1 1 Yiwo be "Malkisadak" Gom Urushalima" bwa dang ma Bahku ma kalang, a gbaka i "Ibrahim" pura iyo nda ye'ere mel wuh Gom ka ma'ana buhu majeh ku muri. 2 Yini bah Ibrahim panayi lum ku chiri ghir bah iyi. Lu'uli Malkishadek yi "Gom" ba pa'a gir shima. Mo'on lu'uli yi Urushalima yi Gom bah war ningha shima. 3 I do'oi tari sa, ido'oi ngihsa, ido'oi wa wu ki'ih sa, keh i chihtah duk ke marsa njimu. Bene beli i pura mun Bahku, cheuma ningna muara bwajeh ma bo'o bo'oh. 4 Sunu yiwo bwajeh ma muarai. ka'a su Ibrahim pana lum ku chiri beh ba twala ku bama bwaburah. 5 I buhu mo'on wu muna levi a ya'ana be chumu bahdang a pana wa kunu i lo'o rengchewe ne asaya'aha mo'on kumur lum ku bo bapina, kuyowu bawu so'ongiya, ya kpama a pura kuyo yir Ibrahim. 6 I mo'on buhu, Malcizadek ba wu belya awo do'o shi'ila ban ba a pura sa, i ya'ana mo'on ku muri yiba iwoi be pakunu. 7 Do'o gir linam sa ba achiwa ne bwajeh yini ma'ayi bwamun buhu. 8 Ku lo'o mani wuba wuh yai ya'a mo'on kumur lum, ku be mur mani a chiwa ne koning nah i njimi. 9 Ku beh njere lo'o, Levi, ba a ya'ana mo'on kumur lum ya kpana a tala mo'on kumur lum ku bah Ibrahim. 10 Wu ba Levi awo shimur pa'a gir mawu ka'aya yi ba Malchisadek kapar Ibrahim. 11 Kube gir mani be pa'a gir kaka nawo ku yo bowu deh ma levi (Kube mur bili wu bapina ya'ana rengcewe) Mani bah awo ndila kpa, ba cheu bahdang basa luana ku ta'a gir shima ma Malchisadek,i do'o yira ne i ning ku ta'a gir shima ma Haruna sa? 12 Ana yangna be wujeh koning ne be rengchewe a ho yangni kpana. 13 Ku mur bah lo'o wu gir mani iyo lasu maginai bsh bwara wodo'o pa'a chumu i banchele ku ka'an lo'o Bahku sa. 14 Wu she'ele ne bwajeh su abilai kuyo ram ma Yahuza, yi lahsu ba "Musa" do'o chiwa chengiya ku mur wujeh sa. 15 Gir ba su luana mani ido'o ku shuar mai sa bwara na basa pura bene Malkisadek. 16 i wo do'o ku chew rengchewe ma yiru mazahbah ma'anai ningna bwajeh sa, i ku beli gana muru beba ako do'o ngi wolnjimu sa. 17 Be lo'o Bahku ringna kuni chew yi ne "whe ni beh bwajeh ma malaisa ku ta'a Malchizadek." 18 Awu yisa rengchewe ma nzum chew bah iwo do'o nharha sa i doi chumu sa. 19 be lo'o rengchewe awo do'o pa'anai kaka sa. I ku mur beli a basa wara bah gana i ma'a njimu mah dwa ba so ngi shen pwer i Bahku. 20 Be gir mani ido'o pa'ana param tol kambwa sa, i mo'on buhu, wu ba ningna wu bahdang a do'o kanbwasa. 21 Basa imo'on buhu kpan, be Yeso yi mo'on yo ningna bah dang ba kana-bwa yi ba chiwai ne, "Be Bahku kanabwa i ho do'o yangna nchimi sa: weni be bahdang ma malai sa." 22 I ku be mani Yeso pana yere ma kurbuhu bah yimi gana. 23 I ku mo'on buhu, wu bapina bwana ningna bah dang chewma ana wuna ako do'o basa ning sa. 24 I kun mo'on buhu chewma Yeso ningna mamalai sa, yi ningna bahdang ma hueng. 25 I ku beh mani yi kpana ko ngi ra'asa bwang wuba amu yo pwer i Bahku kuyo bih,chewma i ningna imu nere chewya. 26 Be bahdang bene bili yini pa'ana kaka isu. I doi chewbiwa sa adoi sa'angi ne pa'ana chew biwa sa, yi puhui, i gawa yiri iwa wu bah pa'a girbiwa, yo gulu gana kalam. 27 I do'o bene wmara bah dang, bah jik i juk koyo ton nham kuku murtah, ma mo'on kumur girbiwai i gir biwa mawu bapina. Yi pa'an gba'a mo'on bah pana yiri. 28 Be rengchewe i ma'a wuba ado'oi nharha sa ne a ning wu mwa'ara wu ba dang. Be lo'o kurbuhu ba yuana i zum rengchewe, ruma muni bah a pa,anai bah apa'anai kaka mahueng.