NGI 11

1 Pahgichewe yini rusu o gir ba'a a ma'ana njimu ku kurya, yi sunn ogir ba'a a do'o shi sunaya sa 2 Ta'a beh mani yiba o tarsu ma ya-yai a kuma yere Bahku ta'a pahngichewe ya. 3 Ku ta'a pahngichewe yiba su she'ela ne, i chewe Bahku yiba a pa'ana beh tahraman mani, cheu ne, yo ogir ba a do'o suna sa, yi ba chila. 4 Ku ta'a pahngichewe yiba habila pana yi Bahku pahmuru ma shima ba'a bonghyo ghanna ma kayinu, ku ta'a beh pahngichewe yiba yi kuma yere Bahku ne yi baa ngichewe, Bahku kpana renghya kunu. ba ya'ana gir yi pana. I wu'ama re, ta,a pahngichew ishi mu lo'o imani. 5 Ku ta'a pahchewe a twala Anuhu mashen kallang, do'o suna wuh sa." a dookumai sa, cheu bah Bahku twalai." Bah a wo doo shi twala sa a renghya njim Bahku. 6 I param pahngichewe a doo ngima pa'a gir ba ko bung njim Bahku sa, cheu ne ba'a na ko ta pwer i Bahku, gba'a ko yer ne Bahku ham, i mu pah doh buhu wa o ba'a amu pishi. 7 Ku cheu pahchewe yiba Nuhu, ba'a Bahku lo,ana yi lo'o kumur ogir bah awo shiham ma sunya, i ji'iri Bahku yiba baana ngo'oro cheu ne i ra'asa omuni ku ta'a pahngichewe yiba ruma tah-raman yi girbiwa ya, yi ninghya mburu ngichewe. 8 Ku ta'a pahgichewe Ibrahim wa'ana kun Bahku, puru shin bhan baa i shene ya'a ne i ning mburui, shina doo she'ela phana baa imu shene sa. 9 Ku ta'a pahngichewe yiba i ninghya baa were ku ram baa ane aho pih. A ninghya ku bhan ai wa ishaku, i ka wo Yakubu o mwan li mburu baa ane aho pahwa. 10 I mur,nighyi ta'ara ngila baa ichichi'i baa beh baa tah-nghyo'oi, baa ba'ai, yi Bahku. 11 Ku ta'a pahngichewe yiba saratu yiba wo ninghya kwemei yima Ibrahim ya'ana nghyar-nghya ma iwo pa'a njeh bwana, yera ne beh ba'a ngiechewe yi baa chiwa ne ko pa'a yi gir. 12 Yo ba bwapina mo'on mani, beh ba'a wo ta-pwer wuh, yiba a bila o bwapina baa a bwana bene o lryer ma kallang ka bene nghya nznzgshila'a ku kun salla baa a doo ngi ma sa. 13 Ku ta'a pahngichewe yiba o ba'a mani bwang a wu'aha o doo ya'ana gir baa awo ne aho pawa sa. Bah a suna, a za'ara ya yo pim, a yira ne ya o were ka o biri ku nzah mani. 14 O bwapina baa mbom lo'o mani, a ruma ogina ne amu pis nzah ma ka'amur ya. 15 Awo mur re'eshe i beh nzah ba'a awo ji'inga, a kuma njere ma bungyere. 16 Cheu bah ina, a njila ram baa bunghyo ghanna bili, yini baa i kallang. ku cheu bili Bahku doo pana nzon ne, a chene yi Bahku ya sa, cheu baa i girsa wa ram. 17 Ku ta'a pahngichewe yiba, Ibrahim baa a mahnai, pana ishaku. Yi wo muni ma i loi, yima pana, yi bah ya'ana gir baa ane aho pih. 18 Ibrahim yiba, a lo'ana ku muri ne, "ku Ishaku yima a bal omuno" 19 . Ibrahim yira ne Bahku ko ngi ma lo'oshi yo bo ba'a wuh, ina yi bah lo'ona ibene, ne iyo bo ba'a wuh yiba bassa kuma ishaku. 20 Ku ta'a pahngichewe, i mur gir baa a ko yo, yiba Ishaku ma'ana buhi wah Yakubu ka Isuwa. 21 Ku ta'a pahngichewe yiba, Yakubu baa wo ta-pwer wuh, yima ma'ana buhu wa muna Yusufu bo'aya baring, swana nzah pana yi Bahku, ba i jina yiri ku mur garmom buhi. 22 Ku ta'a pahngichewe yiba Yusufu, baa bhan ma marsai yi ta-pwer, o muna Isra'ila, ka luana cheu wu mo'ohai kpana. 23 Ku ta'a pahngichewe yiba, bhan baa a bila Musa o tari swarmai ma nzunghya tarung, cheu baa a suna ne yi shima mun, A doo banghya ji'iri tahbura Gom sa. 24 I ku ta'a beh pahngichewe yiba Musa baa gula bwapina bina ne a doo tu'uli, yi mun musar fir auna sa. 25 Pi'iri njila ne i lichiri i wo bapina ma Bahku, i baa a cheu, ne nuh rurua'ana gir ma girbiwa ma mu bhan chige'e. 26 Yira ne, lichiri ma war tah Kiristi ninghya murum,baa ghanna murum ma nzah masar. I mur chi mishi ku mur dohbuhi. 27 Woku cheu pahngichewa yiba Musa jinhya Masar, do'o pa'ana ji'iri bura ma Gom sa, dnghya njimi bene imu sun baa a do'o mu suni sa. 28 Wo ku ta'a pahngichewe yiba Musa pa'ana beh tahlu'uru ka beh va'ara shila, ne beh ba'a kpingbwa do'o dah o mun majeh mo muna Isra'ila sa. 29 Ku chiri pahngichewe yiba a sawa sal Bahar Maliya ku yuma nzah,o masarawa ne a sau na, yima mu'uru mila ya. 30 Ku cheu yariko kwana, izum bah a tahkarnghyai ma nonghyo tanza baring. 31 Ku ta'a pahngichewe yiba Rahab barangzam, doo wuhna iwo obwa sangkunnu ma sa, cheu ma i ya'ana beh o mun malem, 32 Mani bah mu basa chewe bhan kobo'olam, nane mu lo'o ku mur o Gidiyon, i Barak i Samson, i Yefta, Dauda, i Sama,ila, ka o gamur obaa sun du'a 33 Beh baa ku ta'a pahngichewe yiba lina ram obaapina, a pa'ana ngichewe, aka kuma rusu gir bah ane a pawa, ka kusa kun o yimmah. 34 A wu'ala nghyar-nghya bissa, a tah-ghanna kun be'eu riji, a kuma soh polko'ongoh, a ninghya o nvorong ku, kunbura ka a lina o mwenbura ma were. 35 O mam a bunyere ya'ana wu baa wuh maya baa a lu,asa ya wu gina baapina a linachiri, kasa ma a wu'aha, a doo yere i beh tahbuhu baa a pah ne a ning i njimya, njimu ma shamai. 36 Ogins a ma'aha ya i wollo, a nghyana ya i gban, a ma'ana ya ku ninghye. 37 A bu'uha i wu taa, a ye'era ya pura baring, a gba'al ya yi be'eu riji, i kikanghya i ka'anga nzur ka ka'angu bhili ku yirya, a ninghya ninghya chiri, a lichiri ka a panawa chiri. 38 Beh raman doo jina baa a ning hu bui sa, a kikanghya ku to;o ku gboo, ku mbu taa, ka ku mbu nzah. 39 O baapina belya Bahku shi'ila ya, cheu pahngichewa ya ramah, a doo ya,ana beh gir bah a pana kunu ne a pawa, sa. 40 Bahku i wo girshima baa pa'ana cheu su, cheu ne suns do'o ha sa, a doo girshi, mala sa.