1 Cheu bah rengchewe ninghya ne lilim oshima gir bah ku du'a, do'o obeh ogir giraya sa. Obwapina bah a yu'ana ba Bahku, i ko beh pahmuru bah bwamuri imu pah ku muri-muri, ku ba'a -ba'a mani sa. 2 Na ninghya na, a wasku'u ma pah beh muru ra? Awo marsa girshiya, beh obwa wartah lo'o a ha do'o bassa pa'ana girbiwa sa. 3 I beh mbum pahmuru mani, i re'eshe i girbiwa ba'a i ba'a. 4 Cheu bah ko do'o ningh ne shila oda'a i mo mbili ko nghi ma toh girbiwa sa. 5 Yiba ma'ana bah Kiristi yu'ana tahraman lo'ana ne, "pahmuru ke pahgir a do'o njila sa." Yiru bah a girsa yam yi bah a njila. 6 Pah twanagir ke pahmuru ma pur i girbiwa do'o bwonghya njimmo sa. 7 Cheu ne, sunu, mi ham, bene bah a ngho'ala i muram ku mbunjeme ne pa'a gir njileu. 8 Bene bah ka lu'ama ne, a do'o njila pahmuru, ka pahka'ala, ka pahmuru ma tono, ka pahmuru ma pur i girbiwa i do'o bongjimmo iya sa" cheu bah o mbom mani ya bah ai pah i njere rengchewe. 9 Yima ka ne, "sunu, mi yu'ama mu pa'a wo gir njileu" Wuha gir ma mo'on cheu ne i yish ma baring yi. 10 Ku ta'a beh gir njileu mani, yiba a mala girshi njimsu ku chiri, beh pahyir Yeso kiristi ngba'o mo'on, i ma mbwang. 11 Ku buhmo'on, o bwa kanbwa amu chele duk i duk amu pa'a yumu yi Bahku. i mu pah seh pahmuru ku bhan mbwang a ko do'o toh girbiwa sa. 12 Ku puhmagina, Kiristi pana pahmuru ngba'a mo'on ma hueng ninghya ku buhli ma Bahku. 13 I mu ta'ara, ana ma'a o mwan burai ana pi'ira o ban chihi ngbui. 14 Ku cheu pahmuru mo'on ka malagirshi obwa girsa njimya ma hueng. 15 Beh puhu mbilar, renghya kunsu. Ma mo'on ine, 16 Mani yi kanbwa ba'a su kanna iya, ku nzum beh o nonghyo mani, Bahku yi chiwa. Mo ma'a nghya rengchewe yam ku njimya, mo ngho'olo beh nghya rengchewe yamku mur njimya. 17 Mo doo bassa re'eshe i o girbiwa ya sa. 18 Bana ba,a ana kuma ye'eshe girbiwa sa. 19 O swanah, su kuma nghyar-nghya baa su bor mashen puhu bhancheu shila Yeso. 20 Beli yini beh piwi ka njere njimu bafana wusu ku chiri twan lel-bhan bah yini beh yiri. 21 Cheu ba'a sui yi bwa kanbwa ma mori ku lah Bahku. 22 Su tah pwer i njimu ma ngichewe, i pahngichewe, ka puhu njimsu ba'a a zussu pura i re'eshe ma biwai, ka i yirsu baa a zusa i shima mu'uru. 23 Su chele i nghyar-nghya kumur lo'o ba'a sumu ma'ana njimsu ta'ara, su do'o le'ele sa.cheu ba'a Bahku bwa pana kunni, yi bwa ngichewe. 24 Su, pe'e njere bah su yammur yirsu ne, su njel yirsu i gir shima. 25 Su do'o nji'ingi kam mursu sa, bene ba'a o bwara pa'ana sa. Su yammur yirsu bo'ana- bo'ana, ku bene ba'a wu suna beh bhanmu yo pwer. 26 Suna bira suma pa'a girbiwa i she'ele su, ku nzum ba'a su ya'ana she'ele su, ku nzum ba'a su ya'ana she'ele ma ngichewe ado'o bassa pa'a pahmuru ma girbiwa sa. 27 Mor ji'iri rengchewe ka bisa ma-ghanna ko li obwa bina Bahku. 29 Mani ba'a wumu sun bene a ku pa'a yi bwara ba'a doo twala mun Bahku ne ninghya gima sa, bwara ba'a doo twala shila kanbwa ninghya gir ma shimai sa-shila baa girsa beh bwara, ka sa'angah beh mbilar ma nzhoh Bahku? 30 Su shi'ila bwara, ba'a chiwe ne, "mi ba'a pa'a yi bwara gir ba i pa'a yi mu'uri, mo pa'a yi kpana, Bahku ko rengchewe wa bwapinai." 31 ninghya gir ji'iri ne kwa ku buh Bahku" 32 Rw'eshe iwo chuk ba'a a bo'ala baa alo'ana wunu njere bah wu dangnjim wun i lichiri. 33 Duh magina baa bo'ala, awo pura iwun ku chiri obwapina a nghyasa wun a pana wunu chiri, wu mana murwun wu ninghya bene ba'a awo pa,ana yi, na. 34 Cheu wu suna chiri o bwa ya a wo o korom, wu yira bong njimu beh ra'asa baa a ra'asa wunu ka'ala wun. Wun i ka'amur wun, wu shi'ila ne wui ka'ala mashimai ka ma hueng. 35 Cheu mani, wu do'o buto'o i beh nghyar-nghya njimwun sa, cheu bah i dohngbu,(dohngbuhu). 36 A njila kurnjimu, cheu ne wu ya'a gir baa Bhaku ine ko poh, ana pa,ana gir baa yi njela. 37 Wsa mu bhan chige'e, beh baa yo, ko yo, ko doo ta'ara sa. 38 Ba'a ngichewe yam ko ningha ma hueng ku ta'a pahngichewe, na pirwa nzui, doo bung bu'am i yi sa. 39 Su, su doo ku chiri o ba'a pirwi nzum ya mashen bhan bongosoh. Su ku chiri o bwapina baa ai ngichewe ma war njimsu.