NGYI 2

1 Ku sum ba'a lum kuni yinung yi ma bunyere shen Urushalima sui Barnaba, su to Titus i su. 2 Ku loro yi bah nga she lwa'ana ya lo'o Baku bah mi ku mur lo'o wa bapina, lwa'ana ku swarmai ku dum wu bwajeh wu bah Karnda. chew beh tumu bah mu mur pa'a i do tahnza'ah sa. 3 Yi beh Titus bah i ha I mi maa, ado ma'anai kpa'a ne i yer ngu suhi sa, yi bura Bahelene. 4 Beh lo'o mani wo la'ahun chew wu so'ongisu magina bah a wo bor iya ku swarmai, Au njila ne tahkpasang beh lo'osu ma Almasihu Yeso, ne su ning korom ya. 5 Su do yira ya ne su zuk gbu'u mo'on sa, chew ngichewe lo'o Baku i ning i wun. 6 Beh bah au twala ya maduwai ne ya gima (Na ya, ina mo'ona, Baku yi doi be'ene bwara sa), mu mur chew wun,bah a wo gima ma duwai, a do bu'urm gia . 7 Bah suna ne a yiram mu pa'a waa bah ai ngu sukya lo'o Baku, bene ba a yira yi Bitrus i pa'a wa bah yira ngu sukya lo'o Baku 8 (Beh bah yi mur pa'a tumu ku nchim Bitrus ne i lo'o lo'o Baku waa bah a yira sukya, yi pa'ana tumu ku nchiman ne mu pah lo'o Baku wa gamur bapina bah a do yira sukya sa. 9 Yakubu i Kefas i Yahaya, bah ningna gos ya ku bah lo'o Baku, bah a sun beh gir shima bah Baku pa'anam a tahkma su i Barnaba, buhu baring baring ne su she ku ba wu gamur bapina ya a shen baa wu bah a yira waa sukya. 10 A njila ne su re'eshe i wu bah a doi gima sa, mi ma wo ri'isa be gir mani mu pa'a kpayam 11 Ba kefas yo Antakiya, yi ma she'echewe muri mishiu i mishiu nga chewei ne girbiwan ngyi ku nzai gbira. 12 Wu bah ayo ku yo ba Yakubu yo kumi i mur li billa i wu gamur bapina, sun ma a ywama zuk yiri i mur pa'a ji'iri wu bah yer sukya. 13 Wu gamur Yahudawa wu bah karnda a pa'a mishya baring bene yi, Be Barnaba kpana a leri i lere ma biwai a nuh ka'amuri. 14 Bah yo sunu a do wara beh pah lo'o Baku ma ngichewe sa, ka chew yi Kefas ne we bayahuda a wara ta'a gir bah wu gamur bapina a mur pa'a. Pa'alan wu Bayahude wo chew ne wu gamur bapina a pa'a gir ba Bayahude ko pa'a 15 Su bah a billa su Yahudawa do su bah girbiwa sa. 16 su shi'ila ne bapina ku do kum tahpuru chew rengchewe sa, ko kum tahpuru i pah ngichewe i Yeso Almasihu i loi, Su pana ngichewe i Almasihu Yeso, chew ba su kuma tahpuru ku baa Baku ku baa Almasihu do chew rengchewe sa, chew bah mun Adam magina ko do kum tahpuru ku ba Baku ku nshere rengchewe. 17 Na ningna bene bah su mur pe'e tahpuru ku ba Baku ku ciri Almasihu, a kumsu wu bah pa'a girbiwa, Almasihu i ur pa'a tum girbiwa? Wi Torom! 18 Na basa suna beh gir bah wo shi'ila, shi'ila yi bah girbiwa. 19 Mi luwam ku rengchewe, ne mu kum nchimam ku bah Baku. 20 A kpangna mi su i Almasihu, do mi bah wu mur sunam mani sa, Almasihu yi ku nchimam, be yiriu bah mi i yi mani yiriu ma pa ngichewe i mun Baku, bah njila mi ka yo pa'ana ka'amuri chewmi 21 Mo do pah chiri yi nzo Baku sa, ka warta'a rengchewe ne a kum girshima Baku, Wuh Almasihu ka ningna ma su tah nza'ah.