¹ Duk missa kam muru ma idi paska wu taa pwer, Yeso shi'ila ne missai yuama. bah ku puru ji'ingi Taraman bunuyere mashen ba Tari. Wu njel wu ma bi bah a wu ha Taraman, ka rumya i njele bah i yi mashen baya. ² A wo shi mur li bilah ma kurw, yi bah lere wu bapina ma (shetan) wo rege bwara nchim Yahuda Iskariyoti mun Siman, ne,so'o jingi Yeso. ³ Yeso shi'ila ne yi Tari ji'inga gir bwang ku buhi, ne, yi pura iyo bah Baku ne, ko9 bunuyere mashen bah Baku. ⁴ Ka la'ahun yiwa ho bana li bilah ma, ka so'oro twan ma yiri, ka toh twan ma ye'eshe yiru (tahwul) kur ku buni. ⁵ Ka yiu mu'uru so'o ku bum peleng, bor ku nda zu'su mgba'a wu muna ye'ele ye'elei, bor ku nda zu'usu gba'a wu muna ye'elei ka ye'eshe beh gba'aya i twan ye'eshe yiru bah wu kura ho buni ma. ⁶ Ka yo mur Siman Bitrus, yi Siman Bitrus chew yi ne, "Bwajeh, a njila zu'usu mgba'am?" ⁷ Yeso ka yer yi ne, a do shi'ila girba mu mur pa'a i mani sa; i yo duwa wo she'ele. ⁸ "Wi," Bitrus ka chew yi; wu do zu'usu mgba'am sa," Yeso yer yi ne, "na do zusau mgbo'o sa, wo do i gima ku bam sa." ⁹ Na naa bwajeh, Siman Bitrus yer yi ne, do mgba'am i loi sam wu buham, i ka'amuram zus ya bwa." ¹⁰ Yeso ka yer ne, "Bwara bah na rege zusa yiri, ko zu'usu mgbi'i gbira; yiri bwang do chiha i nghi sa. Wun wu do chiha ment yirwun sa, shee mo'on ku chiri wun bah i twa'angah yiri." ¹¹ I wo shi'ila bah ko yo so'o ji'ingyi yi bah ka chew ne, do bwang wun bah yirwun purah sa. ¹² Ka mal zu'usu mgba'ayam kau twan ma yiri yi'ishi ka bunuyere mashen ban ninghai. ka chew wa ne, "wuh shi'ila gir ba pa'a wunu mani?" ka mwe ya. ¹³ Wui chu'ulam ne, bah sahsah " i bwajeh," wu chiwa kahkah, mi yi bene bili. ¹⁴ Na mi, yi bwajeh i bah sahsah, ngaa su'usa mgba'a wun, na maa wu zu'usu mgba'a yirwun kpana. ¹⁵ Sahnah wun gir mani ne na ma wu pa'a bene ba pa'ana wun. ¹⁶ Mu mur chew wunu ma ngichewe ne, yi korom do gana bwajeh ma li sa, ke (masenja) do gana ba tumai sa. ¹⁷ Wu na shi'ila wu gir manim wo kum gir ma shimai, wu na mur pa'a ya. ¹⁸ Mi do mur lo'o ku mur bwang wun sa; shi'ila wu bah rege kawama. chewne lo'o Baku rutsu. yi bah na lina fo'ofo yam, twala njengnjeng mgbi'i yiwa i mi. ¹⁹ Mu mur chew wunu i mani, ma gir do shi pa'a ma sa, duk bah na yo pa'a ma wo pah ngichewe ne, mi yi. ²⁰ Mumur chew wunu ngichewe, bah na ya'ana bwana bah tumai ya'ana mi, ya'ana bah tuma mi. ²¹ Yeso toh chew wu gir mala, mpilar yi su'uri ka pa she'ele ne, "Mu mur chew wunu ngichewe, mo'on wun ko yo so'o ji'ingam.'' ²² Wu muna ye'elei a ning ku nda sun yirya a mur mah sahai i chi'i ne, a she'ele, na ya mahe kuciri ya bah i mur lo'o ku muri. ²³ Mo'on ku ciri wu muna ye'elei bah Yeso njeli gana ma, wu ningya ho pwer i yi. ²⁴ Siman Bitrus ji'iri muri" yi beh mun ye'ele tumu ma ka chew yi ne, mwi ne mahe ku ciri su bah i mur lo'o ku muri." ²⁵ Ka war yiri njen ku yir Yeso, ka mwi ne, "Bah jeh, ya'a yen?" ²⁶ Yeso yer ne, yi bah pa'anai bon fo'ofo bah na yisa ku bum peleng." ka yis beh bon fo'ofo ma, toh pi yi Yahuda iskariyoti mun Siman. ²⁷ Muni ho banai Yahuda i mur ya'a bon fo'ofo ma ma'ai kuni shetan para bor nchimi. "Girba a njila pa'a pi chikchi'i." Yeso chew yi, ²⁹ Yahuda yi wu bah war ngya'abolo ya, wu gina sun bene Yeso i mur balii wu gir bah i kuru chew (idi, paska,) ke, a pah gima wa bah gulbuya shiwa. ³⁰ Yahuda li beh bon fo'ofo ma, ka la'ahun pur mashen nsa muni muni, Duhu wo twanama. ³¹ Wo la'ahun kwansherei, Yeso ka chew ne, I mani a twala mun bapina yiwa, a twala Baku yiwa bwa i yi. ³² Baku ko tol ka'amuri yiwa giri, ko tol muni yiwa ku yiri, muni muni ko toli yiwa. ³³ Wu munam, mo ning i wun ma ban chige'e wo pisam boro, bene bah wu chew wa wu Yahudawa, mu mur chew wunu i mani: bana bah mu shen mashen ho wo do ngi shen ho sa. ³⁴ Mu mur pah wunu piwi chewe ne, wu njel yirwun. bene bah wu njila wun, i ningha mgba'a ne wu njel yirwun. ³⁵ Wu na pa'ana naa, wu bapina bwang a ho she'ele ne wu muna ye'ele yam. ³⁶ Siman Bitrus ka mwi ne, "Bwajeh, wu ya'a shen mashen he?" Yeso ka yer yi ne, "Bana bah mu shen mashen mashen ham wo do ngi shen ho i mani sa, wo shen ho banai ku dwa." ³⁷ Bitrus ka mwe ne, "Bwajeh, man i ma'ana ba mo do ngi war cheu i mani sa? mo shi sa pah nchimam chew wun." ³⁸ Yeso ka yer yi ne, "Wo ngi pahnchimo chew mi ma mi na? Mu mur chew wunu ngichewe, ku ko'oro nah ne i tongyo wo ne a do shi'ila mi sa gba'a tarung.