NGI 9

1 1 Kanbwah ma chichi'i i njere ma so'onzha pah ku beh puhu tahraman yi. 2 Ayo ba'ana bhan so'onzha pah yi Bhaku, ku ka'anah ma mo'on a chiha bisah sunbhan ku gir chihi i tebur, ka fo'ofoh, a tu'ulah banai ne puhu bhan. 3 Bumka'anah magina yo ho nzhum beh twan lelbhan ma baring mah a tu'ula bhanai ne, bhan bah pa'ana puhi ghanna. 4 Kwa'ajing ma chigei bah a pa'ana i ba'a- nghyatah ma tun turare, ka kwati: kanbwa bah a lasai i ba'a nghya tah, wo ho beh bum ka'ana, kwa'ajing bah a pa'ana i ba'a nghya tah iho bu'i bah bwo'ala manna. Ka gahra Musa ba tana mbuhi, ka ongo'oro ngho'olo ma kanbwah. 5 Kerubobin ma ka'aka Bhaku iku mur kwati kanbwah, mbwangya a kusa girkun beh kwati, omani so do'o nghi lo'o ku muri mbwang sa. 6 Ana mala girshi beh a gir mani mbwang obeh bwahmuri a bor ka'ana ma nzai a pa'a tumu ya. 7 Beh bwamuri majeh yi'i bor beh bum ka'ana ma baring ma ngba'a mo'on i ba'ah, i shila bah i pah cheu ka'amuri ka cheu gir biwa ogamur bwapinah. 8 Beh puhu mbilar bah sa njere mashen buhu bhan do'o shi pura i muri sa, na ninghya ne ban nere Bahku mo bwmuri na chila i gbu'ui. 9 Beh mani yi wo girrumwun ma bhan mani, beh pah gir cheu Bahku i tungir cheu Bahku bah a pahna do'o ngina mal njim o bwa wartah Bahku sa. 10 A ma'ana njimya ku mur lih i nuh ka o zu'usu yirya, o mani ya njere girshi yiru gbura bah awah pana, ka aho pa,a beh piwi njere pa'agir. 11 Kiristi yu'ana bene bwajeh ma obwamuri mo girshima bah a yu'ana. Shina ku chiri mor ka shima bana nere mo bwamuri bah do'o bwapina yi pa'ana i buhi sa, do'o mah tahraman bah a ba'ana mani sa. 12 A do'o pa'anai i shila o mbili ke shila Omuna nda'a sa, a pa'ana i shilai yi kiristi, cheu ne i bor mashen bhan ma puhi-puhi ngba'a mo'on cheu so bwapina mbwang, ka i kur beh ra'asasu ma hueng. 13 Shila mbili i shila bura nda'a ka tuh sa'nda'a bah ia yar wah obwa njimya pinah, i war ya mayo pwer bah Bahku ne a girshi wa nghyam yirya. 14 Mani bah ko do'o pa'a sa beh shila Kiristi, bwa ku chiri beh mbilar mah hueng pana muri bah param girbiwa ku bah Bahku, zusa njimsu pura yi yo tumu ma wuhnai, pura yi yo tumu ma wuhnai, ne su warta'a Bhaku bah i njimi. 15 Cheu beh mini, yini beh bah ning ku chichiri mah piwi kanbwu mani yi ma'ana bah, cheu bah a wuhna wuh ne a tahbuh obah aku ta kambwa ma mo'on yo ako ya,a alkawari ma mburu ma hueng. 16 Kumur be pahkunu, gba,a ko ning ne a she'ele beh bwara bah pankuni. 17 Cheu bah ai pa'a tumu i lo'o pahkunnu bah be bwapana kuni na wuama, a do'o pa'ana tumu i yi beh bwara na shi'i njimi sa. 18 Wu suna, a do'o pa'ana beh kanbwa ma chichi'i ma gbura a abinai i shila. 19 Bah "Musa" yo pana nghya lo'o ku mur rengchewe wa obwapina mbwang. yiwa shila omuna da'ah, i mo mbili binai mu'uru. Ka ba'a luru, ka mbu-mbuhu izob, yiba ka missa wa beh o mbu njeme i ka'amur ya, ka ogamur obwapinah. 20 Ka cheuwa ne mani yini shila ma kanbwa bah Bahku lo'ana ku murwun. 21 Bene bah pa'ana mamah, missa beh shila yi beh bhan nere Bahku ka o ka'ala pa'a tumuyi. 22 Bene bah bwonai, shila yiba ai zusya iyi. Na do'o ninghya ne i so'oshila sa, a do'o kum yesgirbiwa sa. 23 23 Ninghya gba'a ne ogir bah a ku kallang a zusya i shila o nghyam bah apana, Beh ogir bah manghichewa bah oho kallang a zusya i shila bah ghanna mani. 24 Kiristi do'o ba'ara puhu bhan bah bwapina yi ba'ana puhu bhan bah bwapina yi ba'ana a buhi sa, bah ninghya lilim ma manghichewei wi, bo'ara kallang giri, ne i rummuri ku duh Bhaku imani cheu su. 25 Do'o shina ne, i pah muri ngba'a gbe'e sa, bene beh bwamuri bah i bwor beh puhu bhan ba'a i ba'a ikun shila bwara bah do'o shilayi sa. 6 Kabene ina, ka ho ning yi, ne i lichiri ngba'a gbe'e yo chikta'a beh tahraman, manima. Yu'ana ngba'a mo'ona, ku ononghyo ma marsai, ne i pur i girbiwa ku ban pahmuri ta'a su. 27 A pa'ana yi bwapina ne i wuh ngba'a mo'ona, i nzum belli rengchewe i warchi'i. 28 Ibene belli, yiba a pana kiristi ngba'a mo'on, ne i toh ogirbiwa obwapina buana, ku yo ma ngba'a baring, do'o ne tah zus girbiwa kpah sa. ko yo cheu ra'asa o bwa danghya njimya amu ta'ari