NGI 5

1 1 Mor bah war lah mbwang bah a chu'ula ku chiri mu bapina, a chiha yah ne a pa'a chumu makun beh wu bapina bah ninyha chumu ma Bahku, ne a ton wu ghir gbirai i wu ghir tono cheu wu ghirbiwa. 2 Koh war yah kiring wu bah ado'o shi'ila sah i wu bah a zhiinyha nshere Bahku cheu ne yima wu ghir bah ai ma'a bapina i kwa a karnhai. 3 Cheu beh mani, yii koning bah ton wu ghir tono ma ghirbiwa i ka'amuri. 4 Do'o cheu ka'amuri sah bwarra ko ya'ah so'o nza'ah, ko bong ne, Bahku yi chu'ulai, bene bah a wo chu'ulu Haruna. 5 Ku nshere mo'on, Kiristi wo do'o so'o nzha'ah pii ka'amuri sah ne wo ma'a ka'amuri ning beh mor bah war lah Bahku. Ina'a kah bah wo mu lo'oi muri cheu ne. "Weh munami; Linah ninyha taro." 6 I bene bah wo cheu ku bhana magina ne. "weh mor bah war lah Bahku ma hueng ku zhum Melchizedek." 7 ningghai ma yiru ha beh tahraman mani, mun Bahku kusa mishi i ne'ere i bwakuni i zolo i nha mirin ku ba Bahku, ba ku ya'a buhi ku wu. chew be nong i muri yibah a wo'o beh zoloi. 8 Yiwo beh mun Bahku kpana, yi'ila i nong i muri i chiribeh chiri'ih. 9 I ma'anai ne i ning kadha, mane bah na wa'ana kuni ko ning bah i kun njimi. 10 Bahku ma'anai neh i ning mwara buajeh ku nzum beh pa'a gir shima ma "Malkisadaka." 11 Sui lo'o bwana ma su lo'o ku mur mun Bahku, ka'a mur su har ha ma lo'o chew bah ndimsu wuna ma wo'o. 12 I beh ban mani wuning wu bah sasah, wushi ndila bwara ba ko rumwun i beh nzor lo'o Bahku. Wu njila mu'uru suwa do'd bila ma nharhai sa. 13 Bwara bah nuna mu'uru suwa na idoi she'ele beh lo'o ma ngichewe sa chew ba yishi mun bwamun. 14 Bila ma nharhai mowu jeh. ya wuba ai nharha a shi'ila she'ele ma agi gau gir shima i gir biwa.