¹ Wu do yer ne nchimwun suhu sa; wu pah ngichewe yi Baku, wu pahngichewe mayo bam. ² Ku chiri lah Dah, wu ban ningha ho bwana' ka do na sa, ngan chiwa wun; mu shen sa girshi wunu ban. ³ Na shina ma sa, girsa wu ban, mo bunuyere yo, ya'a wun i ka'amuram; ne, bana bah na ham, wun ma wu ning ham kpanah. ⁴ Bana bah mu shen mashen ham, wu shi'ela nginshere. ⁵ Toma ka chew yi ne, Bwajeh, su do shi'ila bana ba wu shen mashen ham sa, i pa'a lan sa sh'ele nginshere? ⁶ Yeso ka chew yi ne, mani mi nginshere mani mi ngichewe, mani mi nchimu: bah bura bah ko ngi shen bah Dah su, shee na war purai bam. ⁷ Wa shi'ila mi, wo she'ele yi Dah bwa; yo hani mashen dwa wu shi'ilai, har wu sunai bwa." ⁸ Filibus chew yi ne, Bwajeh, rumtsu i beh Taro, bili nina su. ⁹ Yeso ka chew yi ne, Ningha bang ha i wun Filibus, wane a do shi'ila mi sa? Bah na suna mu, i suna yi Dah; I pa'a lan a mur chew ne, rumtsu i beh taroh? ¹⁰ A do pahna ngichewe ne, mi ku ciri Dah yi Dah ha ciri yam sa? Beh lo'o bah mu mur lo'o wunu, do lo'o ma ka'amuram sa, yi beh Dah bah ningna ha yiram yini mur pah tumu mani. ¹¹ Pah ngichewe i mi ne, mi ningha ho ciri Dah, yi Dah ningya ha ku yiram, ke, na do na sa, chew wu tumu yi paa ngichewe i mi. ¹² Ngichewe, ma ngichewe mu mur chew wunu, bah na pa'ana ngichewe i mi i tumu bau na pa'ana ngichewe i mi i tumu bah pa'ana, yi ma ko ngi pa'a kpana, tumu bah gana bah pa'ana ko pah ya; hew bah mu shen mashen ba yi Dah. ¹³ Gir bah wuna muna ku ciri lu'ulam, mo pa wunu, ne yi Dah lu'uli kum toh yiwa ku yo ba muni. ¹⁴ Wuna nira mi i wu gir ku ciri lu'ulam mo pah wun. ¹⁵ Wuna njila mi, wu war wu kukut yam bwang bwang. ¹⁶ Mi ma mo nere yi Dah, yi ko pawunu bah ko kum wun, ne, i ning, i wun, ma hueng. ¹⁷ Yi mpilar ma ngi chewe, bah Taraman do ngina yii sa, chew bah a do ngina suni sa, a do shi'ilai sa, wu shi'ilai i ningha i wun, ko ningyy ning ku ciri wun. ¹⁸ Mo do ji'ingi wun ne wu ning wu muna chiri sa, mo yo bawun. ¹⁹ Ko ning mgbang, yi Taraman ko do basa sunam sa, wun wu mur sunam, chew bah mi ha i nchimam, wun wo ning i nchimwun bwa. ²⁰ Ku missa bila wo she'ele ne, mi ku ba Taram, wun wu ha i mi mi ha i wun ²¹ Bah nai kukut yam, na warai gbang gbang, yi wassa bah njila mi. bah na njila mi, yi ko ning bah Dah ko njeli kpa yahm, mo do sormo muram ku yo bi sa. ²² Yahuda (do Iskariyoti sa) ka chew yi ne, Bwajeh, mam yi pa'ana bah a ne wo pur i ka'amuro ma yo bassu, do mayo bah yi Taraman sa? Yeso yere ka hew yi ne, bah na njila mi ko war lo'o yam gbang gbang; yi Dah ko njeli, so yo mbe, so yo ning i yi. ²⁴ Bah na do njila mi sa, ko do war lo'o yam sa, beh lo'o ba wu mur wo'o, do ma bam sa, ma Dah ba yi tuma mi. ²⁵ Beh wu lo'o bah mu mur chew wunu ma wo shi ningya ha i wun. ²⁶ Bah kum wun, yi mpilar a ngichewe bah yi Dah ko turi mayo bah wun, ku chiri lu'ulam, ko yo rum wun i wu gir bwang. ²⁷ mu mur ji'ingi wunu gur shimam pah wun gir wshima, do bene bah taraman ii pah, yi bah nga mur pah wun sa. nchimwun mi suhu sa ke wu ma ne wu banag ji'iri gima sa. ²⁸ Wu wa'ana chewa wun ne, shinna shene, ngah bunyere yua bah wun,waa njila mi, ka ho bong yirwun chew bah ne, shina mashen pah Dah, chew ba yi Dah yi Dah gana mi. ²⁹ Mu mur chew wun ma beh gir mani do shi pa'a ma sa, ne gir mani na yua wun, wu pahngihewe. ³⁰ Mo do bassa lo'o i wun bwana i mani sa, beh Gom ma Taraman i do i gima ku bam sa. ³¹ chew ne, yi Taraman sh'ele ne mi njila yi Dah, bene bah yi Dah pa'ana yam kukut, mii pii bene bili su la'ahunm shen mashen banai.