¹ Wu gir mani puru bo'olo, Yeso la'ahun shen mahen kang bwah ma Galili, bah ai tu'uli ne bwah Tibariya. ² Wu zam bwana a wo mur wart chi'i chew wu ngya'a gir bah wo mur pa'a ku mur wu bah ko'ongo. ³ Yeso kah yeu mashen mur gbo'o tah she ning ho i wu muna ye'elei. ⁴ Missa tah lu'uru, duk kahm muru wu Yahudawa, wo tah pwer. ⁵ Yeso toh muri yiwa ka sun zam wu bapina wuna mayo bii, ka chew yi Filibus, ne, b"kuhe so kum fo'ofo kuruh wa zam mani ne a li?" ⁶ Yeso kas lo'o mani, ne, ku mah Filibus shi sunu, yi Yeso i ka'amuri rege shi'ila gir bah ki pa'a i wu beh zam. ⁷ Filibus yer yi, ne, fo'ofo ma lum mgba'a lum baring ko do ji bah a rege chige chige pawa sa. ⁸ Mo'on i yo ho chiri wu muna ye'elei Andarawus, so'ongyi Siman Bitrus, ka chew yi Yeo ne; ⁹ Su ha i bah mun magina bah i fo'ofo tongnung, i nshi ngya'ali baring, bili koji wu zam wu bapina mani?" ¹⁰ Yeso chew ne, "Wu ma'a wu bapina ningir su'ula." (to'o wu ho banai bwana) wu bapina a ninggir su'ula, zam ya wu sa jina ban chihi tongnung. ¹¹ Yeso so'onzah pi Tari, ka toh fo'ofo ma bo'ongo pawa wa bah a ningira ho nzah ma bassa pa'a bene gir bah a njila. ¹² Wu zam wu bapina ma bwang ya li rutsu, ka chew wa muna ye'elei ne, wu kam mur gamuri ba yirai, ne, a mi so'oto'o i yi sa. ¹³ A ningyi kam mur beh gamur wu fo'ofo i nshii ma rutsu koso lum ikuni baring ku yo gir ba a li rutsu ji'ingi. ¹⁴ Beh wu bapina sun wu gir bah pa'ana, a chew ne, "Mani ma ngichewe uyi bah sunduwa bah ko yo ha ciri taraman." ¹⁵ Yeso ka she'ele ne a ho yo nda boli ma kiri mi'i, ne, i ning Gom, ka la'ahun swel shen mashen mur gbo'o, i ka'amuri. ¹⁶ Kurwa pa'a, wu muna ye'elei a la'ahun shen mashen kun bwah (Sallah) ¹⁷ A bor bum jirgi mu'uru, a la'ahun shen mahen Kafarnahum ku chiri mu'uru. Duhu wo twanama, Yeso wo do i ya sa. ¹⁸ Gung ka la'ahun bangya i ngyarngyai. ¹⁹ A wu shene sa nda bene mel-tarung mashen trung i gamuri, a sun Yeso i mur shene ku mur mu'uru wuna baya, ji'iri ka bolya. ²⁰ Ka cheew wa, ne, "Mini mi! wu ma bang ji'iri sa." ²¹ A yerai ne, i bor ho baya ku bum jirgi, muni beh jirgi sa ji murnzah bana bah a wu mur shen mashen ho ²² Ban ka puru fah, wu zam wu bapina ba a wo chila ku zamjin salla ma sun ne, bah wu jirgi ho shee mo'ona yi ho banai, Yeso wu do shi na i wu muna ye'elei sa, a wu shina lohya. ²³ Wu jirgi mu'uru a yo i yo Tibariya, pwer i bana bah wu so'onsa pi Baku ka gau fo'ofo wa bapina ku sum Baku pana bwata. ²⁴ Beh wu zam she'ele ne, Yeso ke, wu muna ye'elei a do ho banai sa, a boro ku bum wu jirgi a shen mshen Kafarnahum nda pe'e bana Yeso. ²⁵ A kushi ku zamjin salla ma, a chew yi ne, "Rabbi, a yuana ni ni ba'ayewe?" ²⁶ Yeso ka yer wa ne, "Ma ngichewe, wu mur pe'e banam, do chew wu gir bah wu suna sa, wu mur pe'e banam chew fo'ofo bah wu li rutsu bum wun. ²⁷ Wu ma pa'a tumu chew billa bah ko pa'a biwa, na ma wu pa'a tumu chew billa bah ko ning mgbang mashe nchimu ma hueng, bah mun bapina ko pa wunu, yi Tari beh Baku pana she'ele ku muri." ²⁸ A mwe Yeso ne, "Man bah so pa'a, ne, su pa'a tumu ma Baku?" ²⁹ Yeso yere ka chew ne, "Mini yi tumu ma Baku, wu pa ngichewe ku mur bah yi tumai." ³⁰ A bassa mwi ne, "Wu gir man bah wo pa'a, ne, su sunu pah ngichewe i we? man bah wu pa'a? ³¹ Wu tarsu wo li manna ku chiri to'o, bene bah a wo ngwa'ala ne, wu pawa fo'ofo ku yo kalang ne a li." ³² Yeso ka bunyere chew wa ne, "Ma ngichewe wo do Musa bah pah wun fo'ofo i yo kalang sa, yi Dah bah i mur pah wun fo'ofo ma ngichewe i yo kalang. ³³ Beh fo'ofo ma Baku yi bah yuana i yo kalang, ka pana nchimu wa wu taraman." ³⁴ A bassa mwi ne, "Bwajeh, pasu beh fo'ofo bili gbeng gbi gbeng." ³⁵ Yeso ka chew wa ne, "Mi, yi beh fo'ofo ma nchimu; bah na yuana bam nsalla ko do woli sa, bah na pana ncgichewe ku muram, was mu'uru ko do pi'i sa. ³⁶ Wu gir bah yi Dah panayam a ho yo bam, bah na yuana bam mo do buhi to'o sa. ³⁷ Mani yi gir ba yi tuma mi njila, ne mo'on ku ciri bah yi pana yam do borso sa, ne mo lo'otso ya ku missa ma maarsai. ³⁸ Yuana i yo kalang, do chew nda pa'a gir ma ka'amuram sa, yuana nda pa'a gir ma bah tuma mi. ³⁹ Mani yi gir bah yi tuma mi njila, ne mo'on ku ciri bah yi pana yam do borso sa, ne mo lo'otso ya ku missa ma marsai. ⁴⁰ Mani y njele ma Dah ne, bah na suna beh muni ka pana ngichewe ku muri, ko kum nchimi ma hueng. Ko bassa lo'oshi ku duk missa ma marsai. ⁴¹ Wu Farisiyawa a ning ku nda newe ku muri chew bah lo'ana ne, "Mi yi beh fo'ofo ba yuana i yo kalang." ⁴² A chew ne, mini do yi Yeso mun Yusufu, bah Tari i ngyi su shi'ila ya sa?" I pa'alan ka chew i mani ne, mi yuanai yo kalang? ⁴³ Yeso yer wa ne, Wu ma ningyi newe i yir wun sa. ⁴⁴ Bwara ko do ngi yo bam sa, shee yi Dah ba tuma mi ko wari yo, mo lo'oshi yiwa ku duk missa ma marsai. ⁴⁵ A ngwa'ala ku mpuknsheme mau bah sun duwa ne, wu bapina bwang Baku ko sah wa. wu ba na wa'ana i yo bah Dah, ka bassa yi'ila, ko yo bam. ⁴⁶ Do ne bwara wo suna yi beh Tari sa shee yi bah na yuana i yo ho Baku yi suna beh Tari. ⁴⁷ Ngi chewe mu mur chew wunu, bah na pa'ana ngichewe ko kum nchimi ma hueng. ⁴⁸ Mi yi fo'ofo ma nchimu. ⁴⁹ Wu tarwu a wo li manna ku ciri to'o, a wa'aha. ⁵⁰ Mani yi fo'ofo bah yuanai yo kalang. ne, bwara ko ngi bono li ko do wuh sa. ⁵¹ Mi yi fo'ofo ba ii nchimi i yo kalang. Bwara ba na bonam lina ko kum nchimi ma hueng. Beh fo'ofo bah mo pa wun, yi ngyam yiram ma chew chimu wu tah ramuan." ⁵² Nchim beh wu Yahudawa ka suhu i yirya a ning ku nda li nan, a mur chew ne, "I lan sono mani ka ho pasu ngyam yiri ne su she'ele?" ⁵³ Yeso ka chew wa ne, "Ma ngichewe, she bah shi'ina ngyam yir mun bapina i nuh shilai bwa, ko do kum chimi ku yiri sa. ⁵⁴ Bah na shi'ina ngyam yiram, ka nuna shilam ko kum nchimi ma hueng, mo bassa lo'oshi yiwa ku duk missa ma marsai. ⁵⁵ Mamgichewe ngyam yiram yi wusu, shila yiram yi mu'uru nuh ma ngichewe. ⁵⁶ Bah na shi'ina ngyam yiram ka nuna shila yiram, ko ning ku yiram, mi bwa mo boro ning ku yiri. ⁵⁷ Bene yi Dah bah nchimi tuma mi, bene ba mi i shimam chew yi beh Taram, bwara ba na shi'ina mi, ko kum nchimi chew mi. ⁵⁸ Mini yi fo'ofo bah yuanai yo kalang, do bene ba wu Tar wun li wa'aha sa. Bah na lina fo'ofo mani ko kum nchimi ma hueng." ⁵⁹ Wu ngya'a lo'o mani, Yeso so lo'o ku duk missai ba i mur sah sah wa bapina ku ka'ana nere Baku ku Kafarnahum. ⁶⁰ I yo ciri wu muna ye'elei wu bapina bwana wo'o, a chew ne, "Sahsah mani ko ning ma zwamg; yen ko yer i yi?" ⁶¹ Yeso ka she'ele ku nchimi ne wu muna ye'elei a mur newe ku mur gir mani, ka chew wa ne, beh gir mani suha nchim wun? ⁶² Ko ning wun lan wuna suna mun bapina i mur shen mashen kalang bana bah i wu purai yo ho? ⁶³ Yi mpilar yini i pah nhimu, ngyam yiru i do tum gima sa, Beh lo'o bah luanma wun, ya mpilar, ya nchimu bwa. ⁶⁴ Wu gamuri ha chiri wun bah a do shi pa'a ngichewe sa. "Yi Yeso wo shi'ila i yo chikchi'i wu bah a ho do pa ngichewe sa, i bah ko boli kur i yi. ⁶⁵ Ka chew ne, ku ta'a gir mani, yi ba wu chew wun ne, bwara ko do ngi yo bam sa shee yi Tarsu ma kalang na panai nshere." ⁶⁶ Ku chew gir mani, bwana ku chiri muna ye'elei a wo gau ban kwanshere ya, a do ngi war chi'i sa. ⁶⁷ Yeso ka chew wa lum i kuni baring ma ne, "Wu njila kwanshere kpa ya wun, ⁶⁸ Siman Bitrus ka yer yi ne, "Bwajeh su ya'a shen bah yen? we i lo'o ma nchimu ma hueng, ⁶⁹ Su pa'a ngichewe, i she'ele ne, we ma shimai mun Baku." ⁷⁰ Yeso ka chew wa ne, "Do mini kahwa wun, wu lum kuni baring sa? mo'on wun yi bah kila." ⁷¹ Wu mur lo'o ku mur Yahudawa mun Siman Iakariyoti, yi ni mo'on ku ciri wu muna ye'elei lum kuni baring bah kurai i Yeso.