¹ Wu gir a yo puru bo'olo, Yeso la'ahun shen mashen Galili ka ningyi kikang ho, do njel ne i shen mashen ciri Yahudaya sa, chew bah wu Yahudawa a mur pe'e ne a woli. ² Duk missa kam muru wu Yahudawa ba ai chu'ulu ne "Ka'aling" wu tah pwer. ³ Wu so'ongi chew yi ne, na naa;" la'ahun ji'ingi bari shen mashen Yahudiya ne wu muna ye'ele wo a ho ningyi sun beh tumu bah wu mur pa'a. ⁴ Ba bwara bah i pa'a gir ku swarmai yi i ka'amuri na njila ne she'eli ku dum wu bapina. A nai pa'a wu gir mani, rum ka'amuro wa tahraman." ⁵ Wu so'ongyi bwa a do pa'ana ngichewe ku muri sa. ⁶ Ka ning naa Yeso chew wa ne, "Missa yam do shi jiyama sa, missa wun ningyi ta'ara wun gbeng gbi gbeng. ⁷ Yi taraman ko do be'ene wun sa, i bi'ina mi chew bah pana she'ele ku muri ne, tumu yi ma biwa. ⁸ Wu shen bana beh kam muru, mi mu do shen i mani sa, chew bah missa yam shiham ma ji." ⁹ Yo puru bo'olo ka chew gir mani wa, ka ning giri ho Galili. ¹⁰ Wu so'ongyi a kwanshere mashen beh bana kam muru, Yeso ka la'ahun shen mashen ho kpayi ku swarmai. ¹¹ Wu Yahudawa a wo mur pi'i ku beh bana kam muru a mur chew ne, "I yahe? ¹² A ningyi rengye i yirya ho bana kam muu ku muri. Wu gamuri ne, yi "Bapina ma shimai." Wu gamuri ne "wi, i mur war wu bapina mashen nda kping." ¹³ Wu bapina bang ji'iri ma lo'o ku muri pur i yi ku nzah, chew wu jeh mau Yahudawa. ¹⁴ Beh kam muru wo ningna mgbang, Yeso ka la'ahun shen mashen ka'ana nere Baku ka sa pak sahsah ho. ¹⁵ Wo banai wu Yahudawa ma a fah kunya, a chew ne, "I lan bura mani ka shi'ila gir bene mani? I do sa balla kuni ku gigeng sa." ¹⁶ Yeso yer wa ka chew ne, sahsah yam do ma ka'amuram sa, ma bah tuma mi. ¹⁷ Bah na njila ne i pa'a gir ba Baku yira iyi, ko she'ele beh sahsah mini, ne i yo ba Baku, ke mu mur lo'o ma ka'amuram. ¹⁸ Bwara bah na luana i yo she'elei ma ka'amuri, i mur pe'e bongyo yi bah tumai beh bwara ma yi bah pah ngichewe, a ho do kumi i gir biwa sa. ¹⁹ Mane yi Musa pana wun kukut? ku ha ciri wun ba mo'o ba ii pah ka'amuri yi beh dokoki. man i pa'ana wa mur pe'e nshere ne wu walam?" ²⁰ Beh zam wu bapina ma a yer yi n wei kila ku muo. yen i mur pe'e nshere ne i wolo?" ²¹ Yeso yee ka chew wa ne, "Pa'ana tumu mo'ona, bwang wun wu fa'aha kunwun chew ba wu suna ma. ²² Musa pa'ana wunu yer suhu (I do yo bah Musa sa, I yo bau ka'awun), ku duk missa nigyi nere Baku wui yer suhu wa bapina. ²³ Wu nai yer suhu wa bapina ku duk missa ningyi nere Baku, ne wu do bun be kukut Musa ma sa, mani pa'ana wa mur suhu nchi wun chew bah yes ko'ongo pura iyi ku yir bapina duk missa ningyi nere Baku? ²⁴ Wu ma reng chewe ku mur lilim sa, wu rengye ku mur ngi chewe." ²⁵ Gamur ya yo Urushalima chew ne, "Bene yi bah a mur pi'i ne a woli? ²⁶ Sunu, i mur lo'o wa ku purai, a do chiwei ne gima sa. ke na ningya ne, beh wu jeh ma reng chewe a do shi'ila ne mani yi beh Kristi sa? ²⁷ Su sh'ila bana bah mani pura iyo ham, beh Kristi na yuana, bwara ko do she'ele bana ba pura i yo ham sa." ²⁸ Yeso ka ngya kuni i yo ho ka'ana nere Baku, i mur sahsah chew ne, wu shi'ila mi, i bana bah pura i yo ham. Do yuana ma ka'amuram sa, yi bah tuma mi yi bah ngichewe, wu do shi'ilai sa. ²⁹ Mi shi'ilai chew bah purai i yo bii, yini tuma mi. ³⁰ A wu wo mur pe'e nshere ne a boli. a do ngi ma bukya ku muri ne a bolisa, chew bah missai do shi jiyama sa. ³¹ Zam wu bapina bwana a pah ngichewe ku muri, a chew ne, "Beh Kristi na yuana ka pah gir bah gana bah bura mani i mur pa'a? ³² Wu Farisawa wo zam bapina a mur rengye gir mani ku mur Yeso, wu jeh ma ngwo'olo, i wu Farisawa a tur wu muna garah ne a sa boli. ³³ Yeso chew ne, "Mi shi ha i wun, ku missa chige'e, mo bunyere mashen bah tuma mi. ³⁴ Wo pe'e banam, wo do kumam sa, bana ba mo shene wo wo do ngi shen banai sa." ³⁵ Wu Yahudawa a ningyi rengye i yirya ne, Beh bura mani ku shen he, bah ne so do ngi bassa kumi sa? ke, na shen bawu Hellenawa ba a kpasangya murya, ne i sa sahsah wa beh Helenawa? ³⁶ Lo'o man i mani bah lu'ama ne, "wo pe'e banam, wo do kumam sa; bana ba mo shene, wo do ngi shen banai sa?" ³⁷ Ku duk missa ma marsai ma kam muru, Yeso la'ahun chele kaa ngya kuni chew ne. bwara bah was mu'uru na mur woli, i yo bam yo nuh beh mu'uru. ³⁸ Bah na pana ngichewe ku muram, bene bah mpuknsheme Baku chiwa, sal mu'uru ma nchimi ko yawa pur i yo bwi" ³⁹ Ka chew girmani ku mur mpilar, ne wu bah na pana ngichewe ku muri a ho kumu; beh mpilar a do shi pa ma sa, chew bah a ho sho tol Yeso yiwa. ⁴⁰ Gamur wu zam, wo beh ngya'a lo'o mani a chew ne, "Mini yi mini bah sun duwa." ⁴¹ Wu gamurya chew ne, Mani yi Kristi." wu gamurya ne, Beh Kristi ko yo ku yoo Galili? ⁴² Mane mpuknsheme Baku chiwa ne Kristi ko pur i yo nshiliu ma Dawuda, i yo Baitalami, ram bah Dauda wo pura ham? ⁴³ Gir mani ma'a zam wu bapina a gau murya chew yi Yeso. ⁴⁴ Wu gamurya njel ne a boli a do ngi ma'a bukya ne a boli sa. ⁴⁵ Beh wu muna garah bunuyere yo bau wu jeh ma ngwo'olo i wu Farisiyawa, a mwe ya ne, "I lan wa do boli yuana i yi sa?" ⁴⁶ Wu muna garah yer wa ne," Bwara do shi lua lo'o ba bura mani luana sa." ⁴⁷ Beh Farisiyawa a yer wa ne, wun bwa a lira wun? ⁴⁸ Ke wu magina ku ciri wu ba rengchewe ke, wu Farisawa pangichewe ku muri? ⁴⁹ Wu zam ba a do shi'ila beh kukut sa, ningna ku murya. ⁵⁰ Nikodemus (mo'on ku ciri wu Farisawa, bah wu shene sa par Yeso duhi magina) chew wa ne, ⁵¹ Beh kukut masu ii reng chewe yi bapina bah a do wa'a lo'o i yo kuni sa, ke. a shi'ila gir ba pa'ana sa?" ⁵² A yer yi a chew ne, we bwa a yuana i yo Galili? Ningyi rengye sunu, bah sundudwa do shi yua iyo Galili sa." ⁵³ A gau ban, wu bapina bunuyere mashen laya.