¹ Beh Bilatus ka to Yeso shen ne a limi i gban. ² Wu bah ta mwarang a karma kata ma zwe a yish yi ku muri. A yish yi twan pulung pulungyi. ³ a ningyi nda shen bii, a mur hew ne, "su mur za'aro gom mawu Yahudawa a ngyii ku mur mishi ⁴ Bilatus basa puru yo chew wa Yahudawa ne "Wu sunu, mu pur wun i yi ne wu she'ele ne do ku mai io girbiwa gima sa. ⁵ Yeso puru, yisa be kata ma zwe i beh twan ku yiri, Bilatus ka chew wa ne, "Beh bapina yi mani." ⁶ Kasa ma wu jeh mau ba sahsah i wu bah tumu ya suni, a ngya kunya chew ne wu ge'eri, wu ge'eri!" Bilatus ka yer wa ne "wu ari sa ge'eri," Na mi do suna gir bah mu rengyei yi sa." ⁷ Wu Yahudawa a yer yi, a chew yi ne sui kukut ma basu, beh kukut bili ne i ningya gba'a ne ku wuh chew bah ne yi mun Baku. ⁸ Bilatus ka wo'o gir mani, ka gishi bang ji'iri. ⁹ Ka bunuyere bwor mashen bum lah bana tumu kpa ka mwe Yeso ne, A ya pura iyo he?" Yeso do chew yi ne gima sa. ¹⁰ Yi Bilatus ka chew yi ne, "Wu mur be'ene lo'o i mi?" A do shi'ila ne mi ngyarngya ba mu tah buho i ngyarngya ba mu gi'iro sa?" ¹¹ Yeso ka yer yi ne, "We do i ngyarngya ku muram sa shee ba ana panau iyo kalang. Na nah beh bah bwala mi panau i gir biwa ma bwanai gana ma bwo." ¹² I yo banai, Bilatus pe'e nshere ba i ma'a buhi, ya wu Yahudawa a ningyi da ngya'aha kunya chew ne "a na ma'ana buk bura mani, we do mwan Kaisar sa, yi bah nane yi gom, do yira i Kaisar sa." ¹³ Beh Bilatu wo'o wu lo'o mani, pur i Yeso mashen nzah, ka sa ning ku gir ningya ma bah rengchewe, ku bana bah ai tu'ulu ne "Dabe i las Yahudawa yi ni Gabata." ¹⁴ Wu duk girshi Paska ka yo i wu bene bolo tansah. "Bilatus chew wa beh wu Yahudawa, "Wu sunu, beh gom wun yi mani." ¹⁵ A ngya'aha kunya, "Kwa nshere iyi, kwa nshere iyi, sa ge'eri! Bilatus mwe ya ne "Ma ge'ere beh gom wun?" wu mwa'ara ba sahsah a yer yi ne, "Su do yi gom sa kpama kaisar ¹⁶ Bilatus ka pawa Yeso ne a sa ge'eri, ¹⁷ A war Yeso pur iyi mayo nsaa, twala beh gana nguni ma a kpangyi ho i ka'amuri mashen bana magina bah ai tu'uli ne "Bana ma kormuru," ba i las wu Yahudaw ai tu'uli ne Golgota." ¹⁸ A kpang Yeso ho banai iyi wu bapina baring, mo'on ku buhi ma musum mo'on ku buhi ma li, Yi Yeso ku chichirii. ¹⁹ Bilatus yima ngwo'olo shen kpang ho beh gana ngo'oro, a wo ngwa'ala ne: YESO MA NAZARAT GOM WU YAHUDAWA. ²⁰ Wu Yahudawa bwana a bal beh ngwo'olo chew bah ban bah a kpangna Yeso wo pwer i ciri ram. Beh ngwo'olo a mur ngwa'ala i la wu Yahudawa, Romawa, i wu Grikawa. ²¹ Beh bwajeh wu ba sahsah mau Yahudawa chew yi Bilatus ne, "A do ngwo'olo ne "Gom wu Yahudawa sa,"" ne yi mani chewa ne, "Mi gommau Yahudawa" ²² Bilatus Yer yi ne ''gir bah ngwa'ala, ngwa'alama." ²³ Wu bah ta mwarang ba a wo kpan Yeso a kau wu twanyi gawa pur gu twan a so swarai sa, a ta'anai mo'ona ku yo muri mashen kulmu. ²⁴ A chew wa yirya ne; "Su do saani sa, su dang buksu ne su kum bwara ku ciri su bah ko mumu." Nani pa'ana ne beh lo'o Baku rutsa bah chiwa ne, "A gawa twanya twan yam i yirya, a dangya bukya ku ur twan yam." Yi gir bah wu bah thmwarang pa'a ²⁵ Wu bah awo chi'ila ku kang gana ngo'oro Yeso wo Ngyi, i sa'angi ngyi, Maryamu maam Kiliyobas i Maryamu Mgadaliya. ²⁶ Yeso ka sun ngi i mun ye'ele tumui bah njilai, chila ho pwer, ka chew yi ngyi ne, bahmaam, sun, muno!" ²⁷ Ka chew yi mun ye'ele tumui ne, "Sun, yi ngo!" I yo banai beh mun ye'ele tumui toli wa mashen li. ²⁸ I nsum mani, she'ele ne wu gir malama, chew ne lo'o Baku yi lo'o Baku ka rutsu, "Yeso ka chew ne, was mu'uru i mur walam." ²⁹ Ho banai a wo chiha kore i mu'uru ma yangnai gho bwi, a wo kur soso ku gara ma guli a yis ho beh mu'uru ma yangnai a tol yiwa chihi ku kuni. ³⁰ Yeso, i ku mur nuh beh mu'uru ma yangnai ka chew ne, "I malama." ka do'o su'ula i ka'amuri ka woso so'o ma'a buk mpilar yi. ³¹ Wu Yahudawa, chew bah wu ningya missa girshi ban, a do yer ne beh loh wu bah a gi'ira ya ningy wa ho ku beh gana nguni mashen ban fah sa, a mwe Bilatus ne a bu'ungu gba'a ya ne a su'ulu i ya. ³² Wu bah tahmwarang ma mo'on i ma baring bah a gi'ira ya i Yeso ³³ A mur yo ba Yeso a sun ne, i wuahma a do bu'ungu gbi'i sa. ³⁴ Mo'on ku yo ciri wu bah tah mwarang swa zangyi i kongyo, muni muni shilah i mu'uru pak ku nda puru. ³⁵ Beh bah sun gir mani, pahna she'ele, yi pa she'elei ningha ma ngichewe. I shi'ila ne gir ba yi suna ma ngichewe ne wun wu pah ngichewe. ³⁶ Beh wu gir mani pa'ana ne lo'o Baku ka rutsu, "mo'oho mo'on ku yiri ko do bun sa." ³⁷ Kpa, mo'on mpuknsheme Baku chewa ne, "A ho sun beh bah a swanai." ³⁸ Wu gir mani a bwo'olo Yusufu ma Arimatiya, wu mun ye'ele tumu ma Yeso (Ka yo ku swarmai chew bah wo mur bang ji'iri wu Yahudawa) ka mwe yi Bilatus ne, ko ngi to lo Yesu i yo banai, Bilatus ka yer yi. Yima Yusufu ka yo tol beh lo yiri. ³⁹ Nikodimu j=kpana, yi ba wo pak yo bah Yeso i duhu wo wara myrrh i aloes beh lu'uri jina mpus mu'uru lum gba'a lum. ⁴⁰ A to. yir Yeso, a karmi i twan ma puhi, i muru ma rumngishi ma shimai bene ba wu Yahudawa ai lishi wu bapina. ⁴¹ Ku bana ba a wu gi'irai, mu swah magina wu ho beh sah piwi mpuk shi'ila wo ho banai ba a do shi lisa bwara ho sa, ⁴² Wu juk girshi girshi mau Yahudawa, beh ban lishi wu bapina wo ho pwer, yima a ma'a Yeso ho banai.