1 Wu swaana, ana bwala bwara i mur pa'a girbiwa, wun bah wui shima mpilar wu wah ri bun yer ku nginshere Baku che'eh. Wu tam ka'a mur wun ne wun maa wu do kwa ku ciri beh gir biwa sa. 2 Wu sun chiri yirwu wu mu to lu'iri ,a yirdwun, ku nshere manni wu mu rusu beh chewe maa Kristi. 3 Bwarra na ne yi gima ka yi do gima sa, i mu lere ka'a muri. 4 Mo'on wu ma'aha pa'a wun yi bah ko ngi nga ku'i i ka'a muri do io ma na ka'amuri i bwara sa. 5 Ko yen ko toh lu'uru ka'alai 6 Bah na ya'ana sahsah ku beh lo'o Baku ningha ne ko gau girshima bah i yi i bah sahsai. 7 A do lere wu sa, ai do tah dalah i Baku sa. Bapina ko chen gir bah billa. 8 Bah na billa ne i kur ta'a girbiwai, ko chen girbiwa, bah na billa ne i kur ta'a puhu mpilar, ko chen nchimu ma hueng ku ba Baku. 9 Su do wu gana sa i pa'a girshima ku kaa kaa ban, so'o chen chene mashi mai suna do chila i pa'a girshima sa. 10 Ne bah su shi kuma ban, su pa'a girshima wa bapina mbwang, su pa ngyarngya wa bah ningha wu ba pa ngichewe ku ciri su. 11 Wu sunn beh mo'oro ngwo'olo bah mu mur ngwo'olo wunu i buham! 12 Wu bah a njila ne a sunn ne a mur pa'a girhima ku ngya'a mishiu a mu chi wunu bissa ne wu yer i yer ngu yirwun. Beh gir bah ma'ana yini a njila ne a purui mur yah ku elem ku ka'ango'oro kpang bapina mah Kristi. 13 Do wu bah a yira waa ka'angu yirya lo'o yah ya mu war ta'a beh chewe ma nza'ah. A njila ne wu yer ne a yer wun ka'a ngu yirwun ne a kum kun yah ma ngya kwa'a yah ku mur ngyam yirwun. 14 Na nga do ngya ku'am sa she na ningya ku ma ka'ango'oro kpang bapina ma bwajeh Yeso Kristi. ba beh nza'ah ban a kpangnai ku bam, mi to nza'ah ban. 15 Ne yer ngu yiriu ke do yeri sa ningha gima gir bah bwagna yi piwi billa. 16 So'o pollo nchimu i sunn chiri mashen bau bah a wara ta'a beh lo'o manni, shen mala bau Israila maa Baku. 17 Ku marsai, bwara do waram chiri sa, yiram i wu gir ma Yeso. 18 Ne beh yere Baku ma bwajeh su Yeso Kristi i ning i mpilar wun, wu swana. I naah.