¹ Wo wasa nongyo tangsah mashen duk misa Paska Yeso sa je ho Baitanya bana bah Lazarus ho i ningna, yini ba Yeso wo lo'oshi iyo wuh. A la'ahun pa'a yi Yeso bila. Mata yi ning ku nda pawa bapina bila, yi lazarus iwo ho ku chiri wu bah a ningyi karngya ban li bila ma. ³ Maryamu ka to mpus muru ma rum dwana ngishi ma shimai ba ai chu'uli ne Nard, i ngya'abolo bwana, ningyi wo'o be muru ma ku mgba'a Yesoi, ka ningyi ye'eshe beh mgbi'i i ngyong-muri. Beh chiri lahma rusu i ngish muru ma shimai. ⁴ Yahuda iskariyoti mo'on ku chiri wu muna ye'ele tumui ba ko yo yer nswi ne a woli chew ne, ⁵ "Mani pa'ana a wo do kur ibe muru ku mur ngya abolo sule dari tarung ne a pawa wu bah gulbuhuya shiwa sa? Beh ngya'abolo ko ji ngya'abolo zungya bapina ma ba'a mo'on. ⁶ Wu do chew girmani chew ne i sun chiri wu ba gulbuhuya shiwa sa, mane yi wo ba nshiwi; yi ni ba war be ka'a shere chik ngya'abolo ya, i wo yish buhi kau gamuri ma nshiwi pa'a gir ma ka'amuri iyi. ⁷ Yeso ka chew ne, "ji'ingi kiring" I wara beh muru chew duk misa bah a ho lisam. ⁸ Wu bah gul bukya shiwa a ha i wun gbeng gbi gbeng ma mi do iwun gbeng gbi gbeng sa. ⁹ Zam wu bapina mau Yahudawa she'ele ne Yeso ho banai A do shene nda sun Yeso loi sa, a wo shen nda sun yi Lazaru bah a lu'asai yo wuh. ¹⁰ Beh bwajeh mau bah sahsah pe'e nshere ne i wol La'azarus kpana, ¹¹ Chew bah ko ma'a wu Yahudawa bwana a shen bah Yeso she pah ngichee ku muri. ¹² Ban puru fa, zam wu bapina ba a wo yuana bana p[urnving a wo'o ne Yeso i mur shen mashen Urushalima. ¹³ A kau wu bubu'o barang a puru sa pari, a mur ngyakunya hew ne "Hosana! Girma shimai ku mur bwara ba na yuana ku ciri lu'ulu Baku" yi beh Gom mau Isra'ilawa." ¹⁴ Yeso ka mum byrshi yewe ning ku muri, bene bah a ngwa'ala. ¹⁵ "A mi bang ji'iri sa, musari Sihoyona: a shi sunu, Gom ma bo i wuna, i ningya ku mur burshi." ¹⁶ Wu muna ye'ele tumui a wo do she'ele wu beh gir i yo chiikchi'i sa; yo ning bah a tol lou'ulu Yeso yiwa a yo re'eshe ne a ngwa'ala wu gir mani ku ka'amuri, a yo pa'ai beh wu gir bene bili. ¹⁷ Zam wu bapian bah a wu ho i yi, ka tu'ulu Lazarus i yo bum puk shi'ila, lo'oshi i yo wuh mayo nchimu, a pahshe'ele. ¹⁸ Wu bapina bwana wo chew wu ngya'a gir bah pa'ana a pur i gungya yo yii ku nginshere. ¹⁹ Wu Farisawa a chew wa yirya ne, "Wu sunu, su do mur pa'a gir ba i war su shen dwa sa. Wu sun bah tahra muan bwang a mur war chi'i. ²⁰ Wu Helleniyawa a wu ho ciri wu bah a shina nda so'onsa pah ku beh bana kam muru ma idi wu Yahudawa. ²¹ A sa par Filibus, yi i yo Betsaida ma Galili, a mwi ne bwajeh "so njel ne su sun Yeso" ²² Filibus shene sa chew yi Andrawus yi Andarawus i yi Filibus bwangya shene sa chew yi Yeso. ²³ Yeso ka yer wa, ka chew ne, beh missai yuama bah a tol mun Bapina yiwa. ²⁴ Mu mur chew wunu ngichewe, ngya'a Alkama na do kwana ku ciri nsah ka wunah sa, ko ning ngya'ali mo'ona; nah kwa wuhna ko bil wu ngya'ali bwana. ²⁵ Bah na njila nchimi, ko do kumi sa, yi ba na do njila nchimi ha ku Taraman sa, ko kumi wara mashen nchimu ma hueng. ²⁶ Bwara bah na mur pa'am tumu, i war ta'am bana bah na ham, korom yam i ning ham kpana. Dah ko njel yi korom yam. ²⁷ I mur su'uru nchimam, man bah nga chewe?" Dah, ra'atsa buham ko yo missai?" 'wi, wu chew beh gir mani nga yuana ku missai? ²⁸ Dah, toh lu'ulo yiwa." jimi ka pur yo kalang chew ne, "mi twalai yiwa, mo bassa toli yiwa kpa. ²⁹ Zam wu bapina bah a wo ho banai ma wo'o beh gir mani, a chew ne, i bene mwarang, wu gamuriya chew ne, maleka yi lua i yi. ³⁰ Yeso ka chew ne, "beh jimu do yuana cdhew mi sa, i yuana chew wun. ³¹ Reng chewe ku ur Taraman i mani, beh bah reng wa wu taraman a ho toh chi'i piri. ³² v 32 A na tuala mi yiwa ku be nzah mani, mo sung wu bapina bwang mayo bam." ³³ Wu chew gir mani ne, i rum ya i beh taa wuh bah ko yo nda wuh i yi. ³⁴ Zam wu bapina ma a lo'o ne, "Su wa'ana iyo nassi ne, Kristi ko ning ma hueng, i lan a mur chew ne, beh mun bapina ningya yi gba'a a ho toli la'ahun yiwa? Yen yi beh mun bapina?" ³⁵ Yeso ka chew wa ne, "Wo kum bung ban ma mishi ha bawun mashen duwa wu shen shene ma ban shi bungya duhu ko yo nda tono; bah na mur shen shene ku duhu ko do she'ele bana ba i mur shen mashen ho sa. ³⁶ Wu shi ha i bungban, wu pahngichewe yi bungban ne wu ning wu muna bung ban. wu ngya'a lo'o mani, Yeso wo lo'o, ka la'ahun swel sa sormo wa. ³⁷ Yeso wu pa'a wu ngya'a gir mah chi'i sahai ku dum ya. bili do ma ya a pah chewe iyi sa. ³⁸ Ne lo'o bah Ishaya bah sun Duwa wu lo'o i rutsu ma; bah wu lo'o ne Bwajeh, yen pa'ana ngichewe i girba a wa'ana iyo bahsu? Ku yo bah yen bah buk Baku pura yo ham. 9 Chew gir mani a do ngi pa ngichewe sa, bene bah yi Ishaya wu chewe ku gigeng. ⁴⁰ Wu kusu misya, ka'a ma'a nchim ya pa'a kiri ne, a ho do sun ban i ngya'a mishya sa, ke she'ele i nchim ya sa, ke a pirwi ne a yes wa ko'ongo ya so'oto'o." ⁴¹ Ishaya wo chew wu gir mani chew bah wo sun rungdung bongyo ma Yeso ka lo'o ku muri. ⁴² Wu bapina bwana, i wu gamur wu jeh pa ngichewe i yi ku missai mo'on. Ne chew wu beh Farisawa a do ngi pa she'ele ku muri sa, chew bang ji'iri ne a ho pu iyo ku ka'ana nere Baku. ⁴³ Ya ai njel lilem ku y bau bapina bwana gan lilem ku yo bah Baku. ⁴⁴ Yeso ka ngyakuni chew ne, bapina na pana ngichewe i mi, i do pa'ana ngichewe i mi luam sa, i mur bah tuma mi. ⁴⁵ Ana suna mi, a suna bah tuma mi. ⁴⁶ Yuana be taraman mani beh bungban chew ne bah na pana ngichewe i mi ido nuing ku chiri pina sa. ⁴⁷ Yi bwara bah na wa'ana lo'oyam ka do waraya sa mu do rengyi chewe sa. Do yuana nda rengchewe yi taraman sa. ⁴⁸ Ba na bi'ina mi, i do ya'a ngya'alo'oyam sa, i bwara bah ko rengyi hewe. Gir bah lua'ana, ko yo rengyi hewe ku imssa ma marsai. ⁴⁹ Do lua'ana ma ka'amuram sa, yi doh bah tuma mi ma'ana mi ku murgir bah mu chewe, i gir bah mu lo'o wwunu. ⁵⁰ Shi'ila ne be muara lo'oi ko waro shen nchimu ma hueng. Gir bah na chiwa, i kahkah i gir bah Dah lua'ana yam ne mu hewe.