1 Cheu ba'a o baa rengkunnu boana karnghya su' su ma'a ogir baa nu'ura wusu, ka ogir biwa ku kanghyi. Su bang beh banghya ba i ku bang beh banghya ba i ku dumsu yi dangnjimu. 2 Su soo missu ku baa Yeso, yi baa pak ka baa malgirshi pahngichewe su. Beh bong njimu beh baa a pana ku dui. i danghya njimi i beh ngo'oro doo ma'ana ne ninghya gir nzon sa, imani nighya Bahku. 3 Re'eshe iyi, yi baa danghya njimi kumur beh du'a bah o baa girbiwa pa'ona yi cheu ne wu do'o bunjim wun, Wu ji'inghi sa. 4 Wu doo shibine, girbiwa jiya bhan baa a soo shila wun sa. 5 Wu dudunghya i beh nghyar-nghya njimu bah Bahku pana wunu wo muni, " Munam, doo re'eshe i yammuru ma tarsu lele sa, na girsa wo, doo bunjimmo i yi sa. 6 Beh tarsu i yammuru bwara baa i njilai. ya'angah mur mun baa i ya'ana. 7 Dangnjimo i lichiri bene yi yammuru. Bahku i pa,a iwe, yi yammuru Bahku i pa'a iwe, bene baa ia pa'a i omun, mun mahi baa tari doo i yammuri sa? 8 Wuna doo i yammuru, baa o baapina bwang ai yi sa wu ninghya o mun baa a paran tarya, wu doo omuni sa. 9 Ibeh lina mani, sui wo otarsu ma yiru, baa a ninghya o baa yammursu, su pana wa jeh. Su ko doo, wo'okun tarsu ma mbilar ka njimu bwana sa? 10 Ku buhu ma mo'oni, o tarsu ai yammursu ma oduk chigee bene baa a suna ne i bonghya wa. Ku buhma mo'oni kpama, Bahku i yam mursu ne i bong wusu, ne su ning o mwan pa'a gir iyi, ku chiri shimai iyi. 11 Beh yammuru magina doo ham baa ruru'ana, ku beh bhan,bah ana mu pa'i sa, i kon njimmu mah, na pa'ama i bil o mun shimai ma ngichewe wa bwa a yamma murya i yi. 12 Nghyar-nghya o buhu ba'a a gi'ira ma su'ulu' ka o kulmo ba a wu'aha. 13 Ma'a njere baa i nara kaka wa gbo'o, cheu ne gir ba na mu shenbiwa, i doo masa biwa sa, i kum sohpolo. 14 Wu pe'e ne wu ningshima iwo bapina mbang, ka i pi uhunjimu baa na param yi, bwara ko doo sun misBahku sa. 15 Wu tamyirwun, ne bwara doo sai nzo Bahku sa, ta'a lulanjimu doo gul yiwane i mahchewe sa, ko maa o bapina bwana a biwi cheu yi. 16 Wu tammurwun, ne wu doo kum bwara baa pe'e omam, ke baa sa'angah Bahku bene Isuwa baa cheu bila ma lih gba'a mo'on, kura yi jei ma mun ma jeh. 17 Wu shi'ila ne ku zum beli, baa yo njila mburu mi ma mahbuhu, a bi,inai, cheu doo kuma njere ma pe'egirshi sa, pisai i mirim yi. 18 Wu yu'a bana gboo baa a ngi ma da'a, gboo baa bisa mu bolo, ka duhu ma pinai, ka kuko mbulu. 19 Wu doo yu'ana bah bwa tong feh, ke bah jinghyu baa imu lo'o nghya lo'o bah o ba'a wo'o beh lo'o, amu nere ne a doo loo nghya loo gba'ai sa. 20 A doo ngina dang njimya i gir baa a lo'ana sa, ''Nghyam too na da'ana beh gboo, aho bu'uhi i tah" 21 Sun gir beli pana ji'iri bwana, yiba Musa chiwa ne "Yiram mu ko'oso, mu mur bang ji'iri bwana." 22 Iku beli, wu yu'ana gboo sihiyona, urushalima ma kallang ram ma Bahku ba'a i njimi, banna baa o mbilar mashimaya a panhya. 23 Wu yuana banna kammur o mun majeh, o baa a ngho'ala lu'ulu ya ko kallang. Wu yu'ana ba Bahku, baa rengchewe ma mbwaong ka bah beh o mbilar ma baa ngichewe baa a malagirshi ya. 24 Wu yu'ana bah Yeso, baa ning ku chichiri ma piwi kanbwa, ka bah shila ma misai, bah lo'o ghanna shila Habila. 25 Sun ne a doo bi'ina bwara baa imu lo'o sa. Anaa doo tahghanna i ku bhan bah a bi'ina beh bwara baa tanabura mur ya ku nzah sa, so doo tahghanna sa suna pi'ira nzum su yi, beh baa i mu tahbura mursu yo kallang. 26 i bhan magina, jinghyi ji'ira nzah. Imani, kanabwa ne, "ngba'a mo'on kpah, mo ji'iri i o kallang kpana" 27 Beh nghya lo'o mani "gba'a mo'on kpah" I mu rum ne, wu'uhu ogir bah a ji'iri ya, ogir beli ya bah awo pa'a ya. cheu ogir baa adoo ji'ira ya sa aning. 28 Cheu na, su bwat yi Bahku cheu bhan ninghya baa i doo ji'ira sa bah su kuma. Ne ibene mani, su sohnzah pi Bahku i pahje, ka i ji'iri bwana. 29 Cheu ne Bhaku su, yini bissa baa imu lih.