1 1 Gir bah mu mur chewe yini ne beh bah lih mpuru nashi mun bamun, yi ma i bene korom, ku mur ne yi beh mpuru bah a ji'inghai. 2 Yi shi ku buk wu bah sunni mayo na gu'ulama. 3 Su ma soh bene wu munamun, su ningya korom ku buk nza'a ban 4 Bah ban yi ji, Baku tum munni, billa bamaam, a billi ku buk chewe ma nza'ah, 5 Ne i tah buk wu bah a ho ku buk chewe ma nza'ah, ne so ngi kum beh girshima mau munn. 6 Chew ne su muna munn, Baku tum beh mpilar maa munni mayo nchimsu be mpilar bah zoloh pur ne "Habba Da" 7 wu do bassa ningya korom sa, wu ningha wu munn bah wu ningya wu munn Baku ma'ana ne wu ningya bah li mpuru. 8 Bah wo do shi'ila Baku sa, wo ningha wu korom mau waru bah a do jina gimaa sa. 9 Mani ba wu shi'ila Baku, ke bah Baku shi'ila i wun, ilan kpa waa mur bunu yere mashen bau gir ma biiwai? wu bassa njila ne wu bunuyere mashen baa yah kpa? 10 Wu mur chi tama wu duhu, i wu zungha i wu baan i wu ba'ah! 11 I mu pam ji'iri i wun ne kumu suha baan yam gbira. 12 Mu nere wun wu swana, wu ning bene mi, wo ningha bene wun wu do pa'anam girbiwa sa. 13 Bene bah wu shi'ila, wo chew ko'ongo yi ka ma'a ngha pak lo'o wun beh lo'o Baku. 14 Beh ko'ongoam wo ningha wunu gir ma wo so pa'am girbiwa sa ke wu waalam sa. ku bani wu ya'am bene mpilar ma tuu Baku, bene wo mi Yeso Kristi i Ka'amuri. 15 Mani pa'ana i wu bong bummu wun? moo ngi chew woi pa'ana naa, soi ngi wu'uhu ngya'a mish wun pam. 16 Yo ningha mwaan burah wun baa chiwa wunu ngichewe? 17 Wu bah amu ngharngha yir yah ne a war wun mashen bayah, do mashimai sa. A njila ne a gau su i wun ne wu ngyaarngha yirwun ku ta'aara yah. 18 I bwangna wu ngyarngya yirwun, ne beh ngyarngya na ma shimai ne i nungyi nda ning naa do chew ma naa haa bah wun sa. 19 Wu munam ma shimai, ba mi ku ciri kon ma zolo billa ne Yeso naa yo bwara buum wun. 20 I bene nga'a shi ning i wun ne mu pirwi lassam, mu mur maa chi'i sahai i pa'a wun. 21 Wu chiwam wun bah wu njila ning ku buk beh chewe ma nza'ah, wu do shi'ila gir bah beh chewe ma nza'ah chiwa sa? 22 A ngwa'ala ne Ibrahim woi wu mun burah baring mo'on billa ma maam korom, beh mo'on billa ma maami. 23 Beh munni ma billa maam korom a woo billi ku nshere bene bah ai bil wu munn gbirai beh mo'on munni ma billa maami a wo billi ku nshere ma a chiwa ne. 24 Beh wu gir manni a ngi toh yah ku mur baanha lo'o beh wu maam a ningha be'el lo'o. mo'on be'el lo'o i yo kono sinai bah ko bil wu munn a ning wu korom manni yi Hajara. 25 Hajara ningha beh kono sinai ku Arabiya bah jinai beh ramm ma Urushalima, chew ma i ku chiri korom i wu munni 26 Ku Urushalima ba i ku kalang i do ku nguri sa yi bah ningha ngi su. 27 A ngwa'ala ne: I bong boo weh maam kweme baa a do billa wu munn sa, ma'a buho ne zollo puru weh bah a do wara kono billa sa chew ne beh wu muna ba maam bah a ji'inghai a bwaana i maa bah i milmi. 28 Manni wu swana, bene Ishaku, wunu munna a chiw ne, 29 Wo ho banai beh mun bamun bah a billai gbira wo yoh i mu dang mun bah a billai a chiwa ne ku nshere ngyarngya maa mpilar. yi ningha bene manni. 30 Man beh bah mpuknsheme Baku chiwa? Wu purui beh korom bah maam i munni, chew ne beh mun korom ba maam ko do gau beh mpuru i beh mun bamaam ma sa. 31 Yi ningha naa wu swana, su do wu muna maam korom maa sa, su muna beh bamaam ma lah maa.