¹ Ku nzum bili ka ji i missa kam muru (Idi) mawu Yahudawa, Yeso ka la'ahun shen mashen Urushalima. ² Ku Urushalims, pwer i kun ka'ana wu nzur, Nki mu'uru magina ho banai bah ai tu'uli i Ibriniyawa ne Baitesda, i lassu mau Yahudawa; ii tabong tongnung ³ Wu bapina bwana bah a kwa'anga yirya, wu bah misya tahwah, wu bah gba'aya bu'unga, wu bah yir ya zwasa, ai nongyo ta'ara ne, a su'uru beh mu'uru. ⁴ I yo duk missa i missai Maleka Baku i yo su'ulu yo su'uru beh mu'uru ku duk missai mo'on; bah na pak bwara duwa missai bah a su'ura beh mu'uru, ko'ongo yi, mu'uru ma ko zusu so'oto'o i yi bwang; ko na ko'ongo man. ⁵ Bura magina ho ciri ya bah nuangya ko'ongo ba'a lum tarung i kuni ya'anga. ⁶ Yeso ka suni nuangna ho, ka re'eshe ku nchimi ne sono mani ningna mgbang ho banai, ka chew yi ne, "A njila ne yiro bunuyere ning shima?" ⁷ Bura bah ko'ongo ka yer yi ne, "Bwajeh, mi do i bwara ba i kumam bor i mi ku beh ciri mu'uru sa; a na su'ura ma. Na ne mu la'ahun boro, bwara i kasam dduwa." ⁸ Yeso chew yi ne, la'ahun yiwa, toh gir nongyo ngyo shene." ¹⁰ Wu Yahudawa a chew yi bah Yeso zus ko'ongo yi sua to'o ne, "Lina duk missa ningyi nere Baku, Kukut do yira ne bapina tol ban nongyo sa." ¹¹ Ka yer wa ne, "Yi bah zus ko'ongo yam su'a to'o yi chiwam ne, mu toh ban nongyo yam kwanshere." ¹² A mwi ne, bura mahe bah chewau ne, tolo kwanshere?" ¹³ Beh bura bah a wu zus ko'ongo yi so'oto'o do she'ele bapina bah zussai beh ko'ongo yi suana to'o sa, Yeso wo la'ahun ji'inga banai ku swarmai chew wu zam a wo ho bwana. ¹⁴ Do ning gbang sa, Yeso ka kumi ku ka'ana nere Baku ka chew yi ne, "Sunu yiro bwangya ma! A mi do bassa a pa'a gir biwa sa, ne, gima ma biwai do bassa kumo sa." ¹⁵ Bura ma ka la'ahun kwanshere sa chew wa Yahudawa ne, yi Yeso ma yi wo yes beh ko'ongo yam kau. ¹⁶ Chew wu gir mani wu Yahudawa ning ku nda mah kun Yeso, chew ne pa'ana wu gir mani duk missa ningyi nere Baku. ¹⁷ Yeso ka yer wa ne Dah i mur pa'a tumu i mani, mi, bwa mu mur pa'a tumu." ¹⁸ Chew mani, wu beh Yahudawa pe'e nshere ne a woli chew ne, i suha duk Baku ne yi Tati, mani twala muri ningya kahkah i Baku. ¹⁹ Yeso ka yer wa ne, ma ngichewe, bah mun ko do ngi pa'a gir i ka'amuri sa, shee na suna gir ba Tari i mur pa'a; gir ba Tari na mur pa'a, yi beh muni ko pa'a kpanaa. ²⁰ Yi beh Tari njila beh muni, yi ma ka sanai wu gir bwang ba yi i ka'amuri i pa'a, ko rumi i gir bwang bah gana beh bah wu suna ma ne, wo fa'aha kun wun. ²¹ Bene bah Tari i lo'oso wu ba a wa'aha ma pawa nchimya, muni bwa ko pa nchimu yi bwara bah na njila. ²² Yi Tari i do reng chewe yi bwara sa, i pa'ana reng chewe bwang yi muni. ²³ Ne wu bapina bwang toh lu'ulu muni yiwa bene bah ai toh lu'ulu Tari yiwa. Bah na do twala lu'ulu muni yiwa sa, i do tol lu'ulu Tari yiwa sa beh bah tumai. ²⁴ Ma ngichewe, ba'a na wa'ana lo'o yam ka pa'ana ngichewe i beh bah tuma mi, ko kum nchimu ma hueng, a ho do reng yi chewe sa, i rege bwa'ala wuh mashen nchimu. ²⁵ Ma ngicewe mu mur chew wunu ne duk missai wuna, i mani, wu bah a wa'ahama a ho wo'o jim mun Baku, wu bah na wa'ana a ho bunuyere kum nchimya. ²⁶ Bene bah yi Tari i nchimi ku ka'amuri, ko pi muni ne i ning i nchimi ku ka'amuri kpana, ²⁷ Beh Tari pa'ana yi muni ngyarngya ne, i reng chewe chew bah yi mun bapina. ²⁸ Wu ma fah kunwun ku ta'a gir mani sa, missai wuna bah wu bapina ba a lissa ya ku mpukshi'ila a ho wo'o jimi. ²⁹ A ho la'ahun puru. Wu bah pa'ana gir shima a ho la'ahun mashen nchimu, wu bah pa'ana gir biwa a ho la'ahun mashen ma reng chewe. ³⁰ Mo do ngi pa'a gima i yo ka'amuram sa. Na wa'ama, yi bah mi rengye; rng chewe yam i ma ngichewe, mi so war ta'a gir bah nchimam chiwam sa, mu war ta'a gir bah nchim ba tuma mi chiwam. ³¹ Na pa'ana she'ele ku mur ka'amuram, pa she'ele yam i doi ngichewe sa. ³² Bwara yi ko pa she'ele bah ko pa ku muram ko ning ma ngichewe. ³³ Wu tuma mashen ba'a Yohanna, yi pa'ana she'ele ma ngichewe. ³⁴ Beh pashe'ele bah ya'ana i do yo bau bapina sa. Mu mur chew wun gir mani ne wu kum nshere taa puru. ³⁵ Yohana wo bissa ba i li bungban, ku chiri bungban yi, wu yiora ne wu ning i bong nchiwun ku chiri beh bungban yi chige'e. ³⁶ Beh pa she'ele bah mi yi bwana gana ma Yohana, chew tumu bah Tarsu pana yam ne mu pa'a, beh tumu bah mi pa'a, pana she'ele ku muram ne, yi Tarsu yi tuma mi. ³⁷ Beh Tarsu bah tuma mi, i ka'amuri pana she'ele ku muram. Wu do wa'ajimi ke, sunai ne, na ya'a lan ku missai magina sa. ³⁸ Wu do i ngya'a lo'o yi ku chiri bum wun sa, chew bah wu do pa'ana ngichewe ku mur beh bah tumui wara. ³⁹ Wu mur reng bee mwara mpuknsheme chew bah wu mur sun bene ku buhi wo kum cchimu ma hueng, yi beh mwara mpuknsheme pana she'ele ku muram. ⁴⁰ Wu do yira ne wu y bam sa, ne wu kum beh nchimu ma hueng. ⁴¹ Mi do ya'a li lem ku yo bawu bapina sa. ⁴² Mi shi'ila ne wu do i njelle ma Baku ku nchimwun sa. ⁴³ Yuana ku chiri lu'ulu Dah, wu do ya'ana mi sa. Bwara gbirai na yuana ku jchiri lu'uli wo yi buhu baring. ⁴⁴ I pa'alan wa pa ngichewe, wun bah wui ya;a li lem i yo bawu yirwun, lilem ba i yo ba Baku yi ma shimai, wu o pi'inai sa? ⁴⁵ Wu ma sun ne, mo war chewe wunmashen bah yi Dah. Beh bah wu war chewe wun yi Musa, yi bah wu ma'ana nchimwun ku muri. ⁴⁶ Wu na pa'ana ngichewe i Musa, wo pah ngichewe i mi bwa, yi ngwa'ala lo'o ku muram. ⁴⁷ Wu na do pahna ngichewe ku mur lo'o yam?"