1 Na bene mani, su tam ka'a mursu cheu ne bwara do'd kwa'a shewe ma bor beh lil bah wo'o chiwa wunu. 2 A wo do'd chiwa su beh wu shima lo'o bene bah ashamsa. Beh lo'o wo do'o pa'a shima sa wa bah bene ben muryah ku panghicewe bene wu bah wo'o kunu. 3 Beh su bah su pan nghicewa so ning wu bah bor beh lih, bene bah chiwa ne. "bene bah kahna ku chiri bhurai, a do'o bor lamsah." Ke na'a, wu chumui bah pana a wo mal ku beh chi ta,ah nza'ah bhan. 4 Wo cheu ku bharra ku beh cheu nonwoo tanzah baring. "Bahku wo noss ku ju tanzah baring ku beh pwa wu chumui." 5 Bhassa cheu ne, " A do'o bor lam sah." 6 Na ningha na'a, cheu ma ane a zhiinya waa wu ghamuri ne a bor beh lih, cheu bah wu "Israilawa" bwana bah awa'ana beh shima lo'o a do'o bwarasa cheu nyarnyha ka'a mur yah. 7 Bahku bhassa chiha ju magina bah chi'ulai "Lina." ku Zhum wu ju gbeh, wo lo'o ku "Dauda," bene bah wo chiwa i yoho, "Lina ana wa'ana lo'oi, Do'o nyarnyha nchimo sa." 8 "Joshuwa" woi war ya shina bha Bahku, Bahku ka do'o bhassa luana cheu ju magina sah. 9 I naa yi bah ma'ana ne ju asabar shi ham a zhiinyha wa bapina mah Bahku. 10 Bah na bwarra beh noss ma Bahku i kuma i ka'a muri noss ku chumu mabhi bene bah Bahku pa'ana ku mii. 11 Na ningha naa, su pa'a wass beh bor noss ma Bahku, ne bwarra do'd kwa ku nyarnyha muru bene bah awo pa'a. 12 Lo'o Bahku i nchimi, i pa,a chumu i nyarnyha i liih ganna beh bhieu rijing. 13 Bah gina bah a pa'ana bah Bhku do'o shi'ila sah. Yi bah ma'ana wu ghir mbwang a hong ku jum Bahku bah so pa ghir bah su pa'ana ha nza'ah. 14 Na ningyha naa, su bah sui mor bah wara lah Bahku bah bhu'ala ku kalang, Yeso mun Bahku, su war beh nghicewe su inyarnyha. 15 Su do'o i mor bah war lah Bahku bah ko do'o sun chiri ghirbiwa susah, sui Bwarra bah a mani bene su, zik bah yi d'o pa'ana ghirbiwa sah. 16 Su shene i maa nchimu ku su kum sun chiri i kum ya'a-i-chi bah ko kumsu ku bhana bah su njila.