yam ku nchimwun, ma ngichewe, wu ningya muna ye'ele yam; ³² Wo she'ele ngichewe, yi ngichew ko ra'atsa bukwun." ³³ A yer yi ne, "su muna Ibrahim so do ningya korom yi bwara sa, I lan a mur chew ne, A wo ra'atsa su?" ³⁴ Yeso yer wa ne "Ma ngichew mu mur chew wunu, bah na mur pa'a girbiwa wassa yi korom ma girbiwa. ³⁵ Korom i do ning ku ciri lah ma hueng sa; Mun ma lah yini i ning ku lah ma hueng. ³⁶ Beh mun ma lah na ra'atsa buho a ra'atsa we ma ngichewe. ³⁷ Shi'ila ne wu muna Ibrahim, wu pi'ina nshere ne wu walam chew bah lo'o yam do bwara chim wun sa. ³⁸ Mii chew wun gir ba suna ku bah Taram, wun ma wui pa'a gir ba wu suna ku yo bau tarwun." ³⁹ A yerai a chew yi ne, "Tarsu yi Ibrahim." Yeso chew wa ne, na wun muna Ibrahim wo pa'a tumu ma Ibrahim. ⁴⁰ Manio wu mur pe'e nshere ne wu walam, mi bah chiwa wun ngichewe bah wa'ana iyo bah Baku. Ibrahim wu do pa'a na sa. ⁴¹ A pa'ana tumu ma Taro." A chew yi ne, "A do bilasu ku chew dala sa, sui tarsu mo'ona yi Baku." ⁴² Yeso ka chew wa ne, Baku na yi tarwun, wo njilam, chew bah pura i yo bah Baku nga yuana; do yuana ma ka'muram sa, yi ni tuma mi. ⁴³ I lan wa do shi'ila lo'o yam sa? chew bah wu do shi'ila lo'o yam sa; ⁴⁴ Wun ma tarwun njila. yi wu bah woi bapina ku yo chikchi'i i do chew ngichewe sa, chew bah ngichewe do u nchimi sa. Na mur lo'o lilim, i lo'o yo nchim bwi chew bauy yi bah lo'o lilim, yini tar wu lilim. ⁴⁵ Chew bah mii chew ngi chewe wu do pana ngichewe i mi sa. ⁴⁶ Yen ku chiri wun bah bwala mi ku pa'a gir biwa? Na chiwa ngichewe, io lan wa do pana ngichewe i mi sa? ⁴⁷ Bah na yi ma Baku, i wo lo'o ma Baku, wu do wa'ana lo'o sa, chew bah wu do ma baku sa." ⁴⁸ Wu beh Yahudawa a yer yi a chew ne, su do luana kahkah sa; we mani we bura Samariya, wei wu kila ku muro. ⁴⁹ Yeso yer wa ne, "Mi do i wo kila ku muram sa, mi pahmuram yi Dah, wu mur yam gas wu bina pam mur wun. ⁵⁰ Mii do pe'e girma ma ka'amuram sa bwara ho bah u nur pe'e girma yini bah rengchewe. ⁵¹ Ma ngichewe mu mur chew wunu ne, ba na bol lo'o yam wara mgbang mgbang ko do sun wuh sa." ⁵² Wu Yahudawa a chew yi ne, "Mini su shi'ilama ne wei wu kila ku muro. Ibrahim yi wu bah sun duwa a wa'aha we, wene bwara bah na bol lo'o wo wara gbang-gbang ko lo'o wuh sa. ⁵³ We a gana tarsu Ibrahim? Yi wo wuh, i wu bah sun duwa bwa. A suna bene we yen?" ⁵⁴ Yeso yer wa ne, na twala ka'amuram yiwa beh to ka'amuram do ningya gima sa.Dah bah wui toli ne yi tarwun yi ba ko twalam yiwa. ⁵⁵ Wun wu do shi'ilai sa, mi shi'ilai. Na chiwa ne do shi'ilai sa, mo ning bah lo'o lilim bene wun; mi shi'ilai i war ta'a lo'o yi bwa. ⁵⁶ Tarwun Ibrahim bong yiri ku sun duk missa yam; wu sunu ka bong nchimi." ⁵⁷ A do shi jia ba'a lum tongnung sa, wu beh Yahudawa ma a chew yi ne, wene a suna Ibrahim?" ⁵⁸ Mu mur chew wun ngichewe," Yeso yer wa ne "ngichewe ngichewe mi wo duwa yi Ibrahim, wo mi". ⁵⁹ Ku chew beh lo'o bili, a kau wu tah ne a yo nda buhi, yi Yeso sormo ka'amuri pur swel i yo ho ka'ana nere Baku.