¹ "Mi nguni Anab ma mina, Dah yi bah komo. ² Wu gbaram bah nai do bil wu muni sa, i ye'ere ya so'otoh, i girshi wu gbari bah ai buhi ne a bil wu muni bwana. ³ Wun a zussa wun wu ningya wu piwi bapina chew bah wu wa'a lo'o Baku bah chiwa wunu. ⁴ Wu ning i mi, mi ma'a mu ning i wun. Bene bah gbar nguni ko do ngi bil wu muna muni loi sa, shee na ningya ho ku beh yir nguni, wun ma wo do ngi ning lo'owun sa, shee wu nah ningya ha i mi. ⁵ Mi yi bee ta'a nguni, wun wu beh gbari. Bah nah ningya ha yiram, mo ning i yi ne, i bil wu muna muni bwana, wu na do i mi sa, wo do ngi pah gima sa. ⁶ Bwara bah na do ningya i mi sa, a wo toli bukto'o bene gbar nguni, na yumama, a ho kam murya kau ya so'o ku bissa ton ya. ⁷ Wuna ningya i mi, i lo'o yam ningya ho nchim bumwun, wu mwe gir ba ncimwun njila, a ho pa'a wunu. ⁸ Bana bah ai toh lu'ulu Dah yiwa yi mani, wu bil wu muna mun bwna, ne wu ning wu muna ye'ele tumu yam. ⁹ Bene bah yi Dah njila mi, mi maa njila wun. wu ning ha ku chiri njele yam. ¹⁰ Wu na wara kukut yam, wi ning ku chiri njele yam, bene bah wara kukut ma Dah, i ningya ku chiri njellai. ¹¹ Lua wunu beh lo'o mani ne, bong buam i ning i wun, ne, bong bum wun bwai rutsu. ¹² Wu kukut yam yini mani, ne, wu njel yirwun bene bah njila wun. ¹³ Bah njelle ba gahnah mani, bah bapina i ma'a nchimi shu'ula chew wu mwani. ¹⁴ Wu ningya wu mwanam, wu nah mur pah wu gir bah chiwa wun. ¹⁵ Mo'o do bassa tu'ulu wun ne wu korom sa, wu korom ai do she'ele gir ba bwajeh ma lah i pa'a sa, tu'ula wun ne wu mwanam, chew ne, girba na wa'ana ko yo ba'a Dah, mii chew wunu. ¹⁶ Wuni wu do twala mi sa, Mani twala wun gba'a mana wun ne, wu sa bil wu muna mun ne, beh wu munwun ning ham. I ning nah ne, gir ba wuna muna i yo ba Dah ku lu'ulam, ko pa wunu. ¹⁷ Wu gir mani mumur chew wunu, ne wu njel yir wun. ¹⁸ Taraman na bina wun, wu she'ele ne, i wu bina mi, ka yo bina wun kpanaa. ¹⁹ Wu na ningha ma Tah raman, beh Tahraman ko njel wun ne, wu ma bii chew bah wu do ma taraman sa, mi kawa wun i yo chiri Taraman sa, mi kawa wun i yo chiri tahraman, chew bili, yi be Taraman bina wun. ²⁰ Wu re'eshe i lo'o bah chiwa wun ne, korom do gana bwajeh ma lih sa! A na ma'ana mi lina lulu, a ho ma'a wun ne wu li lulu kpa ya wun, a na wara lo'o yam, a ho wa lo'o wun kpana. ²¹ Wu gir mani a ho pa'a wunu chew lu'ulam, chew bah a do shi'ila ba yi tuma mi sa. ²² Nga do yuana yo luana wa sa, a do pa'ana gir biwa sa, Mani a do i gir ba a chewe ku mur beh gir biwa ya sa. ²³ Bah na bina mi, i bina Dah bwa. ²⁴ Ngah do pa'ana tumu bah magina do pa'ai ku ciri ya sa, a do i girbiwa sa, mani a suna ma, a bina su bwa'asu i Dah. ²⁵ Mani i ning ne, beh lo'o bah a ngwala ku chiri kukut (Attaurat) ma i yo puru bwo'olo; "A bina mi ben mini gbirah." ²⁶ Beh bah ko kum wun na yuama, bah mo churi mayo bawun iyo ba Dah, yi beh, mpilar ma ngichewe, bah ko yo i yo ba yi Dah ko pashe'ele ku muram. ²⁷ Wun ma wo pa she'ele chew bah wu ningha i mi ku yo chikchi'i.