¹ Yeso wo malla i wu ngya'a lo'o, ka la'ahun i wu muna ye'elei a shen mashen bah bol ma kidron, bana bah swa magina ho, yi i wu muna ye'elei a sa boro ning ho banai. ² Yahuda bah wu be'ene Yeso, i shi'ila beh swa bili, chew bah Yeso i wu muna ye'elei a wui shen banai. ³ Yahuda ka shen beh swa ma i wu bah tah mwarang, i wu bah pa'a tumu ku bah bwajeh ma ngwo'olo, i wu Farisawa. A wo shina i wu bissa ma sun ban, i wu ka'ala lwabura. ⁴ Yeso, wo shi'ila bwang gir ba ku yo nda kumi, ka pur mashen parai mwe ya ne, "Yen bah wu njila?" ⁵ A yer yi ne, "Yeso ma Nazarat." "mani mi yi," Yeso ka chew wa (Yahuda ba buri ma wu chila ho i ya.) ⁶ Yi Yeso bah chew wa ne, "Mani mi yi." a tah pura i ma nzumya kwa'aha ku nza'a. ⁷ Ka bassa mwe ya ne, "Yen bah wu njila?" A chew ne, "Yeso ma Nazarat." ⁸ "Chiwa wun ne, mi yi. Yeso ka yer wa. "wu na mur pe'e banam, wu ji'ingi wu bapina mani ne a kwanshere ya." ⁹ Gir mani pa'an na ne, lo'o bah yi luana ku yo ning na (Ku rutsu) "Wu bah a pah yam magina ya do bwarsa sa. ¹⁰ Siman Bitrus wo wara be'eu rijing, ka wuk be'eu rijing ma kor bumbur korom ma bwajeh mau bah ngwo'olo tolo; wo bumpuri ma buhi mali. ¹¹ Yeso ka ma'a Bitrus ne, "Bunuyere yis be'eu rijing ma ho li! Gir-feng ba yi Dah pana yam mu do nuh sa?" ¹² Wu bah lwabura i forong ya, i wu jeh mau Yahudawa a bol Yeso kuri. ¹³ A wari shen bah Annas dwa, yi wu shel kaifas bwajeh bah njel mau bah ngwo'olo beh ba'a bili. ¹⁴ Kaifas yi wo pahkuni wa Yahudawa ne, I bongyo gana bah bapina mo'ona ku wuh chew wu bapina bwana. ¹⁵ Simon Bitrus i mo'on ya ku chiri wu muna ye'elei, a wo wara ta'a Yeso. Beh mo'on mun ye'ele Yeso, yi bah njel mau bah ngwo'olo shi'ilai yi a yer yi boro war ta'a ya mashen ho ciri para lah beh bwajeh mau bah ngwo'olo i wo Yeso. ¹⁶ . A wo do yer yi Bitrus ne i bor mashen chiri para lah sa; ka chele wa mi ku nsa. beh mun ye'ele ma Yeso ba bwajeh ma ngwo'olo shilai ma ka bunuyere pur mashen nsah sa lo'o yi musari bah ning lele ku kun ka'ana ka war Bitrus bor mashen bum para chiri lah. ¹⁷ Musari bah ning lele ku kun ka'ana ma ka mwe Bitrus ne, do mo'on ku chiri wu muna ye'ele bura ma sa, ke we mo'on ya? Bitus ka yer yi ne, mi do mo'on ya sa. ¹⁸ Polo wo mur chihi, wu korom i wu bah pah tumu(Wu dogari) a ningyi karngya bissa bah a lu'ura, a mur wo'o chew polo. Yi Bitrus bwa wo chila ho i ya i mur wo'o beh bissa kpana. ¹⁹ Beh bwajeh mau bah ngwo'olo ka mwe Yeso ku mur wu muna ye'elei i nza nsah yi. ²⁰ "Do lua'ana ku swarmai wa taraman sa," Yeso ka chew wa. Mi sahsah gbeng gbi gbeng ku ka'ana nere Baku, bana bah wu Yahudawa ai kam murya bwana ya. Mii do lo'o ku swarmai sa. ²¹ Man i pa'ana a mur mwam? "Mwe wu bah ai wo lo'o yam. ma ngi chewe a shi'ila gir ba mii chew wa." ²² Yeso ka chew gir mani, mo'on ku chiri wu bah tumu mau Yahudawa wu ho pwer i yi, ka toh buhi ngyi ku mur mishi. Ka chew ne," I lan a mur lo'o yi bah njel mau bah ngwo'olo bene mani?" Ka mwe. ²⁴ Yi Annas sun na'a, ka tur yi Yeso, a wu shi kurai, mashen bah Kaifas bwajeh ma bah ngwo'olo. ²⁵ Simon Bitrus wu chila i mur wo'o bissa, a mwi ne, we do mo'on ku chiri wu muna ye'ele bura ma sa, ke we mo'on ya?" Ka tun kun ka chew ne, "Mi do mo'on yasa." ²⁶ Mo'on korom ma bwajeh mau bah ngwo'olo, mu'uruh son bah a wu kor pumuri ma buhi ma li to lo ma, ka sun Bitrus she'ele ka chew ne, "Mine wu suno i yi ku swa ma?" ²⁷ Bitrus ka bassa tum kun, ku banai ku ko'oro ka ning ku nda tongyo. ²⁸ Wu beh Yahudawa a wa Yeso yo bah Kaifas mashen lah Gomna mau Romawa ban wo tahpwer ma fah, ya i kamurya a do bor bum chiri lah sa, a bangya ji'ingi meng to'ongo bah ko pirya ku li paska beh duhi bili. ²⁹ Yi Bilatus ka pur yo ho bwi mayo baya ka mwe ne, Gir biwa man bah wu mua bura mani i yi?" ³⁰ A yer yi ne, "Na do yi bah pa'a gir biwa sa, so do wari yo bwo sa." ³¹ Bilatus ka chew wa ne, wu toli i ka'murwun sa rengyi chewe i kukut ma wun." Wu Yahudawa a chew yi ne su do i rengye bah su ge'ere (wol) bwara sa." Wu Yahudawa a be'ene lo'oi. ³² Gir mani ning naa ne lo' bah Yeso wo chewe ku mur nshere wuh bah yi ko yo wuh, ku y ning naa (Ku rutsu). ³³ Bilatus bunuyere shen mashen bum ciri lah, ka ma'a Yeso ne i sa pari bo bwi, ka mwi ne, We beh Gom mau Yahudawa?" ³⁴ Yeso ka mwi ne, "she'ele ma ka'amuro, ke, wu bwara luana wo ku muram? ³⁵ Bilatus ka yer yi ne, A suna mi ne mi bura Yahudawa? Wu lahwun i wu bah ngwo'olo ya waro yuana bam. ³⁶ Yeso ka chew ne, lam ma kalang do ma taraman sa; ka ma bari wu korom yam a ho chele lilam ne wu Yahudawa mi bwlam sa. lahm ma kalang i ku gigeng." ³⁷ Bilatus chew ne, "Suna we Gom." Yeso ka yer yi ne, A chiwa kahkah, mi Gom, ma ngihewe chew bili a bla mi, chew gir mani nga yuana taraman nda pashe'ele mashen ngichewe. Bah na ku kangyi ma ngichew ko chele wo'o lo'o yam. ³⁸ Man yi ngichewe." Bilatus ka mwe. I gir mani ka bunuyere kpa mashen bau wu Yahudawa sa chew wa ne, "D kumai i gir biwa bah a boli kpang, ke a mi ne i li lulusa. ³⁹ Ningya lassu wun ne mu tah buk bapina mo'on ku yo nengye wun ku duk missa paska. "Wu yira ne mu ma'a buk yi Gom mau Yahudawa?" ⁴⁰ A mgya'aha kun ya ne, "Ww, do yi sa! pasu Barabas." Barabas yi wo mwara bah nshiwi.