NGYI 3

1 Wu Galatiyawa bah wu gbuchuk, yen yi twala re'ehe wun? Bah a ruma wun i Yeso Almasihu bah a kpangnai ku ka'ango'oro. 2 Gir mo'ona mu mwe wun. Wu kuma mpilar chew rengchewe ke chew pahngichewe i lo'o bah wu wa'ana? 3 Beh gbuchuk wun jina nah, wu paha i mpilar, i mani wu yo nda ma'a njele yirwun ku malai? 4 Wu lina chiri ku gir bwana, wu nane inaah, wu tahna nza'ah. 5 Beh baa pana wun beh mpilar a pa'ana wun gir fahkunu ku ciri wun, a pa'ana chew regnachewe ke, chew bah wu pahna ngichewe i lo'o bah wu wa'ana? 6 Ibrahim "Pana ngichewe i Baku, ngichewe ngyi a balai ku ciri gir shima mabi 7 wu sun, wu pahngichewe ya muna Ibrahim. 8 Ku beh bum lo'o a suna, Baku ko pur i wo bapina ku chew pangichewe ya, A wo chiwai Ibrahim ne ku chew we a ta lo'or bapina bwang. 9 Wu bah pangivhewe ya a kum beh ta lo'or ku chew Ibrahim bah pangichewe. 10 Wu bah a mur war ta'a rengchewe a tananza'ah, a ngwa'ala ne bah na do pa'ana gir bah a ngwa'ala ku beh mpuknsheme rengchewe sa, tananza'ah muri. 11 Iku nzai bwara ko do tapuru ku baa Baku chew rengchewe, ba nai girshima chew pangichewe yi ko tahpuru. 12 Rengchewe a do i shene i pangichewe sa, beh bah na pa'anai yi bah ko tapuru. 13 Almasihu ya'ana ra'asa su kuyo pahkunu biwa ma rengchewe bah ningna gir pahkunu biwa chew bah a ngwa'alai ne, bah ana kpangnai ku ka'ango'oro yi pahkunu biwa. 14 A pa'ana naa ne chew beh lo'o bah a panai Ibrahim ma i su'ulu ku mur gamur wu bapina ku ciri Almasihu Yeso, ku ciri pahngichew yi sa kum mpilar ba aune a pasu ma. 15 Wu lasu njila mu shi lo'owun mani, gir bh ana panau ne pa'a a yira iyi bah bwara ma ko su'ulu iyi, ke i ben gba'ai ku muri. 16 Beh lo'o mani a lwa'ana yi Ibrahim, i bwara ku nshilli ya, a do chiwa ne "mbwong beh nshiliya" sa, bene a bwana. Wi, wo mo'ona a chewne "magina ku nshilli ya" yi beh Almasihu. 17 Gir ba njila mu chew wun. rengchewe ba yuana i ba'a lum,lum gba'a yinung i lum tarung (430) ku yo nsum, do luana biwa ku mur beh lo'o bah Baku pak luana su sa. ma a chewne a so'o to'o iyi. 18 Beh mpuru a kumi ku nshere rengchewe, kah do ning ma a chewne chew lo'am sa, Baku yi panai Ibrahim ku chew lo'oi. 19 Man yi beh rengchewe? yi nshere pue i girbiwa bapina ku nzai, beh wu nshiliu ma Ibrahim au yo ku ba bah au lwa'anai beh lo'o, A pana beh rengchewe gba'a ku yo ba malaika bah nshere. 20 Ba nshee do mo'ona sa, Baku yi mo'ona. 21 Beh rengchewe ningya langya langya i beh lo'o ma Baku lwa'ana?Wi'wi, torom! A pana rengchewe magina bah ko pah nchimu, yi ma a kum girshima baku ku nshere reng chewe. 22 Nya'a lo'o kpangnasu mbwang ku ciri girbiwa, chew beh lo'or ba a wo lwa'ana ne a pasu bah pana ngichewe i Yesu Almasihu, a pana wa bah pah Ngichewe. 23 Pah ngichewe ywana ma au kpangna su ku rengchewe, yi ma pah ngichewe ka puru. 24 Yi be rengchewe ningna su ngyiulah bah ko warsu shen ba Almasihu, chewne ne su tahpuru ku ba Baku chew pahngichewe 25 I mani bah pahngichewe yuama so do basa ning ku buk ngyiu lah sa. 26 Chew ma bwang wun wu muna Baku chew pah ngichewe i Yeso Almasihu. 27 Bwang wun bah a pa'ana wun Baftisma ku ciri Almasihu, wu toh ningya ma Almasihu. 28 Bwara mi do basa chew ne yi burah Yahuda ke wu gamur bapina sa, ko kah korom baburah ke bamaam. I, mbwang wun mo'ona ku ciri Almasihu Yeso. 29 Wu nane wun ma Almasihu, mo chew ne wu nshiliu ma Ibrahim bah li mpuru bah lwa'ana ma.