NGI 6

1 Na nah, su i beh lo'o mun Bahku iyo chihchi ne sa shen dwadwa ne su nharha , subi basa ba'ah i mur girba suwo ji'ina iyo chumu ba ko wolsu sa, su ning i chum ngichewe ma shen ba Bahku. 2 Ke chihchih ma sasah i chew dang wu bapina ku mu'uru i ma'a buhu ku muru, i lo'oso wu ba wu i reng chewe ma marsai. 3 So ngi pa'a beh wu gir mani Bahku na yira. 4 Ko do'o ning kaka iwa wuba awo sana wa sa, i wuba a la'ara a panawa gir ma kalang, i wu bah ga'awa puhu mbilar. 5 Wu ba la'ara lo'o Bahku ma shimai i gan muru i wu jeh ma wuna. 6 W u ba na kwana-ko do'o basa ningwa ba anji'im chew biwaya sa, chewma a basa gi'ira mun Bahku wu bapina. 7 Beh nzah bah na muna mu'uru mbulu bah a yuana ku muri ima'a bele i sa'a, i ning gir shima yi bwara ba pa'ana chumu i beh nzah- yi beh nzah bah ya'ana tih buhu i ba Bahku. 8 Na sa'ana zueh nda'a i doi, chumu sa i pwer i gir ma kunu bwalai, marsai a buhi ku bisah. 9 Su yira i gir mashimai ku murwun wu ba njila, wu gir bah ningna ma ya'a buhu sui lo'ona bene bili. 10 Bahku do'o ba pa'a chew biwa ba ko wunzuih i chumu wun sa i be njele ba wu pa'ana i nza kuni, chew ba wu pa'ana chumu wa ba war ti'ih wu basa pa'ana wa kpa. 11 Su ndila ne mbwang wun wurum be nong imurwun mashen marshi chew be yere i ma'a njimu. 12 Mani yi be beli, ne wubi ning walap za, wuning wu ba war ta'a wu ba pa ngi chewe i dang njimu newulibe umburu gir ba ichiwa. 13 Bahku wo pa kuni yi "Ibrahim," yiwo kan bwa i yiri, yi ko do'o kanbwa i bwara ba ganai sa. 14 I chiwane do'o kasah pakunam wo sa. mo ben wo wu gir bwana bwana. 15 Bene mani "Ibrahim" kum be gir ba awo cheyi ne ko kumu, wo dang njimi imu ta'ara. 16 Wu bapina ai kam bwai ba ganai. ku marsa be linanya i kanbwa, be kanbwa ningna bene be yere ya. 17 Bahku nane ku gishi lo'o wa ba li mburu ne a gishi she'ele beh gir ba i chiwa i do'o pi'iri be gir mashimai i njele njimbui sa, i pah be gir i kanbwa. 18 I pa'ana be mani i mur gir baring ba ko do'o pi'iri sa, ko ning i harha yi Bahku i lo'o lilim, su bah su bangna nda sormo so kum nharha njimu su war i nharha i be yere ba a ma'ana ku nzo kunsu. 19 Sui beh ma'a njimu kumur gir bah nharha i gir ma bolo wara ma njimsu ma njimu bah bwarra ku chichiri ban gir kusu ban. 20 Yeso bwara be ban bene bafasu njere, be muara bwajeh mahueng bah twala njere "Malkisadik."