1 Tah buhu yi bah Kristi bassa su, wu chelle i ngyarngya, ne wu do bassa bor beh nguri ma korom sa. 2 Wu wo'o lo'am! mi, Bulus, chiwa wunu be wuna ji'ingya ka'amur wun ne a yo yer ka'an ngu yirwun, Kristi ko do ning gima ku bah wun sa. 3 Bassa chiwa kpa ne bwaraa ba na yira ne a yer beh ka'an ngu yiri, i ningha ne i war beh wu chewe ma nza'ah mbwang. 4 Wun bah wumu njel ne wu zuss ka'amur wun ku beh chewe ma nza'ah a gawa wun i Kristi, wu kwaana ku beh yere maa Baku. 5 Ku ciri pah ngichewe, su mur ta'ara ku ciri mpilar ma puhu ngichewe bau su mur ma'a nchimsu. 6 Ku ciri Yeso Kristi, yer ngu yiriu ke yer ngu yiriu sa do ningha gimaa sa, beh gir ba bwangha yini pa ngiciewe ku ciri njelle. 7 Wo mu bang banya ma shimai. Bwara baa wo do pur iyo bah bah wo chu'ula wun sa. 9 Mu chigeh yisti i la'ahun i beh fo'ofo. 10 Mi ngharngya nchimu ku chiri Baku ne wo do war ta'a beh ya'angya lo'o bill sa. Beh bah i mu ma'a wun ku beh jujun baan ko tal be melem, ko naa yi yen. 11 Wu swana, naa mu lo'o wunu lo'o yer ka'a ngu yiriu pa'alan ngaa mu lih beh chiri? Na ningha naa beh gir biwa ma beh ka'an go'oro kpang bapina maa a ji'inghai. 12 Ku mur wu ba a mur bene beh lo'o manni, i bene a shen gul nshee ne a ning dbah yirya wuuna. 13 Wun wu swana a wo ch'ula wun ne wun wu bah a tana buk yah. Wu do toh beh tah buhu billi ne i ning gima bah wo pa'a gir biwa iyi sa, ko bonwoo gaana ne wu sunn yirwun i njel yirwun. 14 Beh chewe ma nza'ah a bii nai ku lo'o mo'ona, Njel ba pwer i weh bene ba a njila ka'amuro. 15 Wu na ningha nda lu'ungu i fassang yirwun, wu tam ka'amurwun ke wo kping yirwun i yirwun. 16 Yi bah ne wu ning ku chiri mpilar, yi bah wo do kwaa i nda p'a girbiwa sa, 17 Beh Mpilar ma pa'a girbiwa njila gir bah beh pura mpilar do njila sa. Beh Puhu Mpilar njila gir bah beh pina mpilar do njila sa. A mu gbollo i yirya ne wo do ngi pa'a gir bah wu njila sa. 18 Yi Puhu mpilar na mu shene i wun, wu do ko chiri chewe ma nza'ah sa. A taana bukwun. 19 Beh wu gir ma yiriu a ku nza'ah: nong i wu maam ba do maamo sa, meng to'ongo ma nchimu i wu no'oho pa'a mpuwa. 20 War ta'a wu bah gbomo i buuri, bene bapina, ma bapina i dua, misshiu, bissa nchimu, njel ka'amuru, bene yere, gau muru. 21 Mis biwa, i nuh ngari i njel wu maam wu gamur yah mu mur tah burah mur wun ne wu bah pa'a beh wu gir mann a do bor lah Baku sa. 22 Beh wu bil Puhu mpilar yah Njel yiriu, bong nchimu, so'o pollo nchimu, dang nchimu, pa'a girshima, girshima pa ngichewe, 23 bunn yiriu, i bol muru, ku mur wu gir manni, chewe ma nza'ah i param ku murya. 24 Wu bah a ningya ma Yeso Kristi a malma waala beh yiriu ma pa'a girbiwa. 25 Baa su ningha ma puhu mpilar, su war ta'a beh mpilar. 26 Su do yo ning i biwa nchimu ne su pe'e chewe i pa'a misshiu i yirsu sa.