NGI

1 1 Wu zhingi be njelle ma so'o njiu i shen nah. 2 Imma was nsumwun ku yaa wu baa mbiri sa. Wu na mur pa'ana wu gamurinwu a hoo yaa wu malaiku doo i sheele ya sa. 3 Wu re'eshe i wu baa a kpanya ya ku ne'enye i wu ba'a a pa'ana wa gir biwa bene we ma'a apanna wo gir biwa ku yiro kpana'a. 4 Wu mbapina bwan toh reme i pahjeh. Mban no'ongho reme doo ning i meng to'o gho sa, Bahku ko reng chewe wa'a ba'a amur po'ogho ku shere ma biwai, i wu ba'a po'ogho wu maah mbapina. 5 Chimwun ning shimai cheu njel nya'a bolo. Kur nchimo i girba wui yi, Bahku i ka'amuri nee moo doo nzhi nyo sa ke moo yeno nzhi ngo. 6 Su dang chimsu i girba suiyi ne su kum ngyhar-ngyha ba'a su cheu ne, Tarsu jeh yi baa kumam, moo doo bang nshi'iri sa. Man ba'a mbapina ko pa,an 7 Wu re'eshe i wu baa adua i wun, wu bah a mur lo'oh wun nya'a lo'oh Bahku, wu sun ningnya ya i warta'aya, ma ngi chewe. 8 Yeso Kiristi i bene baa i ham, mayu nung, linahh i mawueng. 9 Bwara mi lere wun i piwi sah-sa sa. I bwanya ne chimsu ngyhar-ngyha chew nso Bahku, doo cheu wusu baa ko doo kum wu baa a mur shene cheu yi. 10 sui bagadin hadaya ku ka'ana Bahku bah wu baa paa chumu a doo yerwa ne a lih bila wo sa. 11 Shila nya'am baa a wala cheme gir biwa, high priest wara yuana mbana ma shimai, ai tohni ku sum lah cheu zur girbiwa so'o to'oh. 12 Yeso wu lih chiri ku kub ban mboro nashen chiri raw ne i zus girbiwa mau wu bapina i shilai. 13 Su la'ahu shen mbi wo sum ram. Su mur lilulu kpana'a bene baa a pa'anai. 14 Su doi mban ningnya ma wueng ha nini sa. Na ma su pe'e mo'on ba'a soh kum i dua. 15 Su li lem yi gbeng-gbi-ngbeng, sada ka baa so pih yi baa su li lem su mur to lu'uli yiwa. 16 Imma wuh sumwun i paa gir shima sa, wu kum yirsu, bee pah murmun mani ii bwong yir Bahku. 17 Wu yer i warta'a wu jeh, yana ba'a ai ning lele chimwun, wu yer i girba wu jeh wun njila, koo maa i bwon yirya, koo doo suhu elimya sa baa ko doo bwon wunu sa. 18 Wu nere Bahku ku mursu, su ma'ana mursu ne sui chimsu ma shimai i njelle su ne su ning shima ku gir-bwang-bwang. 19 Mu mur pah wunu ngyhar- ngyha ne wu pa'a gir mani ne moo bunuyere yo mbaawun mwas mwas. 20 Gir shima Bahku bah war baa wuh bunu yere Yeso, i shila kan bwah ma wueng. 21 Gir sawe i gir ma shimai ne a pa'a girba i njila. Nama i paa chumu ku mursu gir baa i shima ku nya'a mishi, ku chiri Yeso Kiristi, ba'a la'aka ning ku bii mawueng, ina'ah. 22 Mu mur pah wun ngyhar-ngyha wu suanah, wu war lo'oh Bahku i ngyhar-ngyha bee bah ngho'ala mashen mba'awun. 23 Wu she'ele ne so'ongisu Timotawus a tah buhi, soo yo iyi nayoo para mi. 24 Wu nza'ara i wu jeh wun i wu ba'a pah ngi-chewe. Wu ba'a suha Italiya iya, a mur za'ara wun. 25 Nso Bahku ning i wun bwanwun.