1 1 Beh ghir bah sumu cheu yini mani, sui mor bah warlah Bahku bah ningya ku buh ma lih ku be mur panya ma'a Bwaje ku kalang. 2 Yii korom ku puhu bhan, beh ka'ana Bahku ma nghicewa bah Bahku, do'o bapina sah i pa'ana. 3 Wu mor bah war lah Baku mbwang a chiha yah ma tonwurghir gbirai iwu ghir ton ku bhissa. Yi bah ningha gbah ne a kum gima bah a pah. 4 Kiristi woi ningha ku nza'ah bhan, kah do'o ninyha mor bahwar lah Baku sah, bene bah wubah ton wu ghir ku mur lo'o rechewe a ha nzha'ah bhan. 5 Ai pa'a chumu ku ka'anah Baku bah yi kangyimo'on i lilim yi ma wu ghir ma kalang. I bene bah Bahku wo sun mbhu mur "Musa" bah wo yoh nda ba'ah beh ka'anai Bahku chene, "Sun ne a pana wu ghir mbwang ku beh ghir bah ruma i yi ku mur ta'ah. 6 I mani, Kiristi ya'ana chumu ma shimai. Yi bah yo ningyha bah bor chiri mashimai bah Bahku wo yira wa bapina i mur ghir bah wo ne ko pa,a wah. 7 Beh yere bah Bahku wo chiwa wa'a woi do'o ninyha biwa sah gima kah do'o ma'ana a pa'a beh piwi yere sah. 8 Bah Baku sun biwa wu bapina, chene. "Sunu wu ju wuna Bahku chiwa bah mo'o pa'a piwi yere ih lah wu Israila i lah Yahuza. 9 Ko do'o ning bene beh yere bah wo pa'a i wu ka'ah yah ku ju bah wo bhol yah ku bu, kah muri yah ku masar. A wo do'd shen ku beh chiri yere bah wo pa'ai i yah wo do'o yeri yah sah- Bahku kah chewe. 10 Mani yi beh sah yere bah wo pa'a i lah Israila. Ku zhum beh wu juhi- Bahku ka chewe mo'o ma'a wu nyha lo'o rengchewe ku nchim yah, mo'o ngyo'olo yah ku nchim yah, mo'o ning Bahku yah, yah a ning wu bapinam. 11 A do'o sai bwarra mu'uri ma pu'er i yi sah ke bwarra songhi, amu chene, she'ele Bahku. Ne bwang a shi'ilam, i yo mu chigeih mashen beh moryah mbwang. 12 Mo'o sun chiri yah ku mur ghir biwa yah, mo'o do'o bhassa re'eshe ghirbiwa yah sah. 13 Bah chiwa "Piwi" i ma'an beh yere ma dwa ninyha, i beh ghir bah ninyha ma buh to'oh i ya'ai ninyha ma iyo nda borso.