¹ Wu gir mani mu mur lo'o wunu ne, wu ma nga gba'awwun kwa su'ula sa. ² A ho toh ta'a wun pir ku yo ka'ana nere Baku. Missai wuna, bwara bah na ne i wol wun, ko re'eshe ku chimi bene i mur pa'a yi Baku tumu. ³ A ho pa'a gir mani chew bah a do shi'ila yi Dah i mi sa. ⁴ Wu lo'o chew wu gir mani wunu ne, missai na yuama, wo re'eshe ne wu chew wunu ku mur ya. wu do chiwa wun gir mani ku yo chichik sa chew bah wu shi ⁵ I mani mu shen mahen ba bah tuma mi, bwara ku ciri wun do muna mi ne, "Wu ya shen mashen he?" ⁶ Chew bah chiwa wun wu gir mani, nchim wu suha ma. ⁷ Ma ngichewe mu mur chew wunu ne, ko bongyo gan wunu, ne, mu kwanshere. nah di shina sa, beh bah kum wun do yo shina sa, beh bah kum wun ko do yo bawun sa, na shina, mo sa turi mayoo bawun, ⁸ Na yuana, ko ngyarngya yam yi taraman ku mur pa'a girbiwa, ku mur gir shima, i ku mur rengchewe. ⁹ Ku mur girbiwa, chew bah a do pa'ana ngichewe i mi sa. ¹⁰ Ku mur pa'a girshima, chew bah mu shen mashen bah Dah, wo do bassa sunam kpa sa. ¹¹ K mur reng chewe, chew bah a ringna yi Gom ma Taraman chewe. ¹² Mi wu gir bwana bah mu chew wunu, wo do she'ele ya i yi mani sa. ¹³ Yi beh, mpilar ma ngichewe, na yuama, ko rum wun i nshere mashen ngichewe, ko do lo'o i yo nchim bwi sa. Ko chew girba i wa'ana, i wu gir bah a ho yo. ¹⁴ Ko toh lu'ulam yiwa, chew bah ko toh gir bah ningha ma bam ka chew wunu. ¹⁵ Wu gir bwang bah yi Tarsu ii yi ningha ma bam. Na ningha nah, mu mur chew ne, yi mpilar ko toh gir ba ningna mam ko chew wunu. ¹⁶ Ku ciri missai chigee wo do bassa sunam sa, na yo ningha duk missai magina chigee wo bassa sunam." ¹⁷ Wu gamurya wu muna ye'ele tumui a reng i yirya ne, "Man bah ka mur lo'o su na, ne, "Ku ciri missai chige'e wo do bassa sunam sa, na yo ningha duk missai magina chege'e wo bassa sunam," i, chew bah shina mashen ba Dah?" ¹⁸ A ningyui nda mwe, a chew ne, man bah ka mur chew ne, ku chiri missai chige'e? Su do shi'ila gir bah i mur lo'o ku muri sa," ¹⁹ Yeso sun ne a njila mwi chew gima, ka chew wa ne, yi bah wa shi mur renghe i yir wun, bah chiwa ne, "Ku ban chige'e wo do bassa sunam sa, i ku ban chige'e wo bunuyere sunam kpa? ²⁰ Ma ngichewe, ma ngichewe mu mur chew wun ne, wo zolo suhu nchim wun yi Taraman ko bong nchimi. nchim wun ko suhu bwana, a ma bee suhu nchimwun ko bunuyere ning bong nchimu. ²¹ Na mur li mis bamaam ku nda bila, ncimam i suhu chew bah duk missai nda ma na bila beh bamun, ko do bassa re'eshe i lulu bah yi li na sa, chew bong. nchimi ne a bila bapina mayo ha Taraman ²² nchim wun ko suhu i mani, mo bassa sun wun kpa. ko bong nchim wun, bwara ko do ngi ra'atsa ke toh wunu beh bong nchimu i yo bawun sa. ²³ Ku duhi bili wo do mwam chew gima sa. Ma ngichewe, ma ngichewe, mu mur chew wunu ne, wuna muna gima i yo ba Dah i lu'ulam, ko pa wunu. ²⁴ Wu do sh mwa mi gima ku chiri lu'ulam sa. wu mwe, wo kumu ne, wu rutsu ning i bong nchimu. ²⁵ Chiwa wunu gir mani i lo'o ma waramai, missai wuna bah mo do lo'o wunu i lo'o ma swarmai sa, mo lo'o wun ku reng-rengye ku mur yi beh Dah. ²⁶ Ku chiri Duk missai bili wo mwe ku ciri lu'ulam; mi do mur chew wun ne, monere yi Dah chew wun sa. ²⁷ Yi Dah i ka'amuri njila wun chew bah wu njila mi, i hew bah wu pa'ana ngichewe ne, yuana i yo ba Dah. ²⁸ Yuan i yo ba dah, yua ha ku chiri Taraman. Mo la'ahun ji'ingyi beh Taraman shen mashen ba yi Dah." ²⁹ Wu muna ye'elei a che ne, "A shi sunu, mani wu mur lo'o ku reng-rengye yi, we do mur lo'o ku swarmai sa. ³⁰ Mani su shi'ilma ne a shi'ila wu gir bwmag, a do jila ne bwara mweu chew gima sa, chew wu gir mani su pahngichewe ne a yuana i yo ba Baku." ³¹ Yeso ka yer wa ne, "Wu pah ngichewe i mani? ³² Wu shi sunu, missai wuna, ii, i yuama, wo kpasang murwun, ko yen mashen lih, wo ji'ingam louama. A ma mi do loyahm sa, yi beh Dah i ha i mi. ³³ Mu mur chew wun wu gir mani ne wu kum pol ku'uh ku nam. ku taraman wui pe'e chewe, a ma nchimwun do suhu sa, ngyarngya gana Taraman."